〔方言原話〕　運（ふっちぇー）我身（みー）に有りんでぃしぇー、自分（どぅー）ぬ運勢（うんすー）や、自分（どぅー）ぬ自身（どぅ）んかいるある「運は天に有り。」んでぃしぇー間違とーんでぃる話ぬ。かーま昔（んかし）、那覇（なーふぁ）んかい、金銭（ぢんかにん）まんどーみせーる、裕福者（えーきんちゅ）ぬめんしぇーたんでぃしが、産子（なしむんぬくゎー）、娘子（うぃなぐんぐゎ）一人（ちゅい）し、父親（たーりー）ん、母親（あやー）ん、非常（じこう）学問（がくむん）好（しち）やみしぇーたんでぃ。うぬ性分（そーぶん）受てぃ、うぬ娘子（うぃなぐんぐゎ）ん学問（がくむん）うみはまとーるばーやしが、ある時（とぅち）、父親（たーりー）が、「運は天に有り。」んでぃ、言（い）みそーちゃくとぅ、うぬ娘子（うぃなぐんぐゎー）かーぶるし、「あねーあいびらん、運（うのー）自分（どぅー）ぬ自身（どぅ）んかいる有（あ）いびいる。自身（どぅ）やか他（ふか）んかい、自分（どぅ）ぬ運ぬ、有んでぃちぇー考（かんげ）ーらりやいびらん。昔（んかし）から沖縄（うちなー）んかい有る、『運（ふっちぇー）自身（み）に有り。』くりる本当（ふんとー）やいびーる。」んでぃ言（い）ちさくとぅ、うりから口論（いーがはーえー）なてぃさくとぅ、「とぉー、あんしぇー、やーやなー、あんし親（うや）んかい、反対するむん、沖縄（うなー）一ぬ貧乏者（くーしーむん）ぬ妻（とぅぢ）なすしが、くむみ。」んでぃ父親（たーりー）が言（い）みそーちゃくとぅ、「うーしまびいん、あんししまびーん。」でぃちさくとぅ、うぬ家庭（ちねー）や、下人達（ぢにんぬちゃー）ん、幾人（いくたい）ん使（ちか）てぃるうくとぅ、彼方（あま）はい、此方（くま）はい、かめーらちさくとぅ、「かーま遠（とぅー）さんかい、親（うや）、兄弟（ちょーでー）、親戚（うえかー）、縁者（はろーぢ）ん居（う）らん、一人者（どぅーちゅいむん）ぬ、家（やー）んねーらん、洞窟（がま）んかい居（う）しが、畑（はる）んねーらんくとぅ、他人（ちゅ）ぬ山林（やま）ぬ片隅（かたしみ）耕（たげー）ちぇ、ちゅくいむんし、残（ぬく）いや海（うみ）行（い）んぢ、魚（いゆ）から蟹（がに）取（と）うてぃ、食（か）でぃ、洞窟（がま）ぬ入口（いりぐちぇー）んかえー、簾（あんむん）下ぎやーなかい、寝（に）んたい、起（う）きたいそーしが居（う）んでぃくとぅ、やーやうりが妻（とぅぢ）なさやー。」んでぃ、言（い）ちゃくとぅ、「うーしまびいん。」でぃち、行んぢ、うぬ青年（にーせー）とう、夫婦（みいとぅんだ）なてぃ暮（く）らち、二（に）、三年（さんにん）しから、男子供（いきがぼーぢゃー）が、生（い）まりてぃ、あんさくとぅ、妻（とぅぢ）なとーる娘子（うぃなぐんぐゎー）ぬ、「貴方（うんじょー）、那覇（なーふぁ）ぬ父親（たーりー）、母親（あやー）前（めー）んかい行（い）ぢ、『黄金産子（くがになしぐゎー）ん生（い）まりとーいびーくとぅ、位牌（とーとーめー）ぬ親御元祖（うやうぐゎんす）ぬ前（めー）とぅ、火（ふぃ）ぬ神様（かぬ）んかい、報告（てぃうさ）しみてぃくぃみそーり』んでぃ、言（い）みそうやなかい、二箇所（たとぅくる）かい、『黄金産子（くがになしぐゎー）授（さぢ）きてぃくぃみそーち、れでぃがふーでーびる。」んてぃ、報告（てぃーうさー）ち、めんそーれー。」んでぃ、言（い）ちゃくとぅ、夫（うっとぅ）なとーる青年（にーせー）や、「あんすみ。」んち、那覇（なーふぁ）んかい、行（い）んぢさくとぅ、父親（たーりー）ん、母親（あやー）ん、大変（じこー）うっさしみそーち、「とーでぃきとーさ、私達（わったー）や、食（か）むむる物（むん）ねー不自由（ふじゆー）やねーらんしが、産子（なしぐゎー）びけーや、産（なーし）いきらさんくとぅ、君達（いったー）から沢山（だてぇー）ん、産（なーし）ふぃるぎしいよー。」んち、うっさしみそーち、一緒（まじゅー）んし、御仏壇（うぶちだん）ぬ位牌（とーとーめー）とぅ、火（ふぃ）ぬ神様（かぬ）んかい、「玉黄金（たまくがに）産子（なーしぐゎー）ぬ、授（さじ）かといびーん、うれでぃがふーでーびる。」んち、報告（てぃーうさー）ちくみそーち、家（やー）かい帰（けー）いになたくとぅ、母親（あやー）が、「とー、君達（いったー）や、食物（かみむぬ）んいきらさる筈（はじ）やくとぅ、くぬ米（くみ）持（むっ）ち行（い）んじゃーなかい、なー家族（やーにんじ）わん三人（みっちゃい）なとーくとぅ、火（ふぃ）ぬ神様（かん）仕立（した）てぃてぃ、出産祝（いばぎー）飯（めー）うさぎてぃ、子供（わらばー）健康（かた）ぬ、祈願（にんぐゎん）、また、家庭（ちねー）ぬ栄果報（さかいがふー）祈願（にんぐゎん）しーよー。」んち、袋（ふくる）んかい、米（くみ）入（いっ）てぃ、持（む）たしみそーちさくとぅ、うぬ婿（むーこー）、「にふぇーでーる。」んち、うぬ袋（ふる）かたみてぃ、帰（けー）とーるばーやしが、途中（みちなかー）いぢ、「袋（ふくろー）あんすか、まぎさーねーらんしが、見掛（みが）きやか、袋（ふくる）ぬ、いぶさぬ、、くれー中（なーか）んかい、ぬーがな入（いっ）ちぇるうぇーさに。」んち、開（あ）きてぃ見（み）ちゃくとぅ、石（いし）ぬ入（いっ）ちぇさくとぅ、「父親（たーりー）ん、頑固者（くゎがっぱらー）、他人（ちゅ）とー違（ちが）とーみせーしが、うれー、父親（たーりー）が、学問（がくむん）優（すぐ）りみそーち、何事（ぬーぐとぅ）ん良（ゆー）わかとーみせーくとぅ、他人（ふかぬちゅ）ぬるわからんくとぅ、うれーしむん、父親（たーりー）が、言（い）みせーしる本当（ふんとー）やくとぅしむしが、母親（あやー）やなー同様（ぬーぬぐとぅ）学問（がくむん）そーみせーしが、いふぇーなー、わかいぐりさぬ人（ちゅ）やみせーっさー。」んち、うぬ石（いせー）取（とぅ）やーに、道端（みちばた）んかいはん投（な）ぎやなかい、家（やー）かい帰（けー）てぃちゃーに妻（とぅぢ）んかい、、「那覇（なーふぁ）に父親（たーりー）ん、母親（あやー）ん、大変（じこー）うっさそーみせーたん。あんし、母親（あやー）が、火（ふぃ）ぬ神様（かん）仕立て、出産祝（いばぎー）飯（めー）うさぎてぃ、子供（わらび）ぬ健康果報（からたがふー）家庭（ちねー）ぬ栄果報（さかいがふー）祈願（にんぐゎん）しいよんち、米（くみ）持（む）たちぇーみせーしが、父親（たーりー）ん他人（ちゅ）からー、一徹者（ぐゎんくー）んでぃ、言（い）やっとーみせーしが、うれー父親（たーりー）が、他人（ちゅ）やかねー、良（ゆー）わかとーみせーくとぅ、皆（んな）が、父親（たーりー）さこうわからんぬるやくとぅ、父親（たーりー）が言（い）みせーしる本当（ふんとー）やくとぅしむしが、母親（あやー）や、同様（ぬーぬぐとぅ）学問（がくむん）そーみせーしが、いふぇーな、わかいぐりさぬ人（ちゅ）やみせーん、あんせー、火（ふぃ）ぬ神様（かん）仕立てぃてぃ、出産祝（いばぎー）飯（めー）うさぎりんち、米（くみ）びけーや持（む）たしみそーらん、石（いーし）までぃ入（いっ）てぃ持（む）たしみそーち。私（わん）ねー、見掛（みが）きやか袋（ふく）いぶさぬ、途中（みちなかー）うってぃうぬ石（いし）しぇー捨（し）てぃてぃちゃん。やくとぅ、母親（あやー）母親（あやー）やいふぇーわかいぐりさぬ方やみせーん。」りち、話（はなし）いさくとぅ、うぬ妻（とぅぢぇー）、「母親（あやー）がうぬ様な事（くとぅ）しみしぇーたんなーさい、あんしぇーうれー、石（いせー）あらん、ぬーがなるやる、とー貴方（うんじょー）なー一回（ちゅけん）めんそーち、うぬ石（い）取（とぅ）ってぃめんそーれ。」んでぃ言（い）っちゃくとぅ、夫（うっとー）、「えーあんどぅやいる。」んち、また、途中（みちなかー）までぃ行（い）んぢやーに、うぬ石取（とぅ）ってぃちゃーに、妻（とぅぢ）んかい見したくとぅ、妻（とぅぢぇー）、「ああ、くれーただぬ石（いせー）あいびらん、黄金（くがに）ぬ混（ま）んちょる石るやいびーる、やくとぅ、貴方（うんじゅ）難儀（なんじ）しみーんち持（む）たちぇーるばーやあいびらん。困（くま）いるばーねえーくり使（ちけー）よーんちる、持（む）たちぇみせーびーんどー。」んち、夫（うっとぅ）んかい、話（はなし）いさがなーうぬ石（いし）見したくとぅ、「んーん黄金（くがに）んでぃ、言（ゆ）せー、くんぐとぅーるそーいる、くりが黄金（くがに）やれー、なー私達（わったー）や、大変（じこー）ぬ大金持（うぇーきんちゅ）やさ、私（わー）が開（あ）てーる畑（はる）ぐゎーぬ側（すば）んかい、取（とぅ）いいんぢゃちぇーる石（いせー）むるくりとぅ似（に）ちょーるやくとぅ。」んでぃ言（い）っちゃくとぅ、妻（とぅぢ）ぬ、「本当（ふんとー）やいびーみ。」んち、二人（たい）し見（んー）じーが行（い）んぢゃくとぅ、んちゃ、畑（はる）ぐゎーぬ側（すば）んかい取（とぅ）いいんぢゃさっとーる石（いせー）むる黄金（くがに）混（まん）ちさくとぅ、夫（うっとぅ）、「とー、黄金産子（くがになしぐゎー）ん授（さじ）かてぃ、黄金（くがに）んとぅめーとーせー、君達（いったー）母親（あやー）、父親（たーりー）が、私達（わったー）二人（たい）夫婦（みーとぅんだ）なちくぃみそーちゃくとぅる、ありん、くりん、授（さじ）かとーくとぅ、那覇（なーふぁ）んかい行（い）んぢゃーに恩返（うんじ）さーやー。」んち、黄金（くが）ん馬（いぅま）んかい積（ち）でぃ那覇（なーふぁ）うってぃ裕福に暮らちゃんでぃ。うりとー別（びち）やしが、今（なま）ん運（うのー）自身（どぅー）にる有る。飛行機事故、車事故、列車事故、船（ふに）ぬーぬんち、沢山（だてぇーん）事故あしが、うぬ中（うち）にうぬ日（ふぃー）、うぬ時（とぅち）ぬ厄はんしゆーさん、運勢（うんち）尽（ち）りとーる人（ちゅ）、また、運勢（うんち）傾（がたん）ちそーる人（ちょー）、けーまーちゃい、どぅーやまちゃいすしが、運勢（うんち）強（ちゅー）さる人（ちょー）、ただ紙一重（すつとぅ）ぬ事（くとぅ）し免（ぬがー）いん。やくとぅ、「運（ふっちぇー）自分（どぅー）ぬ自身（どぅ）にる有る。」、「運（うん）は天に有り。」んでぃせー間違（まちが）とーん。〔共通語訳〕　「運は我が身に有り」と、言うのは、自分の運は自分自身に有るのであって、「運は天に有り」と、言うのは間違っている。と、言う話である。その昔。那覇に、金銭も沢山ある裕福者の家庭がありました。それで其の家庭は、父、母と、娘の三人暮しだったのですが、父も、母も、大変学問の好きな方々でしたので。其の娘も其の性分を受けて、一生懸命勉強しているのですが、或る時、父が、「運は天に有り」と、話しますと、其の娘は、頭を横に振って「そうでありません。運は自分自身にあるのです。自身より他に、自分の運が有るとは考へられません。だから、昔から沖縄に伝へられている、『運は自身に有り』、此れが本当です」と申しますと、それから口論となり、果ては、父が、「そうか、そんなにお前が父の言う事に反対するならば、お前を、沖縄で一番貧乏者の妻にさせるがよいか」と、申しますと、「はいよろしいです。それでよいです」と答えますと。其の家庭は、下男達を数人使っていますので、其の人達を使って、彼方、此方に行かして搜させますと。「ずっと遠くの方に。親、兄弟、親戚、縁者も居ない、一人暮しで、家も無く、他人の山林の片隅を開いて耕やして作物を作り、残りは海に行って、魚や、蟹を取って来て食べ、洞窟の入口には簾を下げて寝起している青年が居そうだから、お前は其の人の妻にさせようね」と申しますと。「はいよろしいです」と、出て行って、其の青と夫婦になって暮しているうちに、二・三年すると男の子が生れましたので、妻になっている娘は「貴方は、那覇の、父上、母上の処に行かれて玉のような男の子が生れましたので、佛壇の御元祖様と、台所の火の神様に報告させて下さい、とおっしゃって、二ヶ所に『男の子が授かり有難うございます、立派な男にして下さい』と、手を合せて拝んで来て下さい。」と、申しますと、夫は「よ‐し行って来る」と、言って那覇に父上、母上に話しますと。「そうか、よくやった」と父上も母上も大変喜ばれて「私達は、食べる物には不自由はしないが、子供だけは少ない。だから、君達からは沢山産んで、子孫繁昌させなさいよ」と、言はれて喜ばれ一緒に、佛壇のト―ト―メ―と、火の神様に「玉黄金の様な男の子が授かりました。大変有難うございます」と合掌して報告して下さいました。そして家に帰る時になると、母上が「さ―君達は、食べる物も少ない筈だから、此の米も持って行って。もう家族も三人になっているから、火の神様を仕立て上げて、出産祝の御飯を炊いて上げ、子供の健康と、家運の隆盛を祈願しなさい」と、言はれて、袋に米を入れて持たして下さいました。すると其の婿は「有難うございます」礼をのべて、其の袋を担いで帰ったのですが、途中迄来ると「袋はあまり大きくはないが。目掛よりも袋が重いので、此れは何か外の物が入っているに違いないと思い。途中で開けて見ると、石が入っているので。「父上も頑固者で、他人とは異なっていらっしゃるが、それは、父上が、学問に優れておられて。何事もよく御存知だからであり、他の人達がわからないからである。又父上の申されるのが本当だから、それでよいが。母上は、同様に学問なさっておられるが、少し理解しにくい方だ」と、言ながら、其の石を道の側に投捨て家に帰って来て、妻に。那覇の父上も、母上も喜んで下さって、帰りに母上が、火の神様を仕立て、出産祝の赤飯を炊いて上げ、子供、家族の繁栄を祈願しなさい。と、言はれてお米を持たされたが、父上も他人からは、一徹者と言はれているが、其れは、父上が、何事も、皆よりよくわかっておられるからであって、他の人が父上のようにわからないからであり、父上の申されるのが本当だから。それはよいが。母上は同じ様に、学問なさっておられるが。少しわかりにくいお方だ。それは、火の神様を仕立て、出産祝の赤飯を炊いて上げなさい。と、言はれて、米だけは持たさないで、石迄入れて持たして下さった。私は目掛より袋が重いので、途中で其の石を捨て来た。だから、母上は少し理解しにくいお方だ、と、話しますと。其の妻は、「母上が其の様な事をなさったのですか。それでは、其れは石ではなくて、何物かでしょうから、貴方はもう一度行かれて、其の石を取って来て下さい。」と言ますと。夫は「え―そうだったのか」と、言って、又途中迄行って其の石を取って来て妻に見せますと、妻は其れを見て、「あら、此れはただの石ではありません、黄金の混った石なのです。だから、母上が貴方を苦労させる為に持たしたのではありません。困った時には此れを使いなさい、と持たしたのですよ」と、夫に話しながら其の石を見せますと、「う―ん黄金というのは此の様にしているのか、此れが黄金であるならば、私達は、大変な大金持だ、私が開いた、小さな畑の側に取出してある石は皆此れと似ているから」と話しますと、其の妻は「本当でございますか」と、話し、二人で行って見ますと、成程少さな畑の側に取り出してある石は、全部黄金が混っていますので、夫が「そうだ。黄金の様な子供も授かり、黄金も拾ったのは君の母上や、父上が私達二人を夫婦にして下さったから。あれも、これも、授かったのだから、那覇に行って恩返ししようね」と、話し合って、黄金を馬に積み、那覇に行って裕福に暮したとの事である。又此れとは別の話になるが。今でも運は自分、自身に有る。飛行機事故、車事故、列車事故、船等と、沢山事故は有るが、其の中で。其の日、其の時の厄を凌きれず。運が尽たり、運が傾いたりする人は。死亡したり、怪我をするかと思うと紙一重の差で助かる人も居るのである。だから、運は自分、自身に有るのであって「運は天に有り」と言うのは間違いである。平成９年２月17日　高江洲亮・赤嶺素花女翻字　Ｔ１Ａ３