七ちぃなる迄、阿麻和利り言いしぇ、穴ぐまいさーに、丁度、ちびぃしんちゃーし歩（あっ）ちゃくとぅ、アマナーとゆぬむんでぃ言あーに、阿麻和利付（ち）きぃらったりはじぃどぅ、うにーにからが阿麻和利、アマナーとゆぬむんちびすんちゃーすんなーでぃいあーに、あんしる付きらったる筈（はじ）どー。あんさーにうまうてぃ、穴ぐまいそーてぃ、ゆぅうとーてぃ、育ちょーるうちねー、うまうてぃ、木の葉（ふぁ）ぬ枝（ゆだ）んかいくーばーぬかしかきーし家造いし見（ん）じゃーに、うりから勉強なたんり、さんりち、うりからまたあんさーに、ぬうんでぃが網ちくてぃてー、魚（いゆ）とぃる網、うりちくやーにうぬ網さーにまた魚とぅやーにむる、くま東（あがり）ぬアシべーて、与那原（ゆなばる）からくま、勝連からうがた、うまかーぬあしべーぬ村々の人々（ちゅぬちゃー）んかい魚取てぃきやーにうりさーに、むんだにほーてーるばーてー。くぬ、ふどぅいーたくぬ話てー、またうれー。うぬ網ちくいんからーなー。あんさーにうぬ、護佐丸討（う）とぅすんりちさーに、うぬ魚取てぃ食（か）どーしぇや、んな〔みんな〕、うりが方ちちぇーるばーてー。阿麻和利ぬかた、あんさーに、護佐丸（ぐさまろー）討（う）とぅさってーるばーてー。ゆくしむにーしあんしん首里城（すいぐしく）んかいてー、ゆくしむにーし行（ん）じゃーに、うま、家る造（ちく）いしがてー護佐丸、大城、首里城んかい、戦しかきーんりち、部品道具あぬ、大大城、中城護佐丸は作（ちく）いぎーんどーりち、あまんかいゆくしむにーさーに、うま、んな一つ（てぃーち）なやーに討とぅさっとおるばーてー、護佐丸〔滅ぼされてしまったのさ〕あんさーにうま討（う）とぅさくとぅ今度（くんどー）はまた親ぬ家（やー）んかいしがとーるばーてー。親ぬ家討〔う〕としんから、なまた大大城りいいしぇまたんあまぬ武士れーそーくとぅ、ありがまた親ぬ家や助きやーに、くぬ阿麻和利、うりに殺さっとおーんてー。妻（とぅじ）あんしんまた、あまぬ、女の子（いなぐんぐわ）るやんどー。百度踏揚（ムムトゥフミアガイン）りいいしぇうりとぅ兄弟（ちょーでー）あらんたがやーやー中城護佐丸ぬ妻とー〔別話者‥‥婿兄弟（むーくちょうでー）〕やらやー、あれ、三男女ん子（さんなんいなぐんぐわ）、くま、次男やたる筈（はじ）どー。百度踏揚（ムムトゥフミアガイ）んりいいしぇ、わったーがくくどぅ父母（うやふじぃ）やんどー。大城（うふぐしく）ぬあれー〔大城のそれー〕、側女（そばめ）なとーるばー〔側女になった訳〕。またあんさーに、うぬ褒美（ふーび）なー、三男女ん子阿麻和利妻（とぅじ）やたしんなーうれー、「何（ぬ）ーん親（うや）んかい情けかきーがなー、踏揚（フミアガリ）ぇーいゃー、う側（すば）なしぇー。」りいあーに、本妻ん、うぬ人（ちゅ）ぬ女ん子（いなぐんぐわ）やしがてー、、阿麻和利ん妻（とぅじ）やたしん踏揚（フミアガリ）やるばーてー。うぬ踏揚（フミアガリ）んりちんまたくぬ大城（うふぐしく）ぬ側女になとーるばーてー、あんしん、なさったしが、私達（わったー）子孫（くわんまが）なとーるばーてー。うぬ人（ちょ）またあんさーになー、じこー、武士なたくとぅ、今度あまかい越来間切んかいめんそーやーに越来・読谷・具志川んりが三とぅくまの村ぬあぬまぎーなやーに、あまぬ勤みそーいねー、昔ぬ武士あまはい、くまはい、いいかーぎぬちゃー、自分（どぅ）ぬ勝手（かってぃ）し、女（いなぐ）かきやーに後（あとー）憎まりやーにあれ、殺さったんりがら、大大城（うふうーぐしこー）大城賢勇（うふぐしくけんゆう）りち。