〔方言原話〕　あぬー、昔（んかし）ある所（とぅくま）んかい、妊娠（くゎむっち）、なー産月（なしじち）なとぉーる女（いなぐ）ぬうたんでぃしが、病気（やんめー）ねえーかなーん死亡（けーまち）さくとぅ、親達（うやぬちゃー）や、墓んかいそーてぃんぢ、埋葬（ほーむいがた）そうるしじやしが、墓ぬ中（なーか）うてぃ、うぬ腹（わた）ぬ中（なーか）んかいうたる赤子（ぼーじゃー）や生まりんぢてぃさくとぅ、母親（いなぐぬうやー）死亡（けーまー）しるうくとぅ、乳（ちー）ぬまちすだてぃる事（くとぉー）ならんなやーに、うぬ墓から幽霊（ゆーりー）なてぃんぢてぃ、商店（まちや）ぐゎーんかいんぢゃーに、松葉（まちば）ぐゎーんち、竹（だき）ぬ枝（ゆだー）んかいふぃっちきてぇーる、やふゎら飴（あみ）ぐゎーぬあしが、うぬ松葉（まちば）ぐゎーこーてぃち、毎日（めーにち）うぬ子供（わらばー）んかい嘗みらち、うぬ子供（わらばー）すだてぃとぉーるばーやしが、商店（まちや）ぐゎーぬ人達（ちゅぬちゃー）や、とぅいねえー本当（ふんとぉー）ぬ銭（じん）やしが、翌日（なーちゃ）なてぃ、銭箱（じんばく）んーぢねえー、打紙（うちかび）ぬいっちさくとぅ、くれえー不思議（ふぃるまーしーむん）でぃち、たーががうぬ打紙（うちかび）さーにこーてぃ行ちゅらわからん。最後（あとぉー）まかいんかい水（みじ）いってぃうちょーてぃ、商店（まちや）んかい、こーいむんしいがめんせえーる人達（ちゅぬちゃー）や、皆（んな）金銭（はんちん）るむっちめんせーくとぅ、しらんふーなーし、うぬまかいぬ水（みじ）んかいいってぃ、ヂャラみかちなやーにしじどぉーせー本当（ふんとぉ）ぬ銭（じん）やい、上（うぃー）んかいうちょーせー紙銭（かびじん）やくとぅ、打紙（うちかび）るやるんちさくとぅ、毎日（めーなち）夕方（ゆさんでぃ）なてぃちゃーなかい、松葉（まちば）ぐゎーこーてぃ行ちゅる女（いなぐ）ぬ今日（ちゅー）んち、「松葉（まちば）ぐゎーこーいびら。」んでぃ言ちゃくとぅ、売やーなかい、うぬ銭（じん）まかいぬ水（みじ）んかいいったくとぅ、だーうぬ銭（じのー）打紙（うちかび）ぬ紙銭（かびじん）やくとぅ、紙（かび）なやーに上（うゎーび）んかいうちさくとぅ、商店（まちや）ぬ主人（ぬーせー）しらんふーなーし、うぬ女（いなぐ）ぬ後（あとぅ）うーてぃ行ぢゃくとぅ、十貫（ぢっくゎん）ぢぬ、あるてぃーちぬ墓んかいなてぃさくとぅ。商店（まちや）ぬ主人（ぬーせー）、うぬ墓ぬぬーしんかい合図（いぇーじ）し、「うぬ墓ぬ中（なーか）んかい、子供（わらばー）がうてぃ、あんしうぬ母親（いなぐぬうやー）毎日（めーにち）私達（わったー）んかい、松葉（まちば）ぐゎーこーいがちゅーくとぅ、ふぇーくうぬ墓あきてぃ子供（わらばー）たしきり。」んでぃ言ちゃくとぅ、墓ぬぬーしぬちゃーや、「えーあんやみ。」んでぃ言ゃーなかい、慌てぃーひゃーてぃーあきてぃんーちゃくとぅ、松葉（まちば）ぐゎーくぅーてぃ、なーだ臍（ふす）んちぢぇーねえーん子供（わらばー）が、うまんかいうたんでぃ。あんさくとぅ、うぬ子供（わらばー）、家（やー）んかいそうてぃんぢすだてぃりわるやるんち、そうてぃ行ちゅんちさくとぅ、墓ぬ中（なーか）うてぃ、「生まりれえー同歳（ちゅとぅし）。」んち、あびーる声（くぃ）ぬちかりいたんでぃ。うれえー、死亡（まー）ちょーる女（いなぐ）とぅ一緒（まじゅーん）さーに、うぬ子供（わらばー）すだてぇーる、ティラシカマグチんでぃ言みせーる、う神やみせーたんでぃ。うぬう神ぬ、「生まりれえー同歳（ちゅとぅし）。」んでぃ、言みそうちゃくとぅ、今（なま）までぃや、くぬ世（ゆ）ぬ中うてぇー、年（とぅし）取ってぃ、とぅすいない次第（しんでぇー）る、あぬゆーんかえー行ちゅたんでぃしが、う神ぬまむてぃ一緒（まじゅーん）協力（かしー）し、打紙（うちかび）し、松葉（まちばー）ぐゎこーてぃちくぃてぃ、すだてぃてぇーくとぅ、うぬ、ティラシカマグチんでぃるう神ぬ、「生まりれえー同歳（ちゅとぅし）。」んでぃ言みそうちゃくとぅ、うんにんまでぇー、とぅすいから順番次第（じゅんばんしでぇー）る死亡（まーす）たんでぃしが、うぬ後（あとぉー）生まりれえー同歳（ちゅとぅし）るやくとぅ、若さしん死ぬい、子供（わらばー）ん死ぬいし、たーがが先（さち）、あぬ世（ゆ）んかい行ちゅらわからんなやーに、今（なま）ん若さしが死亡（まー）しいねえー、「生まりれえー同歳（ちゅとぅし）るやくとぅやー。」んでぃ言ゅるぐとぅなとぉーんでぃ。〔共通語訳〕　あのう、昔或る所に、妊娠して、もう産月になっている女がいたそうだが、病気には勝てず亡くなってしまうと、親達は墓に連れていって埋葬したのですが、その墓の中で、女のお腹にいた子どもは生まれましたが、その母親は亡くなっていますので、　自分の乳を飲まして育てる事ができなくなり、墓から幽霊になって出て、小さな店に行き、松葉小（まちばーぐゎー）という名の、竹の枝に引っつけた柔らかい飴があるが、その松葉小（まちばーぐゎー）を買ってきて、毎日その子どもに嘗めさせてその子どもを育てているのですが、その店の人達は、取る時には本物のお金だが、翌日になって銭箱を見ると、打紙（うちかび）が入っているので、これは不思議な事だが、誰がその打紙（うちかび）で買っていくのかわかりません。それで最後に、お碗に水を入れておき、店に来る方はみんな金銭を持って来られるから、知らぬ顔で、受け取ったお金をそのお碗の水に入れて、ヂャランと音がして沈んでいくのは本当のお金で、上の方に浮いているのは紙銭（かびぢん）だから打紙（うちかび）だと思っていると、毎日夕方になってから店に来て、松葉小（まちばーぐゎー）を買って帰っていく女が今日も来て、「松葉小（まちばーぐゎー）を下さい。」と言いますので、売って後からその代金をお碗の水に入れますと、もうそのお金は打紙（うちかび）で紙銭（かびぢん）なのですから、紙になって上の方に浮かんでいますので、店の主人は知らぬ顔でその女の後を追って行きますと、十貫地の或る墓になったのです。すると店の主人は、その墓の持ち主に合図して、「その墓の中に子どもがいて、それでその母親が毎日私達の店に松葉小（まちばーぐゎー）を買いに来るから、早くその墓を開けて子どもを助けなさい。」と言いますと、墓の持ち主達は、「そうであったか。」と、すぐ大急ぎで墓に行って開けてみますと、松葉小（まちばーぐゎー）をくわえた、まだ臍の緒も繋がった子どもが、そこに居たそうです。それで、その子どもを家に連れていき、家で育てようと思って連れだそうとしますと、墓の中で、「生まれたら同歳（ちゅとぅし）。」という声が聞こえたのです。それは亡くなった女と一緒に、その子どもを育てたティラシカマグチという神様だったそうです。その神様が、「生まれたら同歳（ちゅとぅし）。」と言われましたので、その時までは、この世の中の人達は、年をとって、年寄りになり次第に、あの世に行ったそうですが、神様が守って下さり、一緒に協力して打紙（うちかび）で松葉小（まちばーぐゎー）を買ってきて食べさせて育てて下さったので、そのティラシカマグチという神様が、「生まれたら同歳（ちゅとぅし）。」と言われましたので、その時までは、年寄りから先に順番次第に亡くなったのが、その後は、生まれたら同歳（ちゅとぅし）なのだから、若い者も死ねば子どもも死ぬようになり、誰が先にあの世に行くかわからなくなって、今でも若い人が亡くなると、「生まれたら同歳（ちゅとぅし）だからねえ。」と言う様になっているそうです。識名隆人翻字　Ｔ６Ａ３