〔方言原話〕　くぬ話（はな）しいん、朝公兄さんが、叔父さんからちちゃんでぃる話（はな）しい。ある所（とぅくま）うてぃ、父親（うや）ぬ死亡（けーまー）ち、墓んかい埋葬（うくいとぅどぅき）せーるばーやしが、うぬ嫡子んかい夢（いみ）見してぃ、夜（ゆる）ぬ夜中（ゆなか）るやしが、うぬ夢（い）めー、「今（なま）くまんかい、盗人（ぬすどぅ）かちみてぇーくとぅ、今（なま）ふぇーくなー、くまんかいそーいがくー。」んち、夢（いみ）見してぇーしが、だーくれー、夜中（ゆなか）るやくとぅ、うきてぃんーちゃれえー夢（いみ）るやいし、「あーくれえー夢（いみ）ぬふりむんどぅやてぇーさ。」んでぃちにんたくとぅ、またいーぬ夢（いみ）んーちさくとぅ、「とぉーくれえーぬーがなあいるする。」んち、兄弟達（ちょーでぇーたー）んうくち、うぬ墓んかい行ぢゃくとぅ、墓ぬ前（めー）んかえー、一人（ちゅい）ぬ男（いきが）ぬ、丁度（ちょーどぅ）、人（ちゅ）ぬ後（くし）から、襟首（ちんぬくび）かちみてぃ、すんちいしらっとぉーんねえーし、うまんかいいちょーたんでぃ。さくとぅ、「君（やー）や何者（ぬー）やが。」んでぃ言ちゃくとぅ、「私（わん）ねえー盗人（ぬすどぅ）やいびーん。」でぃ言ゃーなかい、うぬ死亡（まー）ちょーる父親（うや）ぬ、盗人（ぬすどぅ）かちみてぇーたんでぃる話（はな）しい。〔共通語訳〕　これも、朝公（ちょうこう）兄さんが叔父さんから聞いたという話。或る所で、父親が亡くなったので、墓に埋葬したのであるが、その嫡子に夢で呼びかけて、夜の夜中の事だが、その夢というのは、「今ここに盗人を捕まえてあるから、今すぐここに連れにこい。」という夢を見たのであるが、もうそれは夜中なので、起きてみると夢だったので、「ああ、これは夢に見る痴呆というものか。」と思って寝入りますと、また同じ夢を見たので、「どうもこれは何かあるに違いない。」と思って、今度は兄弟達を起こしてその墓に行ってみますと、墓の前には一人の男が、丁度他人に後ろから襟首を掴まれて引っ張られている様な恰好で、そこに座っていますので、近寄って、「お前は何者か。」と言いますと、その男は、「私は盗人です。」と言ったそうです。その亡くなった父親が、盗人を捕まえたという話。識名隆人翻字　Ｔ６Ａ２