〔方言原話〕　霊魂（まぶい）んでぇせー、生ちちょーる人（ちゅ）んかいんあい、死ぢょーる人（ちゅ）んかいんあん。生ちちょーる人（ちゅ）んかいあせー、生身霊魂（いちまぶい）、死ぢょーる人（ちゅ）んかいあせー後生（ぐそー）霊魂（まぶい）んでぃ言ちゅん。人（ちゅ）ぬ死亡（まー）ち、葬式（だび）さーに、遺骨（くちたま）墓んかい納骨（いり）やーに、墓ぬ入口から皆（んな）んぢてぃ後（あとぅ）、墓ぬ入口から最後（あとぅ）からんぢたる人（ちょー）、うぬ入口うてぃ、「サン。」三回（みけーん）ぶいまーさーに、「後生（ぐそう）ぬ霊魂（まぶい）やいーちちみそうち。生身（いちみ）ぬ霊魂（まぶい）やんぢてぃくーよう。」んでぃち言ちから、平石（ふぃらち）立てぃてぃ、墓みちいしが、うぬ生身霊魂（いちまぶい）ぬ話（はな）しい。私（わー）が十歳位（とぅーびけー）ぬ時（ばー）に、読谷山（ゆんたんざ）ぬ祖母（んめー）が、私達（わったー）家（やー）んかいちゅーる途中（みちなかー）うてぃ、私達（わったー）祖母（んめー）生身霊魂（いちまぶい）ぬ、私達（わったー）墓んかい行ちゃぎーしとぅ、行ちゃたくとぅ、「君（やー）やなま、あまんかい行ちゅせーふぇーさくとぅ、家（やー）んかいむどぅれー。」んでぃ言ちゃくとぅ、私達（わったー）祖母（んめー）生身霊魂（いちまぶい）ぬ、「あんせー私（わん）代わい、君（やー）が行ちゅみ。」んでぃ言ち、私達（わったー）墓んかい行ちゅたんでぃ。仕方（しかたー）ならん、私達（わったー）んかいちゃーに、「いぇー、カマダー。君（やー）生身霊魂（いちまぶい）やなんとぅ私（わー）がかにまーちん、私（わー）代わえー君（やー）が行ちゅみんち、墓んかい行ちゅてぇーくとぅ、用心（ゆー）しいよう。」んち話（はな）しいさぎいたしが、うぬ後（あとぅ）祖母（んめー）や病気（やんめー）かかてぃ死亡（まー）ちゃしが、あんすくとぅ、人（ちゅー）ぬ死亡（まー）しいがたーないねえー、生身霊魂（いちまぶい）や、墓とぅ家（やー）とぅ、行ちむどぅやーすんでぃ。〔共通語訳〕　霊魂（まぶい）というのは、生きた人にもあれば死んでしまった人にもある。生きている人にあるのは生身霊魂（いちまぶい）で、死亡した人にあるのは後生の霊魂（まぶい）というのである。人が亡くなって葬式し、遺骨を墓の中に納骨し終わって、墓の入口から最後に出た人は、墓の入口でサンを三回振り回して、「後生の霊魂（まぶい）は居ときなさませ。生身の霊魂（まぶい）は出てきなさい。」と言ってから、入口の平石を立てて墓を閉めるのだが、その生身霊魂（いちまぶい）の話。私が十歳位の頃、読谷の祖母が私達の家にくる途中で、私の祖母の生身霊魂（いちまぶい）が私達の墓に行くのと行き合いましたので、「君はまだ後生に行くのは早いから、家に帰りなさい。」と言いますと、私達の祖母の生身霊魂（いちまぶい）は、「それでは、私の代わりに君が行くか。」と言って、私達の墓に行ったので、仕方なく私達の家に来て、「おいカマダー。君の生身霊魂（いちまぶい）は、いくら私が囲い廻しても、私の代わりに君が行くかと言って墓に行ったから、用心しなさいよ。」と話していましたが、私達の祖母はその後病気になり、亡くなりました。だから、人は皆、死期が近くなりますと、生身霊魂（いちまぶい）は、家を行ったり来たりするそうです。平成９年２月17日　識名隆人翻字　Ｔ６Ｂ２