〔方言原話〕　平安山之上（はんざぬうぃー）から国直（くんのーい）んかい行ちゅる郡道（ぐんどぉー）ぬ、なーやがてぃ、国直（くんのーい）ぬ十字路（かじまやー）んかいちちがたーんかい、奥曲川（うくまがいがーら）ぬあしが、うぬ川（かーら）んかい架かとぉーる橋ぬ奥曲橋（うくまがいばし）やしが、大正（たいそー）ぬ始みぐるまでぇー木橋（きーばし）なやーに、うゎーべー板敷ちゃーなかいにあまくま穴あち、馬車（ばさ）ぬ車輪（ひゃーがー）ぬ、うぬ穴（くぶい）ん、うてぇーういし、とぅーいぐりさんあい、人達（ちゅぬちゃー）や、うぬ穴から下（しちゃ）んーぢぃーねえーうとぅるさぬ、とぅーいぐりさる橋やたんでぃ。うぬ頃（くる）、焼廻地屋取（やきまーぢやーどぅい）ぬ、大和兼久小（やまとぅーかにくぐゎー）ぬ、平安山之上（はんざぬうぃー）かい、移転（やーうちー）すんでぃ、馬車（ばさ）んかい、荷物（にむち）ちでぃ、うぬ橋渡いる時（ばー）に、馬車（ばさ）ぬ車輪（ひゃーがー）ぬ、うぬ穴（くぶい）んかいうてぃてぃさくとぅ、馬車（ばさ）ぬ後側（くしむてぃ）から、子（くゎ）うーふわしあっちょーたる奥様（あんまー）や、馬車（ばさ）ぬ台（でぇー）ぬ後（くし）ぬ端（はに）さーに、橋ぬ下（しちゃ）んかいうちうとぅさったくとぅ、うぬ奥様（あんまー）や、自分（どぅー）や下（しちゃ）なてぃうてぃやーに、死亡（まー）ちょーしが、子供（くゎー）たしかてぃそうたんでぃ。昔人（んかしんちゅ）ぬ話（はな）しいや、川（かーら）んでぇー海んでぇー、うてぃ死亡（まー）しいねえー、「うまんかい、なー一人（ちゅい）代わいぬ人（ちゅ）、ふぃちくみわる、自分（どぅー）やうかばりーん。」でぃる話（はな）しいやしが、うぬ後（あとぅ）、うぬ橋ぬ側（すば）ぬ土手（あぶし）ぬゲーンぬふちゃーりとぉーる所（とぅくま）んかい、綺麗（ちゅら）着物（ぢん）ちち、子供（くゎー）うーふゎそうる女（いなぐ）ぬ、道（みちぇー）後（くし）なち立ちゅしが、暗闇（くらしん）うてぃん、着物（ちん）ぬ模様（あやー）ゆーみーゆんでぃ。あんし合図（いぇーじ）しとぅんけーいねえー、顔（ちら）ゆでぃ卵（くーが）ぬぐとぅし、目（みー）ん、鼻ん、口ん、ねーらん、なんどぅるーるやんでぃ。うぬ話（はな）しいんぢてぃ後（あとぅ）から、奥曲橋（うくまがいばし）ぬ上流（うゎーら）んかい、川幅（かーらはば）ぬくーくなとぉーる所（とぅくま）んかい、一枚（いちめー）ぬ平石（ふぃらいさー）し架きてぇーる、コーグー橋小（ばしぐゎー）ぬあしが。ある暴風（かじ）吹ちぬ時（ばー）に、大水（うーみぢ）んぢとぉーる、うぬコーグー橋小（ばしぐゎー）、一人（ちゅい）ぬいーとぉーる人（ちゅ）ぬ渡いんでぃさーに、大水（うーみぢ）んかいなげーらさってぃ、奥曲橋（うくまがいばし）ぬ下（しちゃ）から、なげーりてぃ、うまぬ下流（してぃ）んかえー、川（かーら）ぬ中（なーか）んかいや、まぎさる岩（しいー）ぬあてぃ、うまからー、川（かーら）ぬ水（みじぇー）、両方（どぉーほー）んかい分かりてぃなげーりいくとぅ、コーグー橋小（ばしぐゎー）からなげーりたる人（ちょー）、うまぬ岩（しいー）んかい、ふぃっかかとぉーたんでぃ。あんさくとぅ、うぬ後（あとぅ）橋ぬ側（すば）んかい、シチマジムンなてぃ立っち、とぅーいる人（ちゅ）ぬ、たましぬぎてぃすしんまがいしねえー、うぬシチマジムのー次第次第（しでぇーしでぇー）に高くなてぃ、また、反対に、自分（どぅー）ぬ高くぬばがいねえー、次第次第（しでぇーしでぇー）にふぃくくなやーに、最後（あとぉー）、豚（うゎー）ぐゎーマジムンなたい、アフィルーマジムンなてぃ立ちゅしが、うぬマジムン、股ばしからとぅーしいねえー、命（ぬち）とぅらいんでぃ。また、うりんかい、うゎーりいねえー、鍛冶屋（かんじゃーやー）ぬ鞴（ふーち）さーに、フウフウうかしいね、火（ふぃ）ぬうくりてぃ、焼かりいがすらんでぃち、ふぃんぎいんでぃ。うぬ後（あとぅ）、大正（たいそー）ぬ中頃（なかぐる）、奥曲橋（うくまがいば）せえー、石橋なてぃそうしが、私（わー）が細工見習（せーくなれー）が、朝夕かゆたしが、ぬーんんーだんたん。幽霊（ゆーりー）んーだん人（ちゅ）ぬとぅーいねえー、盲人（みっくゎー）ぬフィブーんうじらんでぃしとぉ同様（いーぬむん）、盲人（みっくゎー）ぬちゃーぎいんでぃち、幽霊（ゆーりー）んマジムヌん道あきてぃとぅーすんでぃくとぅ、あんしがやたら。〔共通語訳〕　平安山之上（はんざぬうぃー）から国直に通っている郡道が、もうやがて国直の十字路に着く手前に、奥曲川（うくまがいがーら）があるが、その川に架かっている橋が奥曲橋（うくまがいばし）なんだが、大正の始め頃までは木の橋であったので、上部は板敷きになっていて所々穴があき、馬車の車輪がその穴に落ち込む場合が多く、通り難くもあり、また人達はその穴から下の川が見えるので、怖くて通り難い橋だったそうです。その頃、焼廻地屋取（やきまーぢやーどぅい）の、大和兼久小（やまとぅーかにくぐゎー）が平安山之上（はんざぬうぃー）に移転する為に、馬車に荷物を積んでその橋を渡る時に、馬車の車輪がその穴に落ち込みましたので、馬車の後側から子どもを背負って歩いていた奥様は、馬車の台の後方の端で、橋の下に打ち落とされますと、その奥様は自分が下になって、落下して亡くなりましたが、子どもは無事に助かったそうです。昔の人の話では、川や海等で亡くなる人は、「そこにもう一人、代わりの人を引き込まなければ、自分は成仏できない。」と言う話だが、その後、その橋の側の土手の唐薄の沢山茂った所に、綺麗な着物を着て、子どもを背負った女が、道を背にして立っているが、暗闇でも着物の模様がはっきり見えるという。それで合図して振り向くと、顔はゆで卵の様にして、目も鼻も口も無く、のっぺらぼうだとの話。その話が出て後、奥曲橋（うくまがいばし）の上流に川幅の狭くなった場所があるが、一枚の平たい石で架けた、コーグー橋小（ばしぐゎー）がある。ある暴風の時に、大水が出ているそのコーグー橋小（ばしぐゎー）を、一人の酒に酔った人が渡ろうとして、大水に流れてしまって、奥曲橋（うくまがいばし）の下から下流の方に流れていきますと、そこには川の中の方に大きな巖があり、そこから川の水は両方に別れて流れて行きますので、コーグー橋小（ばしぐゎー）から流された人は、そこの巖に引っ掛かっていたという事です。するとその後、橋の側の方に、悪迷魂（しちまじむん）になって立ち、そこを通る人が度肝を抜かれて縮まっていると、その悪迷魂（しちまじむん）は次第次第に高くなり、反対に自分が高くなると、次第次第に低くなって、最後には子豚迷魂（うゎーぐゎーまじむん）になったり、家鴨迷魂（あふぃるまじむん）になって立つが、その迷魂（まじむん）を股ぐらから通すと、命を取られるとの事。また、それに追いかけられたら、鍛冶屋の鞴でふうふう吹かすと、火が起こり、焼かれると思って逃げていくそうです。その後、大正の中頃、奥曲橋（うくまがいばし）は石橋になっていますが、私も大工見習いで、朝夕通りましたが、何も見ませんでした。幽霊の見えない人が通ると、「盲人、蛇に恐れず」と同様で、「盲人が来た」という事で、幽霊も迷魂（まじむん）も、道を開けて通すとの話だが、そうだったのか。平成９年２月17日　識名隆人翻字　Ｔ６Ｂ１