歩（あっ）ちゅたんでぃしがや、皆（んな）さーに、うーんどーし、幽霊（ゆーりー）やんどぉーし、うり見（み）ねー必（かんな）じ死ぬたんでぃよ。あんし、またうぬ首里ぬ人ぬや、「んだ、あんしぇ私（わぁ）見（ん）ちんだ。」さくとぅ、逆立ちなてぃ歩（あっ）ち来（ちゅ）たんでぃよ。うぬ人、足（ひさ）とっ掴みやーによ、金釘（かにくじ）打っちゃくとぅ、うにーからシングーさんでぃ。てぃじるしぇーる夫婦（みーとぅんだ）ぬ、妻（とぅじ）ぬ先（さち）死じゃくとぅ、あぬ男（いきが）、また妻（とぅじ）とぅめーゆんでぃさくぅ、うぬとぅめーたくとぅ、うぬ女（いなご）ぉ、ちぇーさくとぅ、夫　（うとぅ）ぬまた、金釘（かにくじ）さー足（ひさ）、たっちやってーたんでぃ。くぬ話。