〔方言原話〕　兆候魂（たまがい）んでぃせー、吉事（いーくとぅ）ぬうくりらん前（めー）に、くぬうち、「吉事（いーくとぅ）あんどぉー」また、「凶事（やなくとぅ）ぬうくりーんどぉー」んち、知らしる兆候（しるし）やるばーやしが、うりが当たいる時（ばー）ぬあくとぅふぃるまさん。私達（わったー）叔父（うじゃさー）が、南洋からけーてぃちから、なげーさんぐとぅ、いふぇーたーりまーりし、にんたいうさたいそうる時（ばー）に、山羊原（ふぃざーばる）ぬ、カラフヮングーフーうてぃ、兆候魂（たまがい）ぬあがいし、青年達（にーせーたー）がんーちさくとぅ、方向（ちんぽー）当てぃーんでぃちさーに、竿（そー）ぬ先（さち）んかい、線香（うこー）しんち、火（ふぃー）ちきてぃ、あぎてぃさくとぅ、福地小（ふくちぐゎー）ぬ家（やー）ぬ後（くし）んかい当てぃーそうしが、なー一回（ちゅけーん）なー一回（ちゅけーん）し、何回（いくけーん）しん、うまるやるんちさくとぅ、うぬ方向（ちんぽー）や、私達（わったー）叔父（うじゃさー）がにとぉーる離座（あさぎ）んかいまる当たいしさくとぅ、福地小（ふくちぐゎー）ぬ奥様（あんまー）んいふぇー元気（たーりーまーりー）そういさくとぅ、易判断所（しむちぬやー）んぬーんんぢょーしがわからん。うぬ後（あとぅ）私達（わったー）叔父（うじゃさー）や、ちゃーにんじし、福地小（ふくちぐゎー）ぬ奥様（あんまー）やのーやーなかい、後（あとぅ）私達（わったー）叔父（うじゃさー）や死亡（まー）ちょーしが、うぬ兆候魂（たまがい）んでぃせー青白（むーじるー）そうる火（ふぃー）ぬ丸球（まるたま）ぬ、空中（てぃぬ）んかい高（たかー）く上がいねえー、凶（やな）兆候魂（たまがい）やい、屋敷（やしち）ぬ中（うち）うてぃ、下（しちゃ）んかいちゃっぴんあかがとぉーいねえー、くぬうち祝事（すーじ）ぬある、兆候魂（たまがい）やんでぃ。あんさーに、重病（ちゃーやんめー）かかとぉーる人（ちゅ）ぬういねえー、「兆候魂（たまが）てぇーねえーに。」んでぃ言ゅしが、また、仕事（しぐとぅ）ぬ失敗（やんでぃー）がたーなとぉーしんかいん、兆候魂（たまが）てぇーねえにんでぃん言ゅん。旧（きゅ）ぬ八月十日（はちぐゎちとぅか）ぬ妖怪日（ようかびー）ねー、兆候魂（たまがい）ぬゆー上がいんでぃち、あまくまうてぃあちまとぉーてぃうりんーぢゅん。〔共通語訳〕　兆候魂（たまがい）というのは、吉い事でも凶い事でも、その事の起こる前に、近いうちに、「吉い事があるよ。」または、「凶い事があるよ。」と知らせる為の兆候なのだが、それが当たる場合があるから珍しい。私の叔父が、南洋から帰ってきて、あまり長くしないで、少し不元気になり、寝たり起きたりしている時にだが、山羊原（ふぃーざばる）のカラフヮングーフーという小高い丘で、兆候魂（たまがい）の上がるのを青年達が見たので、方向を当てる為に竿の先に線香を縛りつけて、火をつけて上にあげると、丁度福地小（ふくちぐゎー）の家の後ろ角に当たりましたので、もう一回もう一回と、何回も試してみたが、その所だという事になりましたが、そこは、私達の叔父が寝ている、離れ座敷に当たりました。すると、福地小（ふくちぐゎー）の奥さんも少し不元気なので、心配して易判断所に行って聞いてもわかりません。その後、私の叔父は寝たきりになり、福地小（ふくちぐゎー）の奥さんは治って、後は、とうとう叔父は亡くなったのですが、その兆候魂（たまがい）というのは、青白くて丸い火の玉で、空中に高くあがると凶兆候魂（やなたまがい）であり、屋敷の中で、下の方に広く明るい場合は、近いうちにお祝いがあるという兆候魂（たまがい）だそうである。それで、思い病気にかかっている人がいると、「兆候魂（たまがい）っていないか。」と言うが、また、仕事が失敗しそうになっている時にも、兆候魂（たまがい）っていないかと言う。旧の八月十日は、妖怪日（よーかびー）といって、兆候魂（たまがい）がよくあがる、という事で、あちらこちらに集まってそれを見る。平成９年２月17日　識名隆人翻字　Ｔ６Ａ１