〔方言原話〕　米寿祝（とーかちゆーえー）ぬ話ぬ、昔（んかし）あるとぅくまんかい、子供達（くゎぬちゃー）八人産（な）ちぇーみせーる親達（うやぬちゃー）二人（たとぅくる）めんしぇーたんでぃしが、うぬ子供達（くゎぬちゃー）や、若さるうちうってぃ、一人（ちゅい）ぬなー、一人（ちゅい）なーけーまーち、八番目（はちばんみー）ぬ子供（くゎん）、なー、十八なとーしが、うりんちゅー病気（やんめー）かっやーなかい、なー、うぬ病気（やんめー）んかい、持（む）ち負きてぃ行ちーねー、子供達（くゎぬちゃー）や八人産（な）ちん、一人（ちゅい）ん、私達（わったー）後（あとぅ）見（んー）ちとぅらする、子供（くゎー）残（ぬく）らんさーやーんち、うぬ母親（いなぐぬうやー）、山はい、畑（はる）はい、薬ないる木、草、探（とぅめー）いがんち、毎日（めーにち）通（かわ）とーしが、ある時（とぅち）、山ぬ神様んかい出会（いちゃ）てぃさくとぅ、「あぬー、山ぬ神様、私達（わったー）や八人子供達（くゎぬちゃー）産（な）ちゃーしが、、なー七人までぃー、若さいにうしなてぃ居（う）らん、残（ぬく）とーる子供（くゎー）十八なとーしが、なー、うりん、ちゅー病気（やんめー）かってぃ、今日（ちゅー）がやら、、明日（あちゃー）がやらし、毎日（めーにち）薬ないし探（かめー）てぃ歩（あっ）ち、煎（しん）じてぃ飲（ぬ）まちん、てぃーちんましぇーないびらんしが、ちゃーされーわたさいびーがやー。」んち、山ぬ神様んかい尋（たじゅ）にたさくとぅ、山ぬ神様ぬ、「とー、何月何日（いちぬいっか）、子方向（にーぬふぁ）ぬ御星（みふし）とぅ、午方向（んまぬふぁ）ぬ御星（みふし）ぬ、くぬ山んかい囲碁（ぐー）打ちーがめんせーくとぅ、うんにんにやーや、御馳走（くゎっち）作（ちこ）やーなかい、うぬ囲碁（ぐー）打ちみせーる側（すば）んかい酒（さき）ん添（しー）てぃー一緒（まじゅん）うさぎとーてぃ、うさがみそーらわー、やー、『子供（くゎ）ぬ命（ぬち）なーひん延（ぬ）ばちくぃみそーり。』んち御願（うにげー）せーは、あんせー聞（ち）ちくぃみせーさ。」んち、教（なら）しみそーちゃくとぅ、うぬ母親（いなぐぬうやー）、うぬ日（ふぃ）なたくとぅ、重箱（じゅうはく）ぬ一杯（みー）御馳走（くゎっち）作（しこー）てぃ、酒（さき）ん添（しー）てぃ持（む）っち行（いん）じゃくとぅ、御二方（たとぅくるー）はまい囲碁（ぐー）打っちょーみせーん。御二方（たとぅくるー）ぬ側（すば）んかい、持（む）っち行（いん）じゃーに置（う）ちちさくとぅ、子方向（にーぬふぁ）ぬ御星（みふし）ん、午方向（んまぬふぁ）ぬ御星（みふし）ん、囲碁（ぐー）や打っちゃがなー、うぬ御馳走（くゎっちー）取（とぅ）ってー食（か）みかみ、取（とぅ）ってー食（か）みかみ、酒（さき）ん注（ち）ぢぇー飲（ぬ）み、飲（ぬ）みさーに、全部（むる）うさがてぃ、酒（さき）ん全部（むる）うち飲（ぬ）でぃねーらんなたくとぅ、うぬ母親（いなぐぬうやー）ぬ、「実（じちぇー）なー、私達（わったー）や、かんかんぬ次第（しでぇー）し、八人ぬ子供達（くゎぬちゃー）七人までぃうしなてぃ、八番目（はちばんみー）んなー、今日（ちゅーい）い、明日（あちゃー）いやしが、むしかしーねー、私達（わったー）後（あとぅ）見（んー）ちとぅらする子（くゎー）一人（ちゅい）ん残（ぬく）いびーんくとぅ、ちゃーがなーし、くりが命（ぬち）延（ぬ）ばちくぃみそーり。」んち、話しーうなきたくとぅ、子方向（にーぬふぁ）ぬ御星（みふし）ぬ、「ああ、くれーなー天（てぃん）ぬ帳簿（ちょーぶ）んかい書ち込（く）まってるうくとぅやー、なーうっさぬ生（ん）まりやたんでぃ思（うむ）てぃ安んじれーやー。」んでぃ言（い）みそーちゃくとぅ、今度（くんどー）午方向（んまぬふぁ）ぬ御星（みふし）ぬ、「いぇー子方向（にーぬふぁ）、やーや、他人（ちゅ）の御馳走（くゎっちー）他人（ちゅ）ぬのてぃでーや食（か）どーてぃ、神ぬ名（なー）立っち、なーくれー、やーん私（わん）にん神るやしが、あぬー、恩義忘却（うんぢぼーちゃく）ぬ神やっさーんでぃ言（いゃ）ってーなー、くれー面目（たむちぇー）ねーらんくとぅ、ちゃーがなしはるなえーさに、やーや恩義忘却（うんぢぼーちゃく）ぬ神ないみ。」んでぃ、言（い）みそーちゃくとぅ、子方向（にーぬふぁ）ぬ御星（みふせー）、「ああ、うれーいふぇー考（かんげー）りはるやっさーやー、あんせー八人居（う）てぃーれー、八（やー）ちー延（ぬ）ばせー。」んち、子方向（にーぬふぁ）ぬ御星（みふし）ん合点（がってぃん）しみそーちゃくとぅ、母親（いなぐぬうやー）、「うー、いっぺーにふぇーでーびる。」んち、御礼（ぐりー）し帰（けー）いがちーなー、今度（くんどー）山ぬ神様出会（いちゃ）てぃさくとぅ、「ちゃーやたが。」んでぃ言（い）みそーちゃくとぅ、「うー、あぬー八（やー）ちぇー延（ぬ）ばちくぃみせーんち二方（たとぅくる）納得（なっとぅく）そーみせーん。」でぃち、話（はな）いうなきたくとぅ、「八（やー）ち延（ぬ）ばすんー、あんしーねー、いったー子（くゎ）十八なとーせーや、八（やー）ち延（ぬ）ばしーねー、下（しちゃ）んかい延（ぬ）ばちぇーくれー具合（たむ）ちぇーねーらん。」ちゃーし延（ぬ）ばすがんでぃる事（くとぅ）んかいなたくとぅ、「とー、あんせーなー、上（うぃ）んかい延（ぬ）ばせー。」んでぃ言（い）みそーしやーなかい、うぬ山ぬ神様（かみさまー）見いらんなってぃさくとぅ、母親（いなぐぬうやー）、「うー。」んでぃ言（い）ち、前（めー）見（んー）ちゃくとぅ、山ぬ神様（かみさまー）見（みー）みそーらんなってぃさくとぅ、母親（いなぐぬうやー）家（やー）かい行（いん）ぢ、「とー、くれーうゎーびんかい八（やー）ち延（ぬ）ばせー。」んでぃ言（い）みせーたしが、んち考（かんげー）たくとぅ、八十八、とー、くれー神様ぬくぃーてーみせーせー、八十八んでぃる事（ばー）やさやーんち、山ぬ神から教（ならー）さってーる八十八んでぃる事（ばー）やさやーんちさくとぅ、うぬ子（くゎー）八十八までぃ健在（がんじゅー）やたんでぃ。あんさーに、神様とぅ出会（いちぇ）たる山（やまー）、「カチ山。〕んでぃる山やくとぅ、んまうてぃ、神様ぬ、「とー、あんすらー、うゎーびんかい延（ぬ）ばせー。」んでぃ言（い）みそーやーなかい、見（みー）らんなとーみせーくとぅ、うぬトーとぅ、カチ山ぬカチさーに、「トーカチ。」なとーんでぃ。あんし、カチ山んでぃる山（やまー）今（なま）ん有ん、また別（びち）にん、「トーカチ。」ぬ話いやあしが、私（わん）ねーうりる本当（ふんとー）あらんがやーんでぃ思（うむ）いん。外（ふ）ぬ「トーカチェー。」ちょーばぬんでー碗（まかい）んでーんかい、水（みじ）ぬみっちゃかいにん、「トーカチ。」なとーんでぃ言（いゅ）ん。〔共通語訳〕　米寿（八十八才）祝の話。昔、或る処に、子供達、八人産んだ、二人の親達が居られましたが、其の子供達は若いうちに、次から次と、若死してしまい。八番目の子供も、もう十八才になっているのですが、其の子も、重い病氣に罹、もう此の子が若し、病氣に持負けて行ったら。子供達は、八人産んでも、一人も私達の後の面倒を見てくれる子供は残らない様になる、と、思い。其の母親は、山や、草原に行き、薬になる木や草を探しに、毎日通っているのです。すると、或る時、山の神様に出会まと「あのー山の神様、私達は八人の子供を産みましたが、七人迄は若い中に亡なって居りません。残っている子も、十八才になっておりますが、重い病氣に罹り、今日、明日もしれない状態で、毎日、薬になる、木や草を探して、煎じて飲ましても一向に善くなりませんが、如何にしたらよろしいのでしょうか」と山の神様に尋ねますと、山の神様は、「そうか。それでは、何月、何日。子方向の御星様と、午方向の御星様が此の山に、囲碁を打ちに、いらっしゃるから、其の時貴方は、御馳走を作って、其の碁を打ちいる側に酒も添えて一緒に差上げておきなさい。全部召上られたら、貴方は、子供の命を延ばして下さいと御願いしなさい。そうすると、聞いて下さるよ」と教えて下さいました。其の母親は、其の日になると、重箱に一杯、御馳走を詰、酒も添えて持って行きますと、御二方一生懸命囲碁を打っています、其の側に持って行って置きますと、子方向の御星様も午方向の御星様も、囲碁を打ちながら、其の御馳走を取っては食べ、又、取っては食べ。酒も注いでは飲み、注いでは飲み。御馳走も全部召上られ、お酒も全部飲み干されたので、其の母親は「実はもう私達は、此の様な事で、八人の子供達、七人迄は亡ってしまい。八人目も。今日、明日をも知れぬ重病ですが、若しかしたら、私達の後の面倒を見てくれる子は、一人も残らなくなってしまいますから、何とかして、此の子の命を延ばして下さい」とお願い申し上げますと、子方向の御星様は、「あーそれはもうー、天に帳簿にチャンと書き込まれているから、もう其れだけの運命だと諦めて、安じなさい」と、申されますと、此度は午方向の御星様が、「おい、子方向、貴殿は他人の御馳走、他人の差出しは食べていながら、神の名を付けて、もう此れは、貴殿も私も神であるが、あのー、恩不知の神だなー、と言はれると具合が悪いから。何とかしなければいけないのではないか。貴殿は恩不知の神になりますか」と申されますと、「あー、それは少し考えなければいけないね。それでは、八人居たならば、八つ延ばしなさい。」と。子方向の御星様も合意されましたので、母親は「はい、大変有難うございました」と、申し上げての帰り道、其の母親は、山の神様に出会いました。そうすると、山の神様が「どうだったか」と申されましたので。「はい、あのー、八つは延ばして下さると、御二方納得されました」とお話し申し上げますと、「八つ延すんだねえー」、そうすると、貴女の子は十八才になっているねえー、八つ延すとなると、下に延しては具合が悪い。」どうして延すかと言う事になって、最後は「トォー、其れでは、上の方に延しなさい。」と申されて、其の山の神様の姿が見えなくなりました。すると、其の母親は「はい」と返事して前の方を見ますと、山の神様の姿が見えませんでしたので、母親は家に帰って行き、「トォー、此れは上の方に八つ延しなさい」と申されたのだが、と、いろいろ考えていますと、八十八才。此れは神様が授けて下さったのは、八十八才、と、言う意味だったのだなー、と、悟り、山の神様から教はった、八十八才と、言う事だったのだなー、と、思い付きました。其して、其の子は八十八才迄、健在だったそうです。それで、神様に出会った山が、「カチ山」なので、又、其処で神様が、「トォー、其れでは上の方に延しなさい」と申されて、見えなくなられたので。其のトォーと、カチ山のカチを取って二つで「トーカチ」となっていると言う話。尚其のカチ山は今も有る。又、別にも「トォーカチ」の話しはあるが、私は此れが本当ではないかと思う。外に「トォーカチ」と言うのは、廾やお碗に水や米等を入れて、満杯（上の　一杯）にする事が「トォーカチ」と言う。平成９年２月17日　高江洲亮・赤嶺素花女翻字　Ｔ１Ａ５