〔方言原話〕　字上勢頭（あざうぃーしーどぅ）ぬ、御殿地組（うどぅんぢーぐみ）ぬ、東稲嶺（あがりんなみ）ぬ南側（ふぇーばたー）高さる土手（あぶし）なとぉーしが、うまぬ下（しちゃ）むてぃんかい、受水井戸（うきんじゅがー）んでぃ言ゅる、柄杓井戸（にーぶがー）ぬあしが、うぬ井戸（かー）や、昔（んかし）、七月（ななちち）旱魃（ひゃー）てぃん、水（むぢ）ぬなげーりてぃ、遠方（とぅーさ）からん水（みぢ）汲みいがちゅるあたい、水（みぢ）ぬまんどぉーる井戸（かー）やしが、うぬ井戸（かー）ぬ下流（しってぃ）んかい、受水田（うきんじゅだー）ぬちぢち、井戸（かー）ぬ上方（かめーぎ）からすば、また田（たー）ぬすばふぃらー、全部（むる）土手山（あぶしやま）ぬやくとぅ、雨（あみ）んでぇーぬ降いねえー、井戸（かー）ぬ湧水（わくみぢ）しいてぃー、大水（うーみぢ）なてぃなげーりいしが、うぬ水（みぜー）全部（むる）下手（しってぃ）ぬ、受水洞窟（うきんじゅがま）んかいなげーりんちゅん。あんしが、うぬ洞窟（がま）ぬ入口（いりぐちー）や真下洞窟（ちぶとぅんがま）なてぃ、ちゃっさ大水（うーみぢ）ぬなげーりんちみたん、大鍾乳洞（うふがま）ぬあしが、昔（んかせー）、くぬまんぐらー、とぅかいふぃがいそうる山とぅ、んーじゅぬまんでぃ、木（きー）んふちゃりかんてぃ、昼（ふぃる）ん薄暗さるふか山なやーに、うぬ受水洞窟（うきんじゅがま）ぬ中（なーかー）、暗さんあい、また、中（なーか）んかい行ちぃねえー、いくちぬんかい、穴ぬ分かりてぃ、うぬ先（さち）んかえー川（かーら）ぬなげーりてぃ、海んかいちぢちょんでぃ。中（なーか）んかいむぬどぅめーいしいがいーねえー、木（きー）ぬ枝（ゆだ）ちゅだちなーむっちいやーに、辻（かじまやー）ぬかーぢうちきてぃるいーたんでぃしが、うまぬ西側（いりむてぃ）なかい、てぇーげー五十間位（ごじっけんびけー）に、なーてぃーちカーブヤー洞窟（がま）んでぃちあしが、うまー入口（いりぐちー）や、うすでぃるいーしが、中（なーかー）竿（そー）しんいちゃーらんあたいぬ洞窟（がま）なてぃ、受水洞窟（うきんじゅがま）やかんまぎさるあい、うまーぬ入口（いりぐちー）やなんべえーらーやしが、いふぃぐゎーいーねえー側（すば）から水（みぢ）ぬ湧ち、中（なーか）んかいなげーりくまぎいん。うんぐとぉーる所（とぅくま）やくとぅ、明治時代ぬ大盗人達（うふぬすどぅぬちゃー）隠家（くゎっくぃどぅくる）やたんでぃ。うぬ大盗人達（うふぬすどぅぬちゃー）や小橋川（くゎしちゃ）ぐゎーまーじゅー、上江洲仁王（うぃじーによう）、嘉手苅目玉（かでぃかるみんたまー）、千原（しんばる）シベーやたんでぃしが、うぬ当時（まんぐら）、木（きー）ぬふちゃーりかんてぃるうくとぅ、皆（んな）うまんかいくゎっくぃてぃ、てぃーちんかちみららんたんでぃ。うぬ時（ばー）ぬ探偵（たんてぃー）や、石川探偵（いしちゃーたんてぃー）んち、なー沖縄版（うちなーんまり）ぬ銭形平次んでぃいゃったる人（ちゅ）やくとぅ、うぬ話（はな）しいや、今（なま）んとぅすいぬちゃー物語（むぬがたい）ぬ、うほーくぬくとぉーしが、うぬ内ぬ、いくちかぬ話（はな）しい。うぬ探偵（たんてぃー）ん、うまぬ洞窟（がま）んかい目（みー）ちきてぃ、ちゃーみーぐるまーいそうたんでぃる話（はな）しいやん。北谷うてぇー千原（しんばる）シベーぬ話（はな）しいや、だてぇーんあしが、ある時（ばー）に、探偵達（たんてぃーたー）んかい、うぃーまーさってぃさくとぅ、自分（どぅー）ぬ家（やー）んかいいやーに、ちき髭（ふぃじ）し、シベーくゎっくゎち、眼鏡（みがんちょー）や親（うや）ぬむんかきてぃ、新聞みーちきてぃ、座敷（ざしち）ぬ真ん中んかいいちょーたくとぅ、探偵達（たんてぃーたー）や、うりんちぇーわからん、とぅーてぃ行ちゅたんでぃる話（はな）しいやん。また、ある時（ばー）に、嘉手苅目玉（かでぃかるみんたまー）とぅ上江洲仁王（うぃじーによう）とぅ二人（たい）、夜（ゆる）一緒（まじゅん）さーに、砂糖樽（さーたーだる）てぃーわたし盗みんぢゃち、サバニぬみっちゃきなたくとぅ、那覇（なーふゎ）までぃくーじんぢょーしが、ういる店（まちや）とぅ、ういよーぬわからん、むどぅてぃちゃくとぅ、夜（ゆう）あきてぃ逮捕（かちみ）らったんでぃ。また、千原（しんばる）シベーん、他（ふか）ぬ探偵（たんてぃー）んかえー抵抗（ふぃけー）しふぃんぎいたんでぃしが、石川探偵（いしちゃーたんてぃー）んかえー、なだやーしくそーてぃ行かりーたんでぃ。うぬ当時（まんぐら）ぬ垣花（かちぬはな）ぬ刑務所（かんがく）や、那覇港（なーふゎんなとぅ）ぬ南側（ふぇーばた）、断崖（ちりばんた）ぬ上（うぃ）んかいあたしが、千原（しんばる）シベーや、塀（かち）ぬ上（うぃ）んかいうぃーてぇーる、ガラス瓶ぬ割りやーに、また刑務所（かんがく）んかいいち、ぬむたんでぃしが、うぬ話（はな）しいちちゃる石川探偵（いしちゃーたんてぃー）や、シベーんかい、「ちゃーしくぬ塀（かくい）とぅんくぃーたが。また、とぅんくぃーららんぐとぅしちゅくいねえー、君（やー）や無罪なち、くまからんぢゃすん。」ち約束（やくしく）さくとぅ、シベーや、着物（ちのー）はじやーに、裾（すす）水（みぢ）んかいんださーに、はーえーし行ちゃーに、塀（かち）んかいはいぬぶいしとぅ同時（まじゅん）、着物（きのー）ガラスぬ割りんかいうちかてぃ、がってぃんとぅんくぃたくとぅ、あんせえーとぅんくぃーららんちゅくぃかたやんでぃ言ちゃくとぅ、ガラスぬ割れえーとぅいしてぃやーに、蒲鉾（かまぶく）ぬぐとぅなちゃくとぅ、うんにんからーんぢらんなとぉーたんでぃ。あんさくとぅシベーや無罪なてぃ、んぢちゃんでぃる話（はな）しいやん。かーま前（まー）や、うぬぐとぅーる大盗人（うふぬすどぅ）ぬ隠家（くゎっくぃどぅくるー）やしが、くぬ戦うてぇー、百七人（ひゃくしちにん）ぬ命（いぬち）すくたる洞窟（がま）やん。御殿地（うどぅんぢー）ぬ人達（ちゅぬちゃー）から、平安山之上（はんざぬうぃー）周辺（まんぐら）ぬ人達（ちゅぬちゃー）までぃ、うぬ洞窟（がま）んかいいっち、たしかとぉーん。ハワイむどぅいぬ与那覇（ゆなふゎ）ぐゎーぬ三郎お父さん、田仲康保（たなかこうほう）さん二人（たい）とぅ、稲嶺盛栄（んなみせいえい）さんぬ三人（みっちゃい）さーに、アメリカー軍ぬ、沖縄二世（うちなーにせー）とぅさーに、アメリカー兵隊（ふぃーたい）ん一緒（まじゅん）さーなかい、洞窟（がま）んかいうる人達（ちゅぬちゃー）、とぅすい、女（いなぐ）、子供達（わらびんちゃー）皆（んな）し百七人（ひゃくしちにん）、無事、水陸両用車さーに、砂辺（しなび）ぬ浜んかいそうてぃいかりやーにたしかとぉーん。うぬ後（あとぅ）日本兵、球部隊（たまぶたい）、田中上等兵ぬ、うぬ洞窟（がま）んかいくゎっくぃとぉーし、アメリカーにみーあてぃらりやーに、手（てぃー）ん、足（ふぃさ）んくんだりやーに、洞窟（がま）ぬ入口うてぃ、散々しんだりやーに、手足（てぃふぃさ）くんだっとぉーるまま、くるちしてぃらっとぉーし、稲嶺盛栄（んなみせいえい）さん夫婦（みーとぅんだ）とぅ、上（うぃ）ぬ屋良（やら）ぐゎーぬ家族（やーにんじゅ）ぬんーち、後（あとぅ）から、上（うぃ）ぬ屋良（やら）ぐゎーお母さん達（たー）が、死体（しじょー）るしぐ側（すば）んかい穴ふてぃ埋葬（うす）たんでぃしが、遺骨（くちたまー）今（なま）んうぬままるやんでぃ。また、いふぃ離りてぃ、北側（にしむてぃ）んかい、水溜橋（みんたまやーばし）ぬあてぃ、両方（どぉーほー）土手（あぶし）やしが、うまぬ下（しちゃ）むてぃなかい、土手（あぶし）ぬ上部（うゎーび）んかい、高射砲陣地ぬあやーに、うぬ下側（しちゃばた）んかえい、まぎんーじゅぬあしが、アメリカーぬ飛行機んかい発見（みーあてぃ）らりやーに、包囲さりやーなかい、全滅し、白骨（しらくち）ぬ山ぢみさっとぉーたんでぃる話（はな）しい。〔共通語訳〕　字上勢頭の御殿地組の、東稲嶺の南側は高い土手になっているが、その土手の下の方に、受水井戸（うきんじゅがー）という柄杓で水を汲む井戸がある。その井戸は、昔、七カ月の旱魃にも水が流れていて、遠くの方からも水汲みに来るぐらい、水量の豊富な井戸だが、その井戸の下流には受水田（うきんじゅだー）が続いており、井戸の上の方の両側、また、田の両側も全部土手の山林になっていて、雨が降ると、井戸の湧き水も合わせて大水になって流れるが、その水は全部下手の受水洞窟（うきんじゅがま）に流れ込むのだが、しかし、その洞窟の入口は、真下に大きな口を開けた様な鍾乳洞で、どんなに大水が流れ込んでも満たない大鍾乳洞があるが、昔この辺は凸凹も多く、溝も多い所で、樹木も鬱蒼と茂っていて、昼でも薄暗い程の深山だったそうで、その受水洞窟（うきんじゅがま）の中も暗く、また中に入っていくと、幾つもの穴に分かれていて、その先には川が流れていて海に続いているとの事である。中に何か探しに入る時には、木の枝を小脇に抱える程持って入り、辻の所にそれを置いて道標にしたとの事である。またその西側に、約九十一メートルぐらい位の所に、もう一つ、蝙蝠洞窟（かーぶやーがま）があるが、そこは入口には屈んで入るのだが、内部は竿を持っても上に届かないぐらいの大鍾乳洞で、受水洞窟（うきんじゅがま）よりも大きい。そこの入口は斜めだが、少し入ると側面から水が湧き出してきて、中に流れ込んでいる。その様な場所だから、明治時代の大盗人達の恰好の隠れ家だったのである。その大盗人達は、小橋川グヮーマージュー、上江洲仁王、嘉手苅ミンタマー、千原シベーだったそうだが、その当時は樹木が鬱蒼と茂っているので、みんなそこに隠れて、一向に逮捕されなかったという。その時代の探偵は石川探偵で、沖縄版の銭形平次といわれた人である。それらの話は、今でも年寄り達の物語にたくさん残っているが、そのうちの幾つかを話してみよう。その探偵も、そこの洞窟には目をつけていて、常時内偵していたという話である。北谷においては、千原シベーの話はたくさんあるが、或る時に、探偵達に追い回され囲まれると、自分の家に入り、付け髭をしてシベーを隠し、眼鏡は親父の物をかけて、新聞を見ながら座敷の真ん中に座っていると、探偵達は彼とは知らずに通っていったという話である。また或る時、嘉手苅ミンタマーと上江洲仁王の二人が、夜中共謀して砂糖倉に忍び込み、そこからくり舟いっぱいに砂糖樽を手渡しで盗み出し、那覇まで漕いで行ったが、売る店と手段がわからず戻ってくると、夜が明けて逮捕されたとの話である。また千原シベーも、他の探偵には抵抗して逃げたそうだが、石川探偵には従順に連れて行かれたという話である。その当時、垣花の刑務所は、那覇港の南側の断崖の上にあったが、千原シベーは、塀の上に植えつけたガラス瓶の破片を飛び越えて、港を泳いで渡り、店で酒を買って、また刑務所に入って飲んだそうだが、その話を聞いた石川探偵は、シベーに、「どの様にして塀を飛び越えたか。また、飛び越えられない様に造ったら、君を無罪にしてここから出してやる。」と約束しますと、シベーは着物を脱いで裾を水に濡らし、走っていって塀に駆け登ると同時に、着物を、植え込んだガラスの破片に打ち込んで、難なく塀を飛び越えたのである。それで、越えられない造り方というと、ガラスの破片を取り除き、蒲鉾型に造ったので、それ以来出られなくなったとの事である。勿論、シベーは無罪放免となったという話である。ずっと以前は、その様な大盗人達の隠れ家になっていたが、この戦争の時には、百七人の命を救った洞窟である。御殿地の人達から平安山之上周辺の人達までも、この洞窟に入って助かったのである。ハワイ帰りの与那覇三郎さんと田仲康保さんの二人に、稲嶺盛栄さんの三人で、米軍の沖縄二世に話して、兵隊も一緒になって洞窟にいた人達、老人、婦女子、子ども達全員で百七人、無事、水陸両用車で砂辺の浜に収容されて助かったのである。その後、日本兵、球部隊、田中上等兵が、その洞窟に隠れようとして米軍に見つかり、手足を縛られ、猿ぐつわをはめられて、洞窟の入口に捨てられているのを、稲嶺盛栄さん夫婦と、上の屋良ぐゎーの家族が発見して後から、上の屋良ぐゎーのお母さん達が、死体のすぐ側に穴を掘って埋葬したそうだが、遺骨は今もそのままだとの事である。また、少し離れた北側の方に水溜石橋（みんたまやーばし）があり、両方土手になっているが、そこの下の方の土手の上に高射砲陣地があって、その下側には大きな溝があるが、アメリカの飛行機に発見され、包囲されて溝の方で全滅し、白骨が山積みされていたという話もある。平成９年２月17日　識名隆人翻字　Ｔ６Ｂ６