〔方言原話〕　くれえー、北谷間切（ちゃたんまぢり）、屋良村ぬ、陥没池（むるち）ぬ大蛇（ぢゃー）ぬ話（はな）しい。舜天王ぬ子（くゎ）、舜馬順熙王。舜天を一代（いちでぇー）んちかちみーねえー、二代目（にでぇーみ）やるしじゃしが、うぬ王ぬ即位（ゆーちぢ）しみーそうちゃせー、丁度西暦千二百三十八年（にん）やくとぅ、今（なま）千九百九十五年（にん）から、七百五十七年前（ななひゃくごじゅうしちにんめー）やしが、うぬ王や、十一年（にん）ぬ間（うぇーま）、王かきみそうちょーくとぅ、うぬ間（うぇーま）にあてぇーる事（くとぅ）やしが。屋良陥没池（やらむるち）んかい、まぎさる大蛇（ぢゃー）ぬんじてぃ、周囲（まーい）ぬむぢゅくいくぇー散らかち、人（ちゅ）んかいん害（げー）しならんなたくとぅ、ちゃーされえーましが、んち協議（ぢんみ）さくとぅ、一箇所（ちゅとぅくる）ぬ祝女（ぬーる）ぬ、「うぬ大蛇（ぢゃー）んかい、なーだ無傷（むきじ）ぬ、干支（んまりどぅし）ぬ当たとぉーる若娘（わかいなぐ）、うりんかいくゎーしわる、うりがーうさまいる。」んでぃ言ちゃくとぅ、首里城（すいぐしく）うてぃぬ協議（ぢんみ）んうりんかい決まてぃ、あんし、あまくま調査（しらび）たくとぅ、二人（たい）ぬ若娘（わかいなぐ）ぬ、うぬ干支（さー）当たとぉーしがうしが、一人（ちゅい）やじこーぬ富豪（うぇーきんち）、土地（ぢー）畑（はた）んまんでぃ、金銭（ぢんかに）んだてぇーんある富豪（うぇきんちゅ）やしが、うまぬ一人娘（ちゅいいなぐ）んぐゎ。また、なー一人（ちゅい）や、じこーぬ貧乏者（ふぃんすーむん）ぬ、土地畑（ぢーはた）ん、自分（どぅー）ぬ物（むの）でぃちぇーねーらん、全部（むる）かかいがねーし、他人（ちゅ）ぬ土地畑（ぢーはた）るかとぉーしが、うまー、親達二人（うやぬちゃーたい）とぅ、うぬ娘子（いなぐんぐゎ）とぅ、三人（みっちゃい）暮らしぬ家庭（ちねー）なてぃ、二箇所（たとぅくる）、一人娘子（ちゅいいなぐんぐゎ）なとぉーしが、うぬ貧乏者（ふぃんすーむん）ぬ当たとぉーる家庭（ちねー）や、母親（いなぐぬうや）ぬ重病（ちゅーびょーち）かかみそうさくとぅ、富豪（うぇーきんちゅ）ぬ親達（うやぬちゃー）が、貧乏者（ふぃんすーむん）ぬ父親（いきがぬうや）とぅ、娘子（いなぐんぐゎ）んかい相談し、「とぉー我々（わったー）がやー、うぬ籤引ち、むしか当たいる場合（ばー）ねえー、君達（いったー）んかい、だてぇーん財産（ぜーさ）ぬん金銭（ぢんかに）んくぃてぃ、母親（いなぐぬうや）ぬ病気（やんめー）んのーちとぅらち、裕福に君達（いったー）親達（うやぬちゃー）、今（なま）から後（あとぉー）暮らしみんやくとぅ、君（やー）やおー受きてぃとぅらさんがやー。」んでぃ言ちゃくとぅ、うぬ娘子（いなぐんぐゎー）泣ちゃがちーなー、「母親（いなぐぬうや）ぬ命（ぬち）んたしきてぃ、今（なま）から後（あとぅ）、裕福に暮らしみーるむんやれー、なー私（わん）ねゆたさいびーん。」でぃち、大蛇（ぢゃー）んかいくゎってぃんしまびーんでぃる事（くとぅ）んかいなてぃさくとぅ、あんし籤ふぃちゅる日（ふぃ）なてぃ、籤ふぃちゃくとぅ、予想（いゅんねー）すんねー、富豪（うぇーきんた）んかい当たてぃさくとぅ、富豪（うぇーきんちゅ）ぬ申しんぢてぃ、「くんぐとぅくんぐとぅし、くぬ貧乏者達（ふぃんすーむんぬちゃー）たしきいるたみに、うぬ娘子（いなぐんぐゎ）ぬ、おー受きとぉーしが、あんししまびいがやー。」んでぃち話（はな）しいさくとぅ、「娘子（いなぐんぐゎ）ぬおー受きとぉーれーなーしみるする。やしがうぬ代わい、親達（うやぬちゃー）面倒（みんどぉー）や、うぬ娘子（いなぐんぐゎ）んかい代わてぃしはるやしが。」んち言ちゃくとぅ、「うーあんししまびーん。」でぃる事（くとぅ）んかいなてぃさくとぅ、今度（くんどぉー）うぬ日（ふぃー）なてぃさくとぅ、白衣装（しるいそう）くしてぃ、池（くむい）ぬ側（すば）んかいそーてぃんぢ、いしてぃさくとぅ、予想（いゅんねー）すんねー、なー大蛇（ぢゃー）ぬんぢてぃちゃーに、今（なま）にんうちくゎーんでぃさくとぅ、他（ふか）ぬ人達（ちゅぬちゃー）やたましぬぎてぃ、皆（んな）、後（くし）んかいとぅんしんち、ふぃっくでぃそうしが、うぬ娘子（いなぐんぐゎー）あんしんうまうとぉーてぃ、んぢゅちんさん、手（てぇ）合掌（うさー）ち、「してぃる身が命（いぬち）、露（ちゆ）ふどぅんうまん。明日（あちゃ）や母親（ふゎふゎうや）ぬ、泣ちゃらとぅみば。」んち、母親（いなぐぬうや）んかいや、ぬーちゅくとぅばん、話（はな）しいやせえーねえーらんくとぅ、私（わー）が大蛇（ぢゃー）んかい、うちくゎーったんでぃちちちぇねえー、病気（やんめー）やのーてぃん、泣ちる暮らするはじやーんちさくとぅ、うんにんねー、上（うぃー）から黒雲（くるくむ）ぬうりてぃち、うぬ黒雲（くるくむ）ぬ中（なーか）から、白衣装（しるいそー）ちち、髪（からじ）ん髭（ふぃじ）ん長ーく、真っ白（まっしーる）そうみせーる神ぬ、杖（ぐーさん）むっちめんそうやーなかい、口あきてぃ、娘子（いなぐんぐゎ）今（なま）にんうちくゎーんでぃちそーる大蛇（ぢゃー）ぬ頭（ちぶる）、むっちょーみせーる杖（じーさん）さーに、ちゅーく、ぱちみかち、すぐいちきたくとぅ、うまから電光（ふでぃ）ぬんぢてぃ、ちゅらーく、雷（かんない）ゴロゴロうてぃやーなかい、大口（うふぐち）あきとぉーたる大蛇（ぢゃー）や死亡（けーしじ）さくとぅ、いちょーたる貧乏者（ふぃんすーむん）ぬ娘子（いなぐんぐゎ）ぬ命（ぬち）んたしかてぃ、大蛇（ぢゃー）ん退治（しじみ）たんでぃる、親（うや）ぬこー娘子（いなぐんぐゎ）ぬ話（はな）しい。くれえー陥没池（むるち）ぬ大蛇（ぢゃー）ぬ話（はな）しいやしが、うぬ後（あとぅ）、今度（くんどぉー）義本王ぬ即位（ゆうちぢ）しみそうちゃくとぅ、うぬ翌年（あきどぅし）ねえー、七日（ななちち）雨（あみ）降てぃ、七日（ななちち）旱魃（ひゃーやー）なかい、今（なま）ぬ今（なま）までぃ枯穂年（かりふーどぅし）んでぃ言ゃっとぉーしが、うぬ枯穂年（かりふーどぅせー）、陥没池（むるち）ぬ大蛇（ぢゃー）退治（しじみ）そうたるゆいにる、枯穂（かりふー）んんぢとぉーるんでぃる話（はな）しいやしが、大蛇（ぢゃー）ぬいちちょーねー、ちゃーがないたら死ぢゃんてぇーまん、だーうれー枯穂（かりふー）当たてぃるうくとぅ、今（なま）ちきてぃ言ゅる枯穂年（かりふーどぅし）せー、今（なま）から七百五十年（にん）あまい前（めー）にうくるとぉーる話（はな）しいやしが、くいけーしげーし、今（なま）までぃん話（はな）しいちぢちょーん。あんしうぬ翌年（あきどぅし）ねえー、また、疫病（やなやんめー）ぬ流行（ふぇー）てぃ、琉球（りゅうちゅー）ぬ人民（しんか）ぬ半分ぐれーや、病気（やんめー）にまきてぃさくとぅ、義本王や、「私（わん）にんかい徳（とぅっくゎ）ぬねーらんぬるやる。」んち、隠居しみそうちゃんでぃる話（はな）しいやしが、私達（わったー）が今（なま）ちちん、なーだくねーだぬぐとぅしるちかりーる。屋良陥没池（やらむるち）ぇー今（なま）んあしが、私達（わったー）が小学生ぬ時（ばー）に遠足し、先生（しぇしい）んかいそーらってぃ行ちゃーに、陥没池（むるち）ぬ話（はな）しいちちゃる時（ばー）ねー、陥没池（むるち）ぇー、大松（うふまーち）ぬちゃーが、天（てぃ）ぬんうするかみーとぉーたしが、んぢゃる戦に皆（むる）ちりとぉーち、今（なまー）道ぬ側（すば）んかいある池（くむい）るなとぉーる。昔（むかせー）大蛇（ぢゃー）ぬんぢーたしん、なーアメリカーが大砲打ちくまーなかい、大蛇（ぢゃー）んうらんがなたら。陥没池（むるち）ぬ大蛇（ぢゃー）ぬ話（はな）しい。〔共通語訳〕　これは、北谷間切、屋良村にある、屋良陥没池（やらむるち）の大蛇の話。舜天王の第一子、舜馬順熙王。舜天王を一代目とすれば二代目の王様なんだが、その王様が即位なさったのが、丁度西暦千二百三十八年だから、今（千九百九十五年）から七百五十七年前なんだが、その王様は十一年間在位なされましたから、その間にあった事であるが。屋良陥没池（やらむるち）にとても大きな大蛇が出没して、周囲の畑の作物を食い散らかして荒らしたり、人にも害を与える様になりましたので、いかにすれば良いか協議しますと、一箇所の祝女（のろ）が、「その大蛇に、まだ生娘で、今年の干支に当たっている若い娘を人身供養して、その大蛇に喰わさないとこれは治まらない。」と申しますと、首里城においての協議もその通りに決まって、それであちらこちらを調べますと、二人の若い娘達が、その干支に当たっているのが居りますが、一人は大変な富豪で、土地畑もたくさんあり、お金もたくさん持っている富豪の一人娘で、またもう一人は、とっても貧乏者で、土地畑も自分の物は無く、全部他人の土地畑を、借りたり小作したりしている家庭だが、そこも親達二人とその娘との三人暮らしで、両方とも一人娘になっている家庭であるが、その貧乏者の娘子の当たっている家庭は、母親が重い病気にかかっているのです。すると、富豪の親達が、貧乏者の父親と娘子に相談して、「あのう、私達がその籤を引いてもしも当たった場合には、君達にたくさんの財産を分け与えて、金銭もあげ、また母親の病気も治してやり、裕福に君の親を暮らさせるから、君は應を受けてくれないかねえ。」と話しますと、その娘子はシクシク泣きながら、「母親の命も助けて、今から後は裕福に暮らさせてくれるのであれば、もう私はそれで良い。」と言って、大蛇に喰われても良いという事になって、いよいよその籤を引く日になり、籤を引きますと、予想通り富豪の娘に当たったので、富豪が申し出て、「こうこうで、この貧乏者達を助ける為にと思って、その娘が應を受けていますが、それで良いですか。」と申し上げますと、「その娘が承知しているならそれでも良いだろう。だがその代わり、親達の面倒はその娘子に代わってやらなければいけないが。」と言いますと、「はい。それでよろしいです。」という事になって、その後、今度はその日になりますと、娘に白衣装を着せて、池の側に連れていって座らせますと、予想通り大蛇が現れて、今にもその娘子を食べようとするのを見て、他の人達は度肝を抜かれて後ろに飛び退き引っ込んでいますが、その娘子は、そこで身動きもせず、両手で合掌をして、「捨てる我が命、露程も思わぬ、明日は母親が泣くと思えば。」と言ったのです。母親には、その事は何一つ言ってありませんので、私が大蛇に喰われたと聞いたならば、たとえ今後病気が治っても、泣いて暮らすだろうなあ、と思っていると、その時上空から、黒い雲が降りてきて、その黒雲の中から、白い衣装を着て、白髪白髭を長く生やした神様が杖を持って降りて参られて、大きな口を開けて、娘子を今にも食べようとする大蛇の頭を、持っていた杖でパチと殴りつけました。するとそこから電光が発生し、突然雷がゴロゴロと落ちてきて、大口を開けていた大蛇は死んでしまうと、座っていた貧乏者の娘子の命は助かって、大蛇も退治したという、孝行娘の話。これは陥没池（むるち）の大蛇の話なんだが、その後今度は、義本王が即位なさったのであるが、その翌年には、七ヵ月雨が降り、七ヵ月旱魃が続いて作物が枯れたので、今の今まで、枯穂年といわれているが、その枯穂年は、陥没池（むるち）の大蛇を退治した故に、枯穂が出たとの話も出ているが、だがしかし、もし大蛇が生きていたらどうなっていたか。死んでしまっても、その後には枯穂に当たるのだから、今に至るまで言われている枯穂年は、今から七百五十年余り前に起こった話だが、繰り返し返し語り継がれている。そして、その翌年には疫病が流行して、琉球の人民の役半分ぐらいが病気に負けて亡くなってので、義本王は、「私に徳が無いから、この様な事になった。」と言われて隠居なされたとの話だが、私達が今この話を聞いても、ついこの間の様に聞こえる。屋良陥没池（やらむるち）は今もあるが、私達が小学生の時に、遠足で先生に連れられて行って、陥没池（むるち）の側でその話を聞いた時は、池の周囲は松の大木がたくさん茂っていて、枝は天を覆っていたが、ある大戦で全部切り倒されて、今では道の側にある池になっている。昔は大蛇も出たのだが、今はもう、アメリカーが大砲を打ち込んで、大蛇も居なくなったのか。陥没池（むるち）の大蛇の話でした。識名隆人翻字　Ｔ６Ｂ１