〔方言原話〕　くれえー、校長瑞慶覧ぬ朝公兄さんが、稲嶺（んなみ）ぬ盛昌叔父さんからちちゃんでぃる話（はな）しいやしが。昔（んかし）、じこーゆうー当たいる三世相（せんぢんそー）ぬうたんでぃ。あんし、うまんかい、一人（ちゅい）ぬ人（ちゅ）ぬ運勢判断（うんくら）しいが、んぢゃくとぅ、うぬ三世相（せんぢんそー）ぬ、「貴方（うんぢゅ）が命（ぬちぇー）、何月何日（いちぬいっか）までぃるあくとぅ、うぬうぇーかー身体（からた）大切（てぇーしち）にし暮らちいきよう。」んち、ならーさったんでぃ。あんさくとぅ、うぬ人（ちょー）、「えーあんやいびいみ。」んち、家（やー）かいけえーてぃちゃーに、うぬ日（ふぃー）なたくとぅ、うぬ日（ふぃ）なてぃん、まーん病むんでぃちんねえーらん、ぬーんねえーらんなてぃさくとぅ、うぬ人（ちょー）、「あーあ、くぬ三世相（せんぢんそー）ぬ言ゅせー嘘（ゆくし）るやる。まーんやみんさん。ぬーんさんむぬ、今日（ちゅー）死亡（けーまー）すんでぃちんあがやー。」んでぃちそういねー、夕方（ゆさんでぃ）なてぃ、雨（あみ）ぐゎーんチラチラ降てぃさくとぅ、友達（どぅし）ぬ家（やー）んかい行ちゃーに、命（ぬち）ぬすーじしわるないる、今日（ちゅー）んりっぱんすぐちょーるむんでぃち、酒（さき）ぐゎーんむっち行ちぃーねえー、隣（とぅない）ぬ部落（しま）るやくとぅ、うぬ隣（とぅない）ぬ部落（しま）とぅぬ境（さけー）んかえー、一本橋（てぃーちゅーばし）ぐゎーぬあてぃ、うりくぃーてぃる隣（とぅない）ぬ部落（しま）んかえー行ちゅくとぅ、うぬ一本橋（てぃーちゅーばし）ぐゎくぃーゆんでぃち、あっちゃくとぅ、雨（あみ）ぬ降やーなかい、んでぃとぉーくとぅなんどぅるさぬ、ちゅらーく、うぬ一本橋（てぃーちゅーばし）ぐゎーくんはんだかさーに、酒（さき）んむっちょーるまま、川（かーら）ぐゎーんかいけーうてぃてぃ、うまうてぃ死亡（けーま）ちゃんでぃ。あんし、三世相（せんぢんそー）ぬならーちゃしるましがやー、ならさんたしるましがやーんでぃる事（くとぅ）やしが。人（ちゅ）、人間（にんじのー）生まりーる時（ばー）に、定みらっとぉーる。くぇーちゅーやか他（ふか）ねえー、生からんでぃる話（はな）しいやんでぃ。三世相（せんぢんそー）ぬ話（はな）しい。〔共通語訳〕　これは、校長瑞慶覧の朝公（ちょうこう）兄さんが、稲嶺の盛昌叔父さんから聞いたという話であるが。昔、大変よく当たる、三世相（さんぢんそう）がいたそうだ。そして、そこに一人の人が運勢判断しに行ったところ、その三世相（さんぢんそう）がいうには、「貴方の命は、何月の何日までしかありませんから、その間は身体を大切にして暮らしていきなさい。」と教えましたので、その人は、「ああそうですか。」と言って家に帰ってきましたが、さてその日になりますと、その日になってもどこも痛くもないし、何事も無かったのです。するとその人は、「ああ、あの三世相（さんぢんそう）が言ったのは嘘だったのだ。どこも痛くもないし、何事も無いのに、今日死亡するという事があるものか。」と思っていると、夕方になり小雨がチラチラ降ってきたので、友達の家に行って、これはもう命拾いのお祝いをしようと思い、今日も立派に過ごせたからと、酒も持っていったのですが、友達の家は隣の部落ですが、その隣の部落との境には一本橋があって、それを越えて隣の部落に行くので、その一本橋を渡ろうとして歩きますと、雨が降って濡れていてよく滑りますので、思わず足を滑らせてその一本橋を踏み外し、酒も持ったまま小川に転落して、そこで亡くなったそうです。それで、三世相（さんぢんそう）が教えたのが良かったか、教えないのが良かったのかという事ですが、人、人間は、生まれる時に定められている食扶持より他には生きられない、という昔の話です。三世相（さんぢんそう）の話でした。識名隆人翻字　Ｔ５Ｂ４