（方言原話）諸見（す　み）ぬ大和（やまとぅ）タンメーが魚（いゆ）くわーしーがむっちんじぃたぬばー、あさっとぅや今度（くんどぅ）、沖（うき）から桶（うーき）ぬ流れてぃちょんばーよ。とぅんもーとぅんもーるしぃ。あんしゃとぅ、「珍（ひる）ましぃむん宝物（たからむん）ぬがあってぃ。」いんじー、ふいじとぅーばいんじゃとぅやー。うりねえー、赤子（あかんぐわ）ぬおるばーよ。「ああ、とー、うり、でーじやしぃが。」家（やー）かいはいいちぇー、えー、家（やー）ぬハンシー、大和タンメーとぅてーへー、えーなー育（すだ）てぃえー、かまへー、成長しみたっとぅ。うりまたちゅらさんあいえー。ち、あのう美男子やったんでぃよう。あへんじぇ、年頃（とぅしぐる）なっとぅよ、若者達（わかむんちゃー）の、伊是名ぬ諸見（す　み）の若者達（わかむんちゃー）ぬ、だてーん、執心し望（ぬず）むるばーよー。あんしぇんじ、農業るそーしが、うぬ人（ちゅ）ぬ今度や、田や上（うわー）びにるあいんむん、逆田（さかた）てぃ上（うぃー）に、あるばーよ。うりけ、今度は田（たー）に日照（ひで）りんばーに、水（みじ）多（うふぉー）くそーるばーよー、「ああ、くりぇ、夜（ゆる）出（ん）じ他人（ちゅ）ぬ田（たー）から、どぅーくる水（みじ）汲（く）みえー、入（い）りえーる。」てから、憎（にく）まれんじ、それからそーるばーに、今度（くんどぅ）またあの神様、白髪（しらが）ボーボー生（み）ゆぬ神様みたいの老人が、夢（いみ）見（み）しぇるばー。枕元（まくらもと）に来（ち）ぃ。「これ、やーや、うまにうんやー、なまやー、ここ村人（しまんちゅ）や、やー殺（くる）すんてーから、むる、準備そーんどー。早（へー）く明日（あちゃー）、しこまー早（へー）く起（う）きいんじー、浜（はま）てぃん行（い）こーやー、船（ふにー）ん、うまーにうーい、飯米（はんめー）にこ乗（の）しろーとぅや、すぐうりけん、逃（ひ）んぎりよー。」でぃいちゃくとぅ、ちゃーしがしこまー起（う）きぃんじゃくとぅや、浜（はま）に船（ふに）んきさ、準備さりえー、飯米（はんめー）入りろんばー。あんさとぅ、「あんや、なーや本当（ふんとー）やさー。」でぃいえーから、えー、くぬ船（ふに）から山原（やんばる）かい逃（ひ）んげー行（ん）じゃっとぅ、しっちゃんめぬ、国頭（くんじゃん）の奥間（うくま）。やーあまんじ行（ん）じてぃ、また今度（くんどー）、一番初めあたったしーや、奥間カンジャーなとーんばーよ。カンジャーにカンジャーの手助けしえーから、うぬ、でぃ、じんぶんさーかわいるばーれる。うさぎーらーちょうとぅやー。えー、まーそーしが、前またーいちゃーがしちゃんぬあらー、皆に憎まれるわざ。全然（じぇんじぇん）うまーにんならん。あれ、うまーやあらんまた今度（くんどー）、うまーに又神様ぬ夢（いみ）見しるばーよ。「なーひん南（へー）き行けなーひん南（へー）き行け。」てぃ、言われんちゃくとぅ。たった、あぬ、中部から南部かいんじぇしちゃしが、今度（くんどー）うまんじんまたらん、一番残（いちばんぬく）たぬ、最後の残ったしが佐敷よ、佐敷村、あまんにけー行（ん）じょーるばーよ。えー、あまけんじそーしが、あまねぇ今度、苗代（なわしろ）からてぃぬ部落んじ、むとぅまえー、うまんじ長らく生活そーるばーに、今度あのう、時の王様からまたうりがしわざ、話ぬとぅんじんじぃ。いへー、わかんじぇー、城内（うろうち）ぎぇ来（ち）えーから、あの役目しむるばーよ。な、うっさじんぶんぬあいくとぅや、人（ちゅ）ぬ変わいるくとぅや、普通の人間と変わい、なーぼーねーくりぬ、頭（ちぶる）や持（む）ちょーい、顔（かーぎ）むあえんでぃそーてぃとぅや。いじ、首里（す　い）かい呼ばれんじ、うまに、ぬー勤（ちとぅ）み、ぬー勤（ちとぅ）み、勤めしみーらてぃ。そーしが、うまにんまた、憎まりんんばーよ。「えーな、うまにならん。自分（どぅ）や隠居しぇ。」いんじぇ、からそーるばーに。今度あの騒動起（そうどうう）くれーから、尚徳王ぬばーに、久高島征伐（くだかしぇいばつ）しんじゃるばーに、うぬばーにうまねー争い全然ねーんしが、「あぬ尚徳王や悪い王様るやっとぅや、うの人（ちゅう）や政治ならん。り、うまーに、なま沖縄（うちなー）ねー、琉球の前（めー）の人間（にいんじん）とぅしぇー、さんたてぃあとぅたきねーから。」しちゃとぅ今度（くんどー）、一人の老人が、手（てぃー）挙（あ）ぎれーから、「物（むぬ）呉（くぃー）しる我（わー）御主（うすー）、着物（ちぬ）着（ちぃ）ししる　我（わー）御主（うすー）。」でーんじよ。「とう、あのう、西ぬ松金（にちかに）、松金（にちかに）ありぬ、沖縄（うちなー）ぬ王様にない人（ちゅ）るやる。」と言じゃとぅ、「うーさり。」てぃ、むーる賛成んじぇ手（てぃー）挙ぎたるばーよー、あんしうまんじちたっとぅや今度王様になたん。尚徳王やまた、帰（けー）ーるばーに、うぬ状況わかったのー、尚徳王の家にんじゅんちゃー、臣下（しんか）ぬちゃーの、「んじぇー、待ちょーけよえー、沖縄（うちなー）、琉球ーちゃんぐとぅならんどー。王様たっちょんどー。」てえとぅ、うぬむんやー、うまねー海かい、とぅぶぃけー亡（まー）さんでぃるくとぅなえー。うりが尚円王になたのー始まいり。うっさまでぃ、終わり。