〔方言原話〕　浜下り（はまうり）、旧暦（きゆ）ぬ三月三日（さんぐゎちさんにち）に、女達（いなぐぬちゃー）がうじゅーむっち、浜下り（はまうり）する話（はな）しい。かーま大昔（うーんかしー）、生物達（いちむしぬちゃー）やんな人（ちゅ）ん一緒（まじゅー）んどぅ暮らちょーたんでぃ。あんしある時（ばー）に、ある所（とぅくま）んかい美女（ちゅらいなぐ）ぬ生まりてぃ、親達（うやぬちゃー）じこーうっさし、とぉーなー今度（くんどっぉ）でぃきとぉーんでぃちさしが、なー年頃（とぅしぐろ）なてぃ、あまくまからいーやーがちん、うぬ女（いなごー）かーぶいし、まーにんいかん、地頭代（じとぅでぇー）役人達（やくにんぬちゃ）がち、「嫁（ゆみ）しみてぃくぃみそうり。」んちたるでぃん、てぃーちんおーやうきらん、あんしするうちねえー、うぬ女（いなぐ）ぬ身体（どぅー）ぬ次第（しでぇー）に変わてぃさくとぅ、母親（いなぐぬうや）ぬ、「貴方（やー）や、義理（ぢり）恥んまむてぃ、ゆうー親（うや）ぬこーんそうしが、唯一（ただてぃー）ちぇーゆすぬ、嫁（ゆみ）なてぃくぃみそうり、んでぃ言ちん、ふぃーちんかーぶいしおーやうらんしが、私（わー）がんーじーねえー、貴方（やー）身体（どぅー）や変わとぉーしが、ちゃーするばーが。」んでぃち問（とぅ）たくとぅ、うぬ女子（いなぐんぐゎー）、「ちゃーしがしぬでぃちゅーらわからんしが、私（わー）側（すば）んかいじこーな美青年（ちゅらにーせー）がちとぅまてぃ、朝方（あきがた）ないねえー、私（わー）がにんとぉーるうちに家（やー）かいはち、ちゃーんてぇーまん、話（はな）しい物語（むぬがたい）んねえーらんしが、うりとぅ一緒（まじゅん）にんてぇーしいしいさーなかい、なー身体（どぅー）ぬ変わとぉーん。」でぃ言ちゃくとぅ、母親（いなぐぬうや）ぬ、「あんし、うれえーまーぬたーやが。」んでぃち問（とぅ）ーたくとぅ、女（いなぐ）ぬ、「うぬ人（ちょー）、ただちゅくぃーなーるむのー言ゅる。二回（たけー）ぬん三回（（みけー）ぬんでぃちぇー、言ちぇーちかさん。あんさーに、家（やー）かいけーてぃ行ちぃーにん、ぬーしいにん、ぬーんでぃん、言ゃんぐーとぅーる、けーてぃはちぇーしいしいすくとぅ、まーぬたーがやらわからん。あんしが確かに、んぢゅる物（むぬ）んんだんなとぉーくとぅ、あぬーぬーんでぃがやーなー身体（どぅー）ん変わとぉーしが、あんしるまーにんいかんある。」んでぃ言ちゃくとぅ、親達（うやぬちゃー）や心配（しわ）し、隣近所（ちゅけーとぅねー）ぬ人達（ちゅぬちゃー）んかい、「うんぐとぅーやんでぃしが、たーんわからんがやー。」んでぃち、皆（んな）んかい話（はな）しいさくとぅ、うぬ話（はな）しいちちょーる人達（ちゅぬちゃー）や、「あんせーなー、皆（んな）しかんげえてぃ一緒（まじゅー）んかめーいんてぇー。」んちそうる時（ばー）に、うぬ友達（どぅしぬちゃー）が漁師（うみあっちゃー）やしが、漁（いざい）すんでぃある夜（ゆる）うりたくとぅ、潮（すー）や満ちくくでぃ海んかえーうりららん。ちゅてぃーやくまうてぃいちょーてぃ、潮（すー）ぬふぃりはる海んかえーうりらりいるむんでぃち、いちょーてぃ潮（すー）ぬふぃーし待っちょーたくとぅ、後（くし）ぬ洞窟（がま）うてぃ、たーがやらぐじゅぐじゅさぎいしがうん。あんさくとぅ、「あー私（わん）やか他（ふか）にん、漁（いざい）しいあちょーる人（ちゅ）ぬうさやー。」んちそうしが、ぬーがやら、普通（あたいめー）ぬ人（ちゅ）ぬ話し声（ぐぃ）とぉー違てぃうしなかい、くーてぇーあびーぐゎるすくとぅ、ちゅーこーちからんなてぃ、さくとぅ、次第次第（しでぇーしでぇー）に洞窟（がま）んかいちかゆてぃんぢちちゃくとぅ、中（なーか）うてぃ話（はな）しいさぎいしが、ぬーぬ話（はな）しいさぎいがやーんでぃうむてぃ耳ささぎとぉーたくとぅ、一人（ちゅい）ぬ者（むん）ぬ、「私（わん）ねーあまぬ美女（ちゅらいなぐ）騙かさーなかいかさぎらちぇーしが、うぬ娘（いなぐ）んかい七袋（ななふくる）ぬ子精子（くゎさに）いってぇーくとぅ、くぬうち私（わー）子供達（くゎぬちゃー）が生まりんでぉー。」んでぃ言ちゃくとぅ、なー一人（ちゅい）ぬ者（むん）ぬ、「いぇー、君（やー）やなーまわからんさやー。アカマターぬ人（ちゅ）ぬ娘（いなぐ）かさぎらしいねえー、うぬかさぎとぉーる娘（いなぐ）ぬ浜んかいうりてぃ、白砂（しるしな）くだいねえー、だーうれーしむるなやーなかい、全部（むる）けーうりーるむんぬやー、絶対（ぢょーい）君（やー）子供（くゎー）、人（ちゅ）ぬ娘（いなぐ）のーなしゆうさん。」でぃ言ちゃくとぅ、うぬ話（はな）しいちちょーる者（むのー）、「いーいーいー、ありがうんな事（くとぉー）さんはじやくとぅ、確かに七（なな）ちぬ子供（くゎ）ぬ生まりんどぉー。」んでぃ言ち話（はな）しいそうたんでぃ。うりちちゃくとぅ、隣（とぅない）ぬ娘子（いなぐんぐゎー）かさぎとぉーしが、男（いきがー）わからんでぃる話（はな）しいやくとぅ、確かにくりるやるはじでぇーむんでぃうむやーに、よんなーよんなーうまから離りてぃ、家（やー）かい行ちゃーに隣（とぅない）ぬ人達（ちゅぬちゃー）うくち、「私（わん）ねえーあまぬ白浜ぬ側（すば）ぬ洞窟（がま）うてぃうぬ話（はな）しいちちゃしが、うり本当（ふんとぉー）がやらぬーがやらわからんしが。」んち話（はな）しいさくとぅ、今度（くんどぉー）母親（いなぐぬうや）ぬ、「むしか本当（ふんとぉー）やみ、あらねえー、でぃー確かみてぃんだ。私達（わったー）子供（わらばー）がやら、別（びち）ぬ子供（わらばー）がやらわからんむんぬ。」んでぃちさーに、うぬ子供（わらばー）寝室（にんじぢゃー）んかい、うーうふぉーくちなぢんちぇーるうーばーらむっちんぢゃーに、糸（いーちゅー）ぬ先（さち）んかえー針（はーい）ちきてぃ、「とぉー、まーぬたーんち話（はな）しいんさん、しらんふーなーしちにんてぇー、朝方（あきがた）ないねえーうぬままんぢぇーしいしいするむんやらー、貴方（やー）とぅ一緒（まじゅん）にんてぃうりしいに、うぬ人（ちゅ）ぬ着物（ちん）ぬくびんかい、うぬ針（はーい）さちょーけー。あんせーうーばーらぬうーぬんぢてぃ行ちゅくとぅ、明日（あちゃー）ぬ朝（あかち）ちぇー、うぬうーさとぅてぃ行ちゃーねー、まーぬたーんちわかいさ。」んち、娘子（いなぐんぐゎ）んかい言ゃーなかい、うぬうーばーらうちきてぃさーに、うぬ娘子（いなぐんぐゎ）んかい、アカマタんでぇー言ゃんぐとぅ、うぬ話（はな）しいさくとぅ、うぬ娘子（いなぐんぐゎ）あんすんでぃちそうるばーやしが、うぬ夜（ゆる）ん、うぬ娘子（いなぐんぐゎ）ぬ所（とぅくま）んかいうぬ美青年（ちゅらにーせー）がちゃーなかい、「はい。」んち、くーてぇーあびーぐゎーしさくとぅ、「たーやが。」んでぃ言ちん、返事（ふぃぜー）さん、ただちゅくぃるあびくとぅ、よーそーたくとぅいっちちゃーに、側（すば）んかいにんてぃさくとぅ、うぬ娘子（いなぐんぐゎー）、親（うや）ぬ言ゅてぇーるむんでぃち、針（はーい）や用意（しこー）てぃむっちそういねえー、うぬ青年（にーせー）が一緒（まじゅーん）にんてぃ、うりする時（ばー）に、うぬ青年（にーせー）ぬちんぬくびんでぃうむてぃ、針（はーい）さちゃんでぃ。うぬ針（はーい）とぅ糸（いーちゅ）とぉーちゅくくんだってぃるうくとぅ、うぬ青年（にーせー）がんぢてぃんぢゃくとぅ、うーやうぬままちゃーんぢーしんぢゃくとぅ、明朝（なーちゃぬあかちち）なたくとぅ、母親（いなぐぬうや）ん二人（たい）さーに、うぬ糸（いーちゅ）さとぅてぃんぢゃくとぅ、白浜ぬ側（すば）ぬ洞窟（がま）んかいちちさくとぅ、「とぉーくれえー確かに、くまんかい人（ちゅ）ぬういがすらわからんむん。」でぃうむやーに、「ちゃーびらさい。じちぇーなー、まーまーから尋ねてちょーいびいしが。」んち、えーじさんてぇーまん。ぬーぬ返事（ふぃじ）んねーらん。次第次第（しでぇーしでぇー）に中（なーか）んかいいっちゃくとぅ、まぎさなアカマターぬみーがーんかい、あぬ針（はーい）や立っち、また、うぬアカマターや、うまから顔（ちら）ぬしきてぃちゃくとぅ、「とぉーくれえーまちげーやねえーらんアカマターるやてぇーっさみ。」んでぃ言ゃーなかい、うぬ親子（うやくゎー）うまからはーえーし白浜ぬ白砂（しるしな）くだみたくぅ。あんさくとぅ、だーうぬかさぎとぉーる子（くゎー）アカマターぬ子（くゎ）るやくとぅ、浜ぬ白砂（しるしな）くだみたれえー、全部（むる）しむるなやーに、けえーうりたんでぃ。あんし、うんにんから丁度うぬ日（ふぃ）や旧暦（きゅぬ）三月三日（さんぐゎちさんにち）やたんでぃくとぅ、うぬ日（ふぃ）ないねえー女達（いなぐぬちゃー）や浜んかいうりてぃ、白砂（しるしな）くだみいるぐとぅなたんでぃ。昔（んかし）ぬ人（ちゅ）ぬ、男（いきがー）肋骨（そーきぶに）一本（てぃちぇー）即（ふすく）。女（いなごー）罰（ばち）かんじ者（むん）でぃち、ぬーんかいやてぃん、人（ちゅ）んかい、男（いきが）んかい、騙さりーやっさんでぃ、あんし、家（やー）ぬ外（ふか）から合図（いぇーじ）ぬあてぃん、ちゅくぃさーなかい、「うー。」んち返事（ふぃじ）さい、夜（ゆる）なーや、戸（はしる）あきたいしいよーんち、母親（いなぐぬうや）ぬならーちさーなかい、いーちきとぉーたんでぃる事（くとぅ）やん。うりが今（なま）までぃちぢち、人（ちゅ）ぬ家（やー）んかい行ちぃーねえー、「ちゃーびらさい。ちゃーびらさい。」んち、二回（たけーん）やかうふくあびるぐとぅなとぉーん。また、家（や）中（なーか）んかいうり人（ちゅ）ん、一回（ちゅけーん）合図（いぇーじ）ぬあてぃん黙とぉーてぃ、なー一回（ちゅけーん）合図（いぇーじ）さわる、「うー。」んち合図（いぇーじ）するぐとぅなとぉーん。また、なーてぃちぬ話（はな）しいや、アカマターやてぃんハブやてぃん、古鍋（ふるなーび）ぬ蓋、地面（ぢい）ぬ上（うぃ）んかいうぬまましてぃほーりそうてぃ、うりが下（しちゃ）うてぃ、アカマターんでぇーハブんでぇーぬ卵（くーが）なち、うりがししでぃとぉーるアカマターやハボー、人（ちゅ）騙かちゃい、女達（いなぐぬちゃー）騙かちゃいすくとぅんち、古くなてぃ、ちりむしりさーにちかーらんならわー、木（きー）ぬ枝（ゆだ）んかいかきてぃうちゅたん。私達（わったー）が幼少（くーさ）いぬー、豚小屋（ふーる）ぬ側（すば）ぬ木（きー）ぬ枝（ゆだ）んかい、いくちんかきてぃうかっとぉーたしが、うれえー先（さち）ぬ話（はな）しいちちゃーに、あんせーならんでぃち言ゃーなかい、古鍋蓋（ふるなーびんたー）木（きー）ぬ枝（ゆだ）んかいさぎてぃうちぇーるばーやしが。またぬ話（はな）しいや、旧暦（きゅぬ）三月三日（さんぐゎちさんにち）ねえー、女達（いなぐぬちゃー）やうじゅーすがてぃ、御馳走（くゎっちー）むっち浜下り（はまうり）すしが、首里（すい）那覇（なーふゎ）ぬ金持達（うぇーきたー）や、うぬアカマターんかい恨みむっち、下男達（ぢにんぬちゃー）んかいアカマターとぅめーらち、うりうじゅーんかいいってぃ、アカマターうじゅーんでぃ言ち、むっちいちゅんでぃ。あんし浜んかいうりゆうさん女達（いなぐぬちゃー）や、白砂（しるしな）むっちちゃーにくだみらすんでぃ。旧暦（きゅぬ）三月三日（さんぐゎちさんにち）に浜下り（はまうり）ぬ話（はな）しい。〔共通語訳〕　浜下り。旧暦三月三日に女達が重箱に御馳走を詰めて、浜下りをする話。ずうっと大昔は、動物達はみんな人間も一緒に暮らしていたそうだ。そして、或る時或る所で、とても美しい娘が生まれたので、親達は大変喜んで、今度はよくできたと思っていたのですが、年頃になって、あちらこちら嫁の貰い手がきても、その娘は顔を横に振ってどこにも嫁に行かずに、地頭代（じとぅでー）や役人達が、「嫁になって下さい。」と頼みにきても、一向に應と答えず、そうするうちにその娘の身体が次第に変わったので、母親が、「貴方は義理、恥もわきまえ、よく親の孝もしているが、ただ一つ、余所から嫁の貰い手が来ても、一向に顔を横に振って應は受けないが、私が見て、お前の身体は変わっているが、どうしたのか。」と問いますと、その娘は、「どのようにして忍び込んでくるのかわからないが、私の側に大変な美青年が来て泊まり、朝方になると、私が寝ている間に家に帰っていき、来ても、話し合いや物語も何も無いのだが、その人と一緒に寝て何をしていると、身体が変わっている。」と母親に話しましたので、母親は、「それでは、その男の人はどこの誰なのか。」と尋ねますと、その娘は、「その人は、ただ一声ずつしか物は言わず、二回三回とは声を出さず、それで家に帰っていく時にも、何も言わないで帰ってしまうので、今まで、どこの誰だかわからない。だが確かに、見るべきものが見えなくなっているので、あのう、何と言うか、私の身体は変わっているので、それでどこにも嫁に行かないのだ。」と母親に言いますと、親たちは心配して、隣近所の人達に、「その様な事になっているが、誰かわかる人はいませんか。」と話しますと、その話しを聞いた人達は、「それではみんなで考えて一緒に探そう。」と話し合っている時、その友達の漁師が、漁をする為に或る夜海に下りると、潮は満潮で海に入れないので、少しの間、ここに座っていて、潮が引いてからでないと海に下りれないからと思って、座って潮が引くのを待っていると、後ろの洞窟の方で、誰やら小声でヒソヒソ話し合っているのがいます。そうすると、「ああ、私の他にも漁に来た人がいるんだなあ。」と思ったのだが、どうも普通の人の話し声と違っているが、小声で話し合っているので、十分には聞き取れないので、次第次第に洞窟に近寄っていって聞きますと、中の方で話していますので、何の話しだろうと思って聞き耳を立てていますと、一人の者が、「私はねえ、あそこの美しい娘を騙して、その娘を孕ませてある。そしてその娘に七袋の子精子を入れてあるから、近いうちに子どもが生まれるよ。」と言いますと、もう一人の者が、「おい、お前はまだわからないのか。アカマタが人間の娘を孕ませている時に、もしその孕んだ娘が浜に下りて白砂を踏んだら、すぐに巣守になって全部墜胎てしまうのに、絶対お前の子どもを人間の娘が産む事はできないよ。」と話し合っています。するとその者は、「いやいや、あの娘はその様な事はしないはず。確かに七つの子どもが生まれるよ。」と言っていたそうだ。それを聞くと、隣の娘は妊娠しているが相手がわからないという話しだから、確かにこれに間違いないと思って、ゆっくりゆっくりその場を立ち去り、家に帰って隣の人達を起こして、その親達に、「私は今しがた、あそこの白浜の側の洞窟でこの話を聞いたが、それが本当かどうかはわからないが。」と話しますと、今度は母親が、「もしそれが本当かどうか。よし確かめてみよう。私達の娘か別の娘かわからないから。」という事で、糸をたくさん紡ぎ込んだ糸籠を、娘の寝室に持っていき、糸の先には針を付けて、母親が、「あのね、どこの誰とも言わず、話もしないで知らん顔で来て、寝て、朝方になるとそのまま帰って行くの繰り返しをするならねえ、お前と一緒に寝てそれをする時に、その人の着物の襟首にこの針を刺しておきなさい。そしたら糸籠の糸が出ていくから、明日の朝その糸を辿って行ったら、どこの誰かがわかるから。」と、その娘に言いつけて、その糸籠を置いて、その娘には、もしかしたらアカマタかもしれないとは言わないでいると、その娘も承知しました。すると、その夜もこの娘の所にあの美青年が来て、「はい。」と小声で呼びますので、「どなたですか。」と聞いても返事がありません。ただ一声かけただけですので、そのままにしていますと、中に入って来て娘の側に寝たのです。するとその娘は、母親に言われたのを思い出して、針を用意して待っていますと、その青年が一緒に寝て、それをする時にその針を男の着物の襟首と思って、針を刺したのです。その針と糸は強く結び付けてありますので、朝方になってその男が出ていきますと、糸籠の糸はそのまま出つづけていきました。明朝になりますと、母親も二人でその糸を辿って行きますと、白浜の側の洞窟に着いたので、「ああ、これは確かにここに人がいるのかもしれない。」と思い、「御免下さい。実はどこそこから尋ねてきた者ですが。」と、声をかけても何の返事も聞こえませんので、次第次第に中の方に入って行きますと、大きなアカマタの瞼に、あの針が突き立っていて、そのアカマタはそこから顔を突き出してきたのです。すると、「ああ、これは間違いなくアカマタだったのだ。」と、正体がわかり、その親子はそこから走って浜に下りたのです。そうすると、その娘の孕んでいる子どもはアカマタの子どもですから、浜に下りて白砂を踏むと、孕んでいるのは全部巣守になって墜胎てしまったとの事です。そしてその時から、丁度その日が旧暦の三月三日だったので、その日には女の人は浜に下りて、白砂を踏むようになったのです。昔の人は、男は肋骨一本不足、女は罰被り者といって、何にでも人にでも男にも騙されやすいという事だから、家の外から合図があっても、一声ですぐ、「はい。」と返事しないで、もう一度合図があった後に返事をし、夜は戸も開けるようにしなさいよと、母親が教えて言づけていたそうです。それが今までも続いていて、他人の家に行っても、「御免下さい、御免下さい。」と、二回以上呼ぶ様になっています。また、家の中にいる人も、一回外から合図があっても黙っていて、もう一回合図があった時に、「はい。」と返事する様になっています。また、もう一つの話は、アカマタでもハブでも、古くなった鍋の蓋を地面の上にそのまま置いて、その下でアカマタかハブが卵を産み、それが孵化したアカマタやハブは、人を騙したり、女達を騙すという事で、古くなって切れたり毟れたりして使えなくなったら、木の板に引っ掛けておいたのです。私達が幼少の頃は、豚小屋の側の木の枝に、幾つも掛けておいてあったが、それは先の話を聞いているので、それではいけないと思い、古い鍋蓋は木の枝に下げておいたのである。またの話は、旧暦の三月三日には、女達は重箱に御馳走を詰めて、それを持って浜に下りる様になっているが、首里や那覇の金持ち達は、そのアカマタに恨みを持ち、下男達にアカマタを探させて、それを煮て御重に入れて、アカマタ御重と言って持っていくとの事。そして浜に下りる事のできない娘達には、白砂を持ってきて踏ませたそうです。これが旧暦三月三日に浜下りをする話。識名隆人翻字　Ｔ５Ｂ２