〔方言原話〕　字上勢頭（あざうぃーしーどぅ）ぬ稲嶺組（んなみぐみ）とぅ、田仲組ぬ間（たばさ）なかい、シー小（ぐゎ）んち、岩（しー）ぬ拝所（うがんじゅ）なてぃあしが、後（あとぅ）から、ビジュルんでぃ言ゅるぐとぅなとぉーん、うぬシー小（ぐゎ）ぬ話（はな）しい。稲嶺組（んなみぐみ）なかい、勢頭稲嶺（しどぅんなみ）んち、今帰仁（なちぢん）からめんそうちょーる。裕福家（うぇーきんちゅ）ぬめんせえーしが、うまぬ翁氏（をーうじ）、十世（じゅうでぇー）、稲嶺里主親雲上盛用（んなみさとぅぬしぺーちんせいよう）さのー、嫡子や幼子（ゆうすー）そういに死亡（まー）ち、男子（いきがんぐゎ）ぬうらんなたくとぅ、普天間権現（ふてぃまぐんじん）ぬんまーんうがでぃん、男子（いきがんぐゎ）ぬさじかりらんなたくとぅ、後（あとぉー）、易判断所（いちはんじ）ぬ所（とぅくま）んかいんぢ、ちちゃくとぅ、「屋敷（やしち）ぬ南側（ふぇーむてぃ）んかい、崇高（たきだか）さる霊地岩（ふんししー）ぬあくとぅ、うまんかい、拝所（うがんじゅ）ちゅくてぃうがみいねえー、男子（いきがんぐゎ）ぬさじかいん。」でぃちならーさったくとぅ、次男、十世（じゅうでぇー）、稲嶺里主親雲上盛富（んなみさとぅぬしぺーちんせいふー）とぅ相談し、「二人（たい）男子（いきがんぐゎ）ぬうらんしが、私（わん）ねえーなー、身体（からだ）ぬよーとぉーくとぅ、今（なま）からー男子（いきがんぐゎー）ぬずまらんしが、二人（たい）しちゅくやーなかい、二人（たい）しうがまな。」んちさーに、二人（たい）し拝所（うがんじゅ）ちゅくてぃ、うがだくとぅ、盛富（せいふー）さぬんかい、男子（いきがんぐゎ）ぬ生まりてぃ、うぬ人（ちゅ）が盛猷（せいゆう）さん。あんし、盛猷（せいゆう）さんぬ嫡子が盛吉（せいきち）さん、次男が盛昌（せいしょう）さんやしが、くぬ人（ちょー）、本家（うふや）ぬ盛用（せいよう）さんぬ養子なてぃ、後（あとぅ）ちぢょーみせーい。三男（さんな）の昇（のぼる）さんやしが、皆（んな）繁盛そうみせーん。あんさくとぅ、後（あとぉー）うぬシー小（ぐゎ）や、崇高（しじだか）さる拝所（うがんじゅ）んでぃ言ゃーなかい、稲嶺組（んなみぐみ）ぬ人達（ちゅぬちゃー）皆（んな）しうがむるぐとぅなやーに、また旧（きゅ）ぬ二月二日（にんぐゎちふちか）とぅ、旧（きゅ）ぬ九月九日（くんぐゎちくにち）にん、皆（んな）しうがむるぐとぅなたくとぅ、ビジュルんちそうしが、腰休（くすっくいー）ぬ時（ばー）ねえー、他（ふか）ぬ組（く）めえー、旧（きゅ）ぬ二月二日（にんぐゎちふちか）、一日（ふぃっちー）なーるやしが、稲嶺組（んなみぐめー）二日（ふちか）とぅ三日（さんにち）ぬ二日祭（ふちかむい）やたん。二日（ふちか）ぬ日（ふぃー）ねえー、今（なま）までぃぬ頭（かしら）ぬ家（やー）から、新頭（みーかしら）ぬ家（やー）んかい、頭（ちぢ）わたいすしが、うぬ時（ばー）ねえー、今（なま）までぃぬ頭（かしら）ぬ家（やー）から、御馳走（くゎっちー）んむっち、旗頭（はたがしら）んむっち、道々（みちなーでぃー）盆踊（やいさー）ぬ道ずねーいぬぐとぅしすねーてぃ、三味線（さんし）ぬんふぃち、太鼓（てぇーく）ん打っち、シー小（ぐゎ）んかいんぢ、下（しちゃ）ぬ毛（もー）ぬ拝所（うがんじょ）うてぃうがみし後（あとぉー）、空手棒術（てぃーぼー）ちかたい、舞（もう）たいしから、新頭（みーかしら）ぬ家（やー）んかい行ちゅん。うぬシー小（ぐゎ）や、元（むとぉー）、勢頭稲嶺（しいどぅ）ぬ　土地（ぢー）やしが、上方（うゎーび）にん毛（もー）ぬあてぃ、下（しちゃ）にん毛（もー）ぬあてぃ、また南（ふぇー）とぅ北（にし）んかえー、大松（まぎまーち）ぬみーてぃ、上下（うぃーしちゃ）ぬ毛（もー）うすとぉーくとぅ、夜（ゆる）なてぃん、露（ちよー）うてぃらん。上（うぃ）ぬ毛（もー）や七月（しちぐゎち）ぬ、ヤイサーならたい、旧（きゅ）ぬ八月十日（はちぐゎちとぅか）ぬヨーカビないねえー、皆（んな）あちまてぃ、タマガイんーちゃいし、いー場所（とぅくる）やん。また、下（しちゃ）ぬ毛（もー）とぅ、上（うぃ）ぬ毛（もー）ぬ間（たばさ）んかいや、まぎさる岩（しー）ぬあてぃ、うぬ根方（にーぐい）ぬ所（とぅくま）んかい洞窟（がま）ぐゎぬあてぃ、うぬ前（めー）や、石さーにちゅくてぇーる二段ぬ横長段（ゆくながーだん）ぬあしが、神様（かめー）、洞窟（がま）ぐゎーぬ奥（なーか）んかいまちらっとぉーん。うぬ拝所（うがんじょー）まささみせーんでぃち、んぢゃる戦ねえー、字（あざ）ぬ人達（ちゅぬちゃー）や、武運ちょーきゅーとぅ、無事帰還（ぶじきくゎん）ぬうにげーさんでぃ。うぬ拝所（うがんじゅ）ん、今（なま）アメリカーぬ軍用地ぬ中（なーか）なてぃ、字有地（あざゆうーち）なとぉーしが、郷友会（きゅうゆうくゎい）ぬ人達（ちゅぬちゃー）が、旧（きゅ）ぬ二月二日（にんぐゎちふちか）とぅ、旧（きゅ）ぬ九月九日（くんぐゎちくにち）ねえー、今（なま）ん、毎年（めーにん）うがみーが行ちゅん。昔（んかし）ぬ大松（うふまーちぇー）二本（たーち）けー枯りてぃ、今（なまー）ねえーらん、岩（しー）とぅ拝所（うがんじゅ）とぅ、上下（うぃーしちゃ）ぬ毛（もー）やうぬままぬくとぉーん。昭和七年頃（しょうわしちにんぐる）ぬ事（くとぅ）やしが、うぬ岩（しー）ぬ頂上（ちぢ）んかい、校長瑞慶覧（こーちょーぢきらん）ぬ朝公（ちょーこー）兄さんとぅ、瑞慶覧（ぢきらん）ぐゎーぬ朝栄（ちょーえい）兄さんが、ぬぶてぃあしばがなー、うぬ岩（しー）ぬ頂上（ちぢ）から、ビジュルぬ上（うぃ）んかい、小便（しーばい）ちきてぃさくとぅ、うぬ後（あとぅ）、うまぬ松（まーち）うてぃ、烏（がらさー）ぬとぅでぃち鳴ちゅたんでぃが、ちゅてぇーさくとぅ、旧（きゅ）ぬ七月十六日（しちぐゎちじゅるくにち）、ヤイサーなてぃさくとぅ、私達（わったー）や皆（んな）、エイサーうーてぃあっちゃーに、うたたくとぅ、私達（わったー）家（やー）ぬ前（めー）ぬガジマルんかいぬぶてぃあしどぉーしが、うぬ時（ばー）に朝栄（ちょーえい）兄さのー、大枝（うふえだ）ぬ上（うぃ）んかいにんてぃそうしが、郡道（ぐんどぉー）から別（びち）ぬヤイサーぬとぅーたくとぅ、私達（わったー）がうりんーぢぃがんぢょー時（ばー）に、朝栄（ちょーえい）兄さのー下（しちゃ）んかいけーうてぃやーなかい、気絶（ぶちくん）なたくとぅ、物音（むぬうとぅ）ちちゃーなかい、私達（わったー）母（あんまー）がんーぢゃがちゃーなかい、息（いーち）けーらち、うふゎさーに、朝栄（ちょーえい）兄さん達（たー）家（やー）までぃそーてぃんぢゃしが。うりからかんげえいねえー、シー小（ぐゎ）ぬ御神（うかめー）まささみせーん。〔共通語訳〕　字上勢頭の稲嶺組と田仲組の境界の道の側に、シー小（しーぐゎ）という山形の巖山の拝所があるが、そこは後に、ビジュルという様になっているが、そのシー小（しーぐゎ）の話。稲嶺組には、勢頭稲嶺という、今帰仁から移動してこられた資産家がいられるが、そこの翁氏、十世、稲嶺里主親雲上盛用（いなみねさとぬしぺーちんせいよう）さんは、長男は幼い時に亡くなり、男の子がいなくなったので、普天間権現など、方々を拝んで廻っても男の子が授かりませんので、後は易判断に行って話を聞いてみますと、その易者は、「貴方の屋敷の南の方に、崇高な霊地の巖山があるから、そこに拝所を造って拝めば、男の子が授かる。」と教えてくれましたので、次男、十世、稲嶺里主親雲上盛富（いなみねさとぬしぺーちんせいふ）と相談して、「二人とも男の子がいないのだが、私はもう身体が弱くなっているので、今から男の子は望めないから、二人で造って、二人で拝もう。」と話し合って、二人で拝所を造り拝んでますと、盛富（せいふ）さんの方に男の子が生まれて、その人が盛融（せいゆう）さんであり、そして盛融（せいゆう）さんの長男が盛吉（せいきち）さん、次男が盛昌（せいしょう）さんだが、この人は本家盛用（せいよう）さんの養子になり、跡を継いでいる。三男は昇（のぼる）さんですが、皆さん大変繁盛なさっておられる。そうすると、後は、そのシー小（しーぐゎ）は崇高な拝所という事になり、稲嶺組の人達みんなで拝む様になり、また旧の二月二日と九月九日にも、みんなで拝む様になりますと、ビジュルとしておりますが、腰休めの時には、他の組は、旧二月二日の一日だけですが、稲嶺組は二日と三日の二日祭でした。二日の日は、今までの頭の家でお祝いをして、三日の日には、今度は新しく頭の家になる新頭（にーがしら）の家に頭渡りをするが、その時には、今までの頭の家から御馳走等を持って旗頭を持ち、道々を盆踊りの道行きの様にして練り歩く。三味線を弾き、太鼓を叩いてシー小（しーぐゎ）に行き、下の毛の拝所で拝みをした後、空手や棒術を奉納し、舞等もしてから新しい家に行くが。そのシー小（しーぐゎ）、元は勢頭稲嶺の土地なんだが、上の方にも毛があり、下の方にも毛があって、また南の方と北の方に大きな松の木が生えていて、上、下の毛を覆っているので、夜になっても露が降りない。上の毛は、七月のヤイサーの練習をしたり、旧八月十日の妖怪日（よーかび）には、皆が集まって兆候魂（たまがい）を見るのに良い場所である。また下の毛と上の毛との間に巨大な巖山があり、その根方の所に小さな洞窟があり、その前に石で造った二段の横に長い段があるが、神様はその洞窟に祀られている。その拝所は、霊権現かただという事で、去った戦争の時には、字の人達は、武運長久や、無事帰還を祈願したとの事である。その拝所も今はアマリカ軍用地の中になり、字有地になっているが、郷友会の人達が今でも毎年、旧二月二日と旧九月九日には、お参りをして拝みに行く。昔の松の大木は、二本とも枯れて今は無く、巖山と拝所と上、下の毛はそのまま残っている。昭和七年頃の事なんだが、その巖山の頂上に、校長瑞慶覧の朝公（ちょうこう）兄さんと、瑞慶覧小の朝栄（ちょうえい）兄さんが、登って遊びながらその巖山の頂上から、ビジュルの上に小便をひっかけてしまいますと、その後、そこの松の木に烏がきて鳴いていたそうですが、しばらくして旧七月十六日のエイサーになりまして、私達みんなでエイサーを追って歩いたのですが、疲れたので私達の家の前のカジマルに登って遊んでいたのですが、その時に朝栄（ちょうえい）兄さんは、大きな枝の上に寝ていたのですが、郡道の方に別のエイサーが通りかかりましたので、私達がそれを見に行っている時に、朝栄（ちょうえい）兄さんは下に落ちてしまって気絶しているのを、物音を聞いて見にきた私の母が見つけて、息を吹き返させて朝栄（ちょうえい）兄さんを背負い、朝栄（ちょうえい）兄さんの家まで連れていったのだが、それを考えると、シー小（しーぐゎ）の神様は霊権現かたである。平成９年２月17日　識名隆人翻字　Ｔ６Ｂ４