昔、ずっと大昔、今（なま）から、なー何百年前の話るやしが、なー、お爺さんぬんお婆さんぬん六十一の歳（とぅし）なろやー、世（ゆー）やうっさまでぃにーてぬ、国からぬ命令やえーから、自分（どぅー）ぬ親（うや）やてぃん、必（かんな）じなー連（そー）いんじな、捨（し）てぃらんこならぬ立場けないえしちゃとぅや、ある日な一人息子がお母さんるやしが、うぬお母さんや、うぬ話、一人息子け話しちゃとぅや、なー、可哀相になえーから、なー自分（どぅー）ぬ親（うや）やなー捨（し）てぃぬくとぅんならん、色々（いるいる）考（かんげー）んそーしが、なーお母さんや、「やーん、我（わ）んちゅいがたみなかい、うっさぬ親戚、家族や、うまねー、国に置（う）ちょーたるばすねーやな、むるなー、殺（くる）さりらんこならん立場やしが、汝（なー）やなー、うっさまりるーなー、生きてぬなー、生（ん）まりやとぅ、なー、是非（じひ）とぅむなー、遠（とぅー）さぬめーそーいんじから、捨（し）てぃりぃてくゎ。」うぬ、ちゅいんぐゎんけ、話せーるふーじ、しちゃくとぅ、うぬ、ちゅいんぐゎや、「なー、あんしぇーなー、国ぬ命令るやるむぬ、な、どぅなー、やーてぃん、そーいんじぇー、ありすわるないさやー。」んてぃ、なー、じことぅーさる、なー、山奥んけ、うぬどぅーぬお母さん、おんぶへーからー、そーいんじぇーしたとぅ、ふぬお母さんやー、一間、一間、みやけすすねーやな、木ぬ枝一本ずぅつ折（う）えー、落（う）とぅし落（う）とぅしせーから、なー、何里（なんでぃ）から、離ろーぬ、山奥けー、すんじぇ、お母さん、いしぃえーから、長男やお母さんに、「本当（ふんとぅー）なー、ぅーぬなせる親（うやー）、あたらさぬ。なー、離りいぇー、そーいんでー、捨（し）ってぃぶしくねーいんしがな、国からぬ命令やいやからなー、お母さんや、うぬ、うまりやとぅ、へーく極楽しー、行かれる山へ行ちー、極楽しぇー。」てから、親（うや）とぅ子（くゎ）っとぅな、うまに話し合いしぇー、涙流ししぇーから、泣ち別れしぇーから、一人（ちゅい）男子（いきぐゎんぐゎ）やな、帰（けー）ちょるふーじー、さくとぅ、帰（けー）ちゅるばすにお母さんが一言、「我んそーいたる道ねーれーや、木ぬ枝一本ずつ、折（う）えーい、一間ずつぬ、一間離りいぇやーや、木ぬ枝落（う）とぅへーとぅ、なー、うぬ道さといぇーから、っやーや、家（やー）んかい、けーいきよー。」しぃから、あーいーなー、お母さんが、うぬ子（くゎっ）け話しぇーしちゃっとぅや、うぬ、どぅーぬ息子さんやー、うぬ、木ぬ枝（ゆらー）、さっとぅいぇーから、家（や）ーけ帰（け）ーいぇちぇるふーじー。　うぬ長男や、家（やー）かい帰（けー）えーちぇしたしが、帰（けー）来（ち）えーんからん、なー親（うや）ぬくとぅ思（うむ）ひから、「なったーお母さんや、今時分（なまじぶん）ちゃんぐとぅそーがやー、生ちちぇるうがやー、死にるうがやー。」てぃから、食（か）むる物（むぬ）ん食（か）まらん、寝（に）んじゅるみーん眠（にん）ららん。なーうぬ子（くゎ）やなー、親（うや）ぬくとぅ思（うむ）いからなーありし、とうとう三日目ねーまたんなー自分（どぅー）ぬ親（うや）見じぇー、捜（とぅ）めー行（ん）じぇーから、いちゃいんとならんとぅから、家（やー）から夜（ゆる）木の枝（ゆだ）覚（さとぅ）えーから、道はらさとぅえーから、自分（どぅー）ぬお母さんがみーんじしちゃとぅ、お母さんや、なーが行ちゅるまでぃ、今（なま）生ちちぇそーたしが、え、お母さんや、「なーとぅ一緒（まじゅん）家（やー）け帰（けー）えー行か、我（わ）んやや、家（やー）け帰（けー）えー行（ん）じん、お母さんがくとぅ思（うむ）いから、夜（ゆー）ぬみーん眠（にん）ららん、食（か）むる物（むぬ）ん食まらんなー、心配（しわー）へーからそーとぅや、なーとぅ一緒（まじゅん）帰（けー）えー行か。」てぃお母さんけ言うしが、お母さんや、「やーが、うんぐとぅや、情き掛きえーから、言ーしがや、国からぬ命令るやくとぅ、なー一人（ちゅい）がためにや、いったーなー犠牲になへならんとぅや、なーや、うまに極楽すくとぅや、家（やー）んかい帰（けー）行きよー。」てぃからあん言うしが、「なーが家（やー）け、お母さん、うんちーけーへんじぇから、どうにか方法しぇーから、お母さんや、養（ちか）なてぃ、‥‥。」あへーなーとうとうお母さんやうぬ嫡子け負けーからな、また家（やー）け帰（けー）えー来（ち）ぇー、帰（け）ーえー来（ち）えーからなー、誰（たー）けん、見ららんぐとぅに、お母さん育（そえ）ちぇ、自分（どぅ）ぬ家（やー）ぬ地下ねー、穴掘（ふ）えーから、お母さんが住まいすぬ、うっさぬ地下室造（ちく）えから、お母さんなーうまから差し入りしぇーから、ご飯ぬんうさぎえーからなー、お母さん養（ちか）なえー、そーいぎさぬふーじぃやしが。 ある日、唐ぬ国から、大和（やまとぅ）ぬ国け、三（みー）ちぬ問題んじゃへーから、うぬ問題ぬ、なー合格そーやー、戦（いくさー）やさんしが、合格さんこやなー、戦や押（う）し寄しぬくとぅないえしちゃとぅやー、最初の問題やなー、木灰（もっくゎい）しぇー、五十尋（ぴる）ぬ縄綯（の）ーりーてぬ試験ぬ出（ん）じーからしちゃとぅやなー、うぬ国ぬ人（ちゅ）誰（たー）がん分からん。なーしちゃとぅやー、うぬ長男や家（やー）かい帰（けぇ）ーちぇから、お母さんがめーから聞（ち）ちゃとぅ、「お母さん、うんぐとぅぬ問題出（ん）じぇーそーしが、お母さん分からに。うぬ問題ぬ合格さんこや、戦（いくさ）寄（ゆ）しんてぃぬありやしが。」てぃ言ちゃとぅや、うぬお母さんや、「うりや、どぅーやしむんどぅやる。五十尋（ぴる）ぬ綱（ちなー）綯（の）ーえーや、うり、焼（や）ちぇーすわや、丁度木灰（もっくゎい）し綱（ちなー）綯（の）ーえぬぐとぅ形ぬあいとぅや、うんとぅしぇーからんじゃし。」てぃから言ちゃとぅや、うぬ長男や、うんぐぅしーぇから、だー、綱（ちなー）五十尋（ぴる）綯（の）ーえーから、うりに火（ひー）ちきぃ焼ちぇーから、うんとぅし出（ん）じゃへーしちゃとぅや、うぬ、一番目（めー）ぬ試験や合格しぇ。また、二番目（めー）ぬ試験や、うぬ馬（うまー）、いぬ色（いる）ぬ馬二頭あぬ、またなー、ふどぅくるん色ん、ぬーんくぃーんなーいぬ色ぬ馬ねー、あさとぅ、子（くゎー）とぅぬ、分かしてぬ試験やえしちゃとぅや、あぃえーまた、うぬ人（ちゅ）んやー分からん、うぬ国ぬ人（ちゅ）ん誰（たー）がん分からん。またうぬ長男や家（やー）かい帰（けー）ぇてぃ来（ち）い、お母さんぬめーから聞ちゃとぅ、「最初ね、起（う）きえーから、草食ぃえしや、自分（どぅー）し産（な）しぇぬ子（くゎ）、また後から食ぃえしや親（うやー）やとぅや、うんとぅしぇーから、試験出（ん）じゃしぇー。」とぅ言ちゃとぅや、えーまた、うんぐとぅしちゃとぅやなーうぬ試験ぬん合格しぇ、合格しぇーからまた三番目ぬ試験や、あぬ、角材二本、あぬ同じふるくるぬ角材、根（にー）ん梢（すーら）ぬ、いぬふぇーなぬ材木二本、「根（にー）とぅ梢（すーら）とぅ分かし。」てぃから、問題出（ん）じぇーしちゃとぅや、うりんなー誰（たー）がん分からん。またうりんお母さんかい聞（ち）ちぇーしちゃとぅや、あぬ、「池の中（なーか）んかいうぬ材木入りえとぅや、一番下（しちゃ）んけ沈むしや根元、また浮き上がいぬめーや、梢（すーら）端（はな）てぃぬ、あへー出（ん）じゃしよ。」てぃ言ちゃとぅや、うりんまたうんぐとぅしーから出（ん）じゃへー、しちゃとぅや、うぬ試験ぬん合格しぇー、なー三（みー）ちぬ問題、長男が全部（むる）合格しちゃとぅ、うぬ国ぬ偉い人（ちゅ）ぬちゃーん、「うりや中々、御神（うかみ）るやる。くんぐとぅぬ試験ぬ問題ん合格しぇーから。」だてんなー、うりから戦ん止みーならんなえー、ちゃっさがらぬ褒美（ふーび）うぬ、長男けよーへー、頂かしみえー、なー褒美（ふーび）貰（いー）えーから、へいせー。うんちゃからる、うぬ後からる、昔や年寄（とぅすい）ぬ功（くー）や亀（かーみ）ぬ甲（くー）てぃから、年寄や長生きぬうっさー、物（むぬ）分かりがちゅーさぬやー、そーとぅやなー、いちゃへん今（なま）から、年寄やなー生かりぬうっさー、六十ならわん、七十ならわん、九十ならわん、百までぃん生かりぬうっさーや年寄（とぅすい）ん達（ちゃー）や長生ちしみれーからやすわ、後や国ぬたみんないすくとぅや、今（なま）からや後やなー、六十一はらやー、ちゃーしん、人（ちゅ）人間（にんじん）やや、捨（し）てぃえーならんてぬありないんてぃから、しちゃてぃ。