〔方言原話〕　勢頭（しーどぅ）ぬ遺念火（いにんびー）ぬ話（はな）しい。大正（たいそう）ぬ終わい頃（ぐる）ぬ話（はな）しいやしが、上勢頭（うぃーしーどぅ）ぬフィラカージーぬ東側（あがりむてぃ）なかい、石灰岩山（いしぐーやま）ぬあしが、うまんかい、墓（はる）ぶしんすんでぃち、上勢頭（うぃーしーどぅ）ぬ、トゥルクンニー勢理客小（ぢっちゃくぐゎー）ぬ、んなとぅわちそうる時（ばー）に、石細工（いしぜーくー）から、加勢人（かくーさー）や、皆（んな）昼食（あさばん）かどぉーる時（ばー）に、うぬ家（やー）ぬ青年（にーせー）や、「皆様（んなー）、苦労（なんじ）し仕事（しぐとぅ）しみせーるむんぬ、私（わん）ねえーゆくてぃうらりーみ。」んでぃち、自分一人（どぅーちゅい）石ふとぉーたんでぃしが、あったに上（うぃ）ぬ大石（うふいし）ぬくじりてぃちゃーに、うぬ青年（にーせー）しちくるちさくとぅ、皆（んな）しうぬ石とぅいんでぃそうしが、ならん。上勢頭（うぃーしーどぅ）ぬ字中（あざじゅー）ぬ人達（ちゅぬちゃー）あちまてぃんならん。後（あとぉー）、下勢頭（しちゃしーどぅ）ぬ人達（ちゅぬちゃー）までぃんんぢてぃ、うぬ石、側（すば）んかいくるばちそうしが、うぬ青年（にーせー）やたしからんなてぃさくとぅ、なーうまねえー墓（はかー）ちゅくらん、なげーうぬまませーたしが、うまぬ近くぬ道ぬ側（すば）んかいや、ぬいんぢゃちぇーる石から、だてぇーんうかっとぉーたしが、うぬ後（あとぅ）、あぬ家（やー）から、穴ふてぇーる所（とぅくる）までぃ、遺念火（いにんびー）ぬ行ちむどぅやーし、雨（あみ）ぬふてぃんぬーしん、毎夜（めーゆる）ちぢちょーしがみーゆしが、うぬ道（みちぇー）、平安山之上（はんざぬうぃー）から国直（くんのーい）んかいとぅーとぉーる郡道（ぐんどぉー）とぅ、上勢頭（うぃーしーどぅ）ぬ勢理客組（ぢっちゃくぐみ）から、野里馬場（ぬざとぅんまうぃー）んかいぬ道ぬ、十字路（かじまや）なとぉーる所（とぅくま）とぅーいしが、遺念火（いにんび）や、勢理客組（ぢっちゃくぐみ）から、野里馬場（ぬざとぅんまうぃー）んかいぬ道とぅーいくとぅ、私達（わったー）家（やー）から、うぬ十字路（かじまや）やまーたんなとぉーくとぅ、家（やー）ぬ内（うち）んかいいちょーてぃん、ゆう見ーゆん。遺念火（いにんびー）んでぃせー、灯（あかがい）やあしが、ひかれえーねえーらん。ただ灯（あか）がてぃるうる。私達（わったー）叔父達（うざさーたー）が、友達（どぅしぬちゃー）数人（いくたいん）あちまてぃ、半分（はんぶ）のー離座（あさぎぐゎー）んかいうちょーてぃ、蝋燭（どー）ちきてぃうちょーてぃ、遺念火（いにんびー）ぬ、うぬ十字路（かじまやー）んかいちーねえー、蝋燭（どー）ぬ火（ふぃー）ちゃーち、合図（いぇーじ）し、十字路（かじまやー）ぬ側（すば）ぬウージ畑（ばたきー）ぬ中（なーか）んかいくゎっくぃとぉーる人達（しんか）んかい知らち、うぬ時（ばー）に遺念火（いにんびー）ぬ見ーゆみ、見ーらに、んちそうしが、何回（いくけー）しん見ーらんなたくとぅ、後（あとぉー）皆（んな）けえーてぃちょーたん。遺念火（いにんびー）んでぃ言ゅせー、人（ちゅ）ぬ近くんかいちーねえー見ーらん、また、ちゅてぇーしいねえー、あまから行ちゃぎいん。うれえー勢理客（ぢっちゃく）ぬ墓ちゅくいに死亡（まー）ちゃる人（ちゅ）ぬ遺念火（いにんび）やんでぃ。〔共通語訳〕　勢頭（しーどぅ）の遺念火（いにんびー）の話。大正の終わり頃の話なんだが、上勢頭の平且巖山（ふぃらかーじー）の東側の方に、石灰岩山（いしぐーやま）の小さな丘があるが、そこに墓を作る為、字上勢のトゥルクンニー整理客小（ぢっちゃくぐぐゎー）という家が満堀りをしている時に、石細工人や加勢人達が、みんな昼食をして休んでいる時に、その家の青年は、「皆様は大変苦労していらっしゃるのに、私は休んではいられない。」と、自分一人で石を掘り出していますと、突然上の大岩が転落してきて、その青年を敷き殺してしまったのです。それでみんなでその石を取り除こうとするが、石が大きくてできません。上勢頭の字中の人達が集まってもできません。字下勢頭の人達も応援してその石を転がしましたが、その青年は助かりませんでしたので、とうとうそこには墓は造らなくなって、永い間そのままにして置かれていた。そこの近くの道の側には、掘り出した石や、また墓を造る時に使う石等が、たくさん置かれていたが、その後、あの家から墓を造りかけた所まで、遺念火（いにんびー）が行きつ戻りつする様になり、雨が降っても何しても、毎夜続けて見えるのである。その道は平安山之上（はんざぬうぃー）から国直に通ずる郡道と、上勢頭の勢理客組（ぢっちゃくぐみ）から野里馬場に行く道の十字路になった所を通るが、遺念火（いにんびー）は勢理客組（ぢっちゃくぐみ）から野里馬場に行く道を通るので、私達の家からその十字路は真向かいになっているので、家の中に座っていても良く見える。遺念火（いにんびー）というのは、灯はあるが輝きはなく、ただボオッと灯があるだけである。私の叔父達が、友達数人集まって、半分は私の家の離れ座敷にいえ、蝋燭をつけて置いておき、遺念火（いにんびー）がその十字路にきた時には、蝋燭の火を消して合図して、十字路の側のウージ畑の中に隠れている人に知らせて、その時に遺念火（いにんびー）が見えるか見えないか確かめたが、何回やっても見えないので、後は、みんな引き上げてきてた。遺念火（いにんびー）というのは、人が近くに来ると見えなくなって、また少しすると、離れた所から向こうの方へ行くのである。それは勢理客組（ぢっちゃくぐみ）の墓を造る時に亡くなった人の遺念火（いにんびー）だという話。平成９年２月17日　識名隆人翻字　Ｔ６Ｂ３