あーまず私達ぁ仲宗根の先祖、私から十四代目、十四代目のあの女しんって言ったらね、女ね。女のウトゥー名りちあの首里のソンガー殿内んかい女中しーがめんそーちそして、うぬソンガー殿内んりいる所ぉ、なー昔ぇーやはりくぬ豆腐する時は臼に豆腐ぉ突ちゅしぇーや、そのあの豆腐し、ソンガー殿内んかいウトゥーが女中し行じ豆腐して。うりから昔ぇ首里から与那原通てぃ潮汲り桶にね、潮汲りかんし戻てぃ来る場合に道中ぬモーガヤーの中で蛇が、子抱ちょーるハブぬ焼け死にすしくぬウトゥーんでぃいちゃる潮かみてぃ来る人ぬ、ウトゥーんでぃいちゃる女ぬ見ちきやーに、あーうれー肝苦さぬあんしぇー無らんむんりやーに、その潮いーかきやーに助けたわけ。生ちきたるばーハブぉやー生ちきたぐとぅ。また今度ぉ与那原んかい戻てぃ、潮汲りまた首里ソンガー殿内んりる殿内んかい戻てぃ行じゃぐとぅ、くぬ女中やもううんでーさりーるばー、「今りーなーなてぃ」んちアヤーにねうんでーされて。さぐとぅなー豆腐ん仕上がてぃねーんしぇーや。うんでーさったぐとぅ、うぬ夜中ソンガー殿内なーその御殿殿内にはヘビなんか入いらないさーや、ハブんりしぇー入らんしぇー殿内だから大変良い家だから。あんさーにうぬ主ぬアヤーやハブんかいうたっとーるばー、夜中食われたわけさーヘビにね。そしたらうぬ女中やなーちゃー台所るやさやー台所やぐとぅ「今ん痛みみしぇーみアヤー」って言ってぬがばるわけ、くぬウトゥーんりーしが。さぐとぅ、うんにーねーうぬ痛めー許するばーやー。痛み許ちまたうりがまた台所んかい下がいねー、台所んかい行ちねーまたん「あきさみよー」うぬアヤーや呼びてぃ、もう三回もそうしたわけ。したら「ウトゥーよー、何かいゃー不思議やぐとぅやー、私ぁ所かい来っまー」んちくぬアヤーが呼んだわけ。したら「何やいびぃーがやーアヤーたい」んり。「いゃーやや、潮汲り来る道なかうてぃ何か無んてぃ」んち問とーるばー。さぐとぅ「なー実ぇやー私ぁが遅くなたしん、あぬ潮汲り戻やーにハブぬ子抱ちょーるハブぬ焼き死にすし私ぁが助きてぃ、あんし私ねー遅かないびたんどーアヤーたい」、お詫びしたわけ。したらうんにーから痛めー許ちょーるばーてーやー。したらあんさーにくぬアヤーが、「いゃーや普通の人ぉあらんぐとぅ、私達んかい今までぃ女中しちゃるやー（あのやっぱし金で使われるから）、うぬ女中しちゃるうぬ金ん取らんてぃんしむんぐとぅ、くぬソンガー殿内からまたあぬグヘイドウ衣裳りち衣裳があったさーくれー本当の実話よ、城に衣裳があったわけ。衣裳うぬアヤーが呉みそーちソンガー殿内から呉みそーやにまた田舎に下りて来たわけ私達ぁ親父母や。あんしハブの名前やジナーアヤーでこれの言葉があるさー。ジナーアヤーね。
　あんさーなかい、うぬ人ぉシマ下りしめんそーちゃぐとぅ、うれーソンガーウトゥーと言って名前付けたわけ。あのソンガー殿内の名前をもらってね。本当は童名ぁは私の先祖。あのー仲宗根御殿でぃやしがソンガーウトゥーりち名前貰てぃ。あんし私達ぁ子孫がね、道歩く時は「ジナーアヤー道横になんな、道なぎになんな、、ソンガーウトゥーが潮汲ん戻いだから」、あんしーねーなーハブぉどぅきぃみしぇーたんり。だからこれからはヘビは神の生ちむし」これは本当の実話です。