吉屋んでぃしぇー、うぬクンチャーなかい、呼（ゆ）ばってぃよ、あしん、ジュリアンマーが、「今日（ちゅう）ぬう客（ちゃく）ぉ、暗しんう客どぉ。」さくとぅ、火ん付きらんように、うりさくとぅや。　あしん、翌日（なぁあちゃ）起（う）きてぃ見（ん）ちさくとぅ、クンチャーなてぃ。舌（しば）切（き）っちゃーなかい、けー死じゃくとぅ、うりやたんでぃ。あしん、うぬジュリアンマーが、通（かゆ）てぃ泣ちゃくとぅよ、「しんごんがりかし、しまんがうどぅい　死ぬばばくちゃ屋に通てぃ泣くな。」んちゃくとぅ、うりなかけー取（とぅ）らりーがすらんでぃ、うぬジュリアンマー行かんけーなとーたんでぃぬ。ジュリアンマーん、恐（うとぅる）さし、行かんたんでぃ。殿内（とぅぬち）んかい、うぬ骨（ふに）取いが行じや、さくとぅ、うぬ馬、むちくわーってぃ。さくとぅ、うぬ殿内ぬ人（ちゅ）なかい、怒（む）らーってぃよ。馬持ちぇ。怒らーってぃさくとぅ、ありやたんでぃ。うぬ自分（どぅー）ぬ詠（ゆ）でーぬ人ぬ、歌掛（か）きてぃさくとぅ、とぅ、うれー吉屋でーるんち。ぬがーってぃ。死じん、なぁまんだるか儲（もー）きてぃ。生ちちょーいびん儲きてぃ、やたんでぃ。翌日からるウコー儲きてーたんでぃ。うぬ御殿（うどぅん）やくとぅなぁ、ちゃっさんなぁ、うぬうんちけーいーらちてぇ。骨うんちけーに。なぁ神えーくとぅや。