〔方言原話〕　鬼餅（ムーチー）ぬ話（はな）しい。くれえー旧暦（きゅう）ぬ師走（しわーし）ぬ八日（はちにち）ねー、餅（ムーチー）ちゅくてぃかまーに、各人（なーめーめー）、自分（どぅ）ぬ年（とぅし）ぬ数（うっさ）なー、縄（ちな）しくんちさぎーしが、うれー月桃（さんにん）ぬ葉（ふゎー）しちちでぃんぶすくとぅ、月桃餅（さんにんムーチー）んでぃん言い、鬼餅（うんにんムーチー）んでぃん言い。また、ホーハイ餅（ムーチー）んでぃん言しが、ぬーんちホーハイ餅（ムーチー）んでぃ言がんでぇー。昔（んかし）、兄妹二人（ちょーでぇーたい）うしが、うぬ妹（うっとぉー）じこーぬ美人（ちゅらかーぎー）やしが、まーかいいかん、親達（うやぬちゃー）んうらんどぅあくとぅ、夫婦（みーとぅんだ）ぬぐとぅし、二人（たい）し暮らちょーしが、うぬ兄（しーじゃ）んでぃせー、むる他人（ちゅ）とぉー違てぃ、他人（ちゅ）ぬするぐとぉーさん。ありんくりん、むる他人（ちゅ）とぉー違とぉーる仕様仕方（しよーしざま）さぎーん。さくとぅ、妹（うっとぉー）なーくれえー、兄妻（しーじゃんとぅぜー）んとぅめーらん、自分（どぅ）ん夫（うとぉー）むたらんちそうしが、ふぃるましいくとぅに、話（はな）しいんなんじゅさん。うりから食物（むぬ）かむしん他人（ちゅ）とぉー違とぉーい。ふぃるましいむんでぃちそうしが、仕事（しぐとぉ）かいん行かん。家（やー）うてぃ呑気怠慢（うったいもうたい）しさくとぅ、ある時（ばー）にうぬ兄（しーじゃ）ぬ、「私（わん）ねえー用事（ゆーじゅ）いぢちゅーくとぅ。」んち、さくとぅ妹（うっとぉー）、「ぬーがしみるする。留守番（やーぬばー）ぬ私（わー）すさ。やしが、後（あとぅ）から私（わん）ねえー畑（はる）かい行ちゅくとぅ、私（わー）がうらんうぇーまにちゅーらー、冷物（ふぃじゅるむのー）しごーかまんぐとぅ、あちらちかみよう。」んち、兄（しーじゃ）んかい言ち、後（あとぅ）から畑（はる）かい行ちゅんねーびーさーなかい、まじちゃーがすらんでぃうむやーなかい、家（やー）ぬ後（くし）からしらんふーなーし、家（やー）ぬ裏座（くちゃ）ぐゎんかいくまやーなかい、くゎっくぃてぃんちょーたくとぅ、ちゅてぇーさくとぅ、うぬ兄（しーじゃー）けーてぃちさーに、がさがさ、台所（しむ）うてぃすんねぇーさぎいしが、ぬーそうがやーんでぃうむてぃ、くゎっくぃてぃうぬままんちょーたくとぅ、後（あとぉー）かまぎーせーぬーがやら、普通（あたいめー）ぬ人（ちゅ）ぬかむしとぉ違てぃ、がさがささぎーしが、火（ふぃー）ちきてぃ鍋（なーび）んかいいっちょーし、あちらちかむる様子（よーし）んねえらん、ぬーすがやーんちんちょたくとぅ、血（ちー）んたらたらそうる生肉（なまじし）、鬼（うに）ぬ顔（ちら）なとぉーてぃ、ぱくないかまぎーしんーぢゃーに、「とぉーくれえー鬼（うに）るやてぇーる。」んち、うぬ妹（うっとぉー）ふとぅふとぅし、いちょねえー、うれえーうちかまーに、水（みじ）し全部（むる）かちあれてぃ、鬼（うに）ぬ姿（しがた）から人（ちゅ）ぬ姿（しがた）んかいなやーに、またとぅんじたくとぅ、うぬ思うと（うっとぉー）しらんふーなーしんぢゃーなかい、うぬ先（さち）ぬ夜（ゆる）、兄（しーぢゃ）ぬ、「なー私達（わったー）や、君（やー）ん夫（うとぉ）むたん、私（わん）にん妻（とぅぜー）とぅめーらんむん、二人（たい）夫婦（みーとぅんだ）ないみなー。」んち、笑とぉーてぃ、言ゃぎーたしが、「とぉーなーくれえー鬼（うに）るやるむん、くりが妻（とぅじ）んでぇーなたんどぉーやれえー、うちくゎーってぃ一大事（いちでぇーじ）。」んでぃうむやーなかい、しらんふーなーし、けーてぃんぢ、兄（しーじゃー）じこーぬ餅（むち）じょうぐーやくとぅ、月桃餅（さんにんムーチー）ちゅくてぃくぃりよるやるんちさーに、畑（はたき）からけーてぃちから、米（くみ）ふぃちさくとぅ、兄（しーじゃ）ぬ、「ぬーそうが。」んでぃ言ちゃくとぅ、妹（うっとぉー）、「なーあぬー、兄（やっちー）や餅（むちぇー）じょうぐやしがなげーかでぇーんだんむん、でぃー餅（むち）ちゅくてぃかまな。」んでぃ言ちゃくとぅ、「いいー、上等（じょーとうー）やさー。」んち、うっさくゎったーしさーなかい、夕方（ゆさんでぃ）までぃねえー餅（むち）んちゅくてぃ、だてぇーん月桃（さんにん）ぬ葉（ふゎー）んかいちちでぇーる餅（むち）んちゅくてぃさーなかい、兄（しーぢゃ）んかい、「今日（ちゅー）や、うぬ餅（むち）ん酒（さき）んむちゃーなかい、なー師走（しわし）んなーなてぇーうしが、まーがたんじ、人（ちゅ）ぬうらん所（とぅくま）うてぃ、あぬー話（はな）しいしんだな。」んち話（はな）しいさくとぅ、うぬ前（めー）ぬ夜（ゆる）、兄（しーじゃ）ぬ、「なー君（やー）ん夫（うとぉー）うらんあい、私（わん）にん妻（とぅぜー）うらんくとぅ、二人（たい）夫婦（みーとぅんだ）ないしるませーあらに。」んち話（はな）しいんぢゃちぇーてぇーくとぅ、うぬ兄（しーじゃー）、いやでぃんうぬ話（はな）しい、ちかするはじんち、酒（さき）んむっち餅（むち）んむっち、まーがな人（ちゅ）ぬうら所（とぅくま）んかいんち、んぢゃくとぅ、くせー断崖（ちりばんた）やしが、んまんかい崖（はんたー）後（くし）なち、兄（しーじゃー）いしてぃ、色々（いるん）なゆぬ中ぬ話（はな）しいさがなー、「とぉー餅（むち）ん腹一杯（ちゅふゎーら）かめー。だてぇーんちゅくてぃちぇーん。」でぃちさがなー、兄（しーじゃ）ぬ側（すば）んかいゆてぃ行ちゅしんでぇー、うぬ妹（うっとぉー）着物（ちん）ぬ下（しちゃ）からーぬーんちちぇーねえーん。昔（んか）せー沖縄（うちなー）ぬ人（ちょー）ぬーんちらんどぅあくとぅ、うぬままるやしが、帯（うーび）よーみとぉーる所（とぅくま）から、次第（しでぇー）に前（めー）ぬあちゃーなかい、下（しちゃ）んまるみー、うりから、腹（わた）ん、胸元（んに）ん次第（しでぇー）にみーてぃさくとぅ、兄（しーじゃ）、「あはー先日（くぬめー）にあん言ちゃくとぅ、今日（ちゅー）やなー、夫婦（みーとぅんだ）なてぃんしむでぃちるやがやー。」んち、妹（うっとぅ）が、胸（んに）ぬ両方（どぉーほー）ぬ乳房（ちー）ぬあちゃくとぅ、兄（しーじゃ）ぬ、「いぇー、君（やー）むのーうまぬーやが。」んでぃ言ちゃくとぅ、妹（うっとぅ）ぬ、「うま乳城（ちーぐしく）。」んでぃ言ちゃくとぅ、「えーあんどぅやみ。」んち言ちさくとぅ、次第（しでぇー）に下（しちゃ）んーぢゃーなかい、臍（ふす）ぬ穴ぬあちょーしんーぢゃーなかい、「うまーぬーやが。」んでぃ言ちゃくとぅ、「うまー臍口平畑（ふすぐちとぉーばる）んでぃ言ん。」でぃ言ちゃくとぅ、男（いきが）ぬあまみーくまみーさくとぅ、餅（むち）ん酒（さき）ん、うりが側（すば）んかい、ゆしやーゆしやーし、女（いなぐ）んゆてぃちゃくとぅ、うぬ男（いきがー）、「あーなー妻（とぅじ）なてぃんしむんでぃち、やさやーんでぃちうむいがなー、自分（どぅー）ん後（くし）んかい、しんちゃーしんちゃーし、崖（はんた）ぬ上（うぃ）んかいちょーせーわからん。あんしさくとぅ、後（あとぅ）んでぃ言いねえー、二本（たーち）ぬ脚（ふぃさ）あきてぃ、下（しちゃ）ぬまるあちさくとぅ、兄（しーじゃ）ぬ、「あんしうまーぬーんでぃ言ゅが。」んでぃ言ちゃくとぅ、妹（うっとぉー）、「うまー鬼喰口（うにくぇーぐち）。」んでぃ、妹（うっとぅ）ぬ言ちゃくとぅ、「ヒィー。」んでぃる言ちゃる、とぅんたちゅんでぃしいねえー、片手（かたでぃー）や酒（さき）、片手（かたでぃー）や餅（むち）むっちょーくとぅ、立ち上がいんちすしとぉ同時（まじゅ）ん、うぬ妹（うっとぅ）ぬうしけーらちゃくとぅ、後（くし）ぬ崖（はんた）んかいうてぃやーなかい、うぬ鬼（うねー）死亡（けーしぢ）さくとぅ、うぬ妹（うっとぉー）家（やー）かいけーてぃ行ちゃーに、餅（むち）煮ちぇーる。餅（むち）ゆでぃ汁またあちらさーに、鬼（うに）ぬ足（ふぃさ）焼き、んでぃち、じょーんかいはにまちさくとぅ、うんにんから、鬼（うねー）くーんたんでぃ。丁度（ちょーどぅ）うぬ日（ふぃー）ぬ、旧ぬ師走（しわーし）ぬ八日（はちにち）なやーなかい、うんにんからー、うぬ餅（ムーチー）や、鬼（うに）んかいくゎーさーなかい、鬼（うに）くるちゃる食物（くぇーむん）なやーに、鬼餅（うんにんムーチー）んでぃん言ゅしが。なーてぃーちぬ名（なー）や、ホーハイ餅（ムーチー）んでぃち、女（いなぐ）ぬホーハトォーてぃ、鬼（うに）んかい餅（むち）くぃやーに、鬼（うに）くるちゃんでぃち、ホーハイ餅（ムーチー）んでぃ言ゅる。うりから、月桃（さんにん）ぬ餅（ムーチー）んでぃん言しが、うれえー月桃（さんにん）ぬ葉（ふゎー）んかいちちでぃゆでぃーくとぅ、うぬ餅（ムーチー）しいてぃ、月桃（さんにん）ぬかばし、じこー美味（まーさ）る餅（ムーチー）やしが、うりんかえー月桃餅（さんにんムーチー）んでぃん言ん。餅（ムーチー）ぬ話（はな）しい。〔共通語訳〕　鬼餅（ムーチー）の話。これは旧暦の師走の八日に、鬼餅（ムーチー）を作って食べて、また各人が自分の年の数だけ縄で縛ってつり下げるが、これは月桃（さんにん）の葉で包んで蒸すので、月桃餅（さんにんムーチー）とも言うが、鬼餅（うんにんムーチー）ともいうし、またホーハイ餅（ムーチー）ともいうが、それでは、なぜホーハイ餅（ムーチー）というかと言うと、その理由は。昔、兄妹（きょうだい）二人いたが、この妹は大変な美人だがどこにも嫁に行かず、親達も亡くなっているので、二人で夫婦の様にして暮らしているが、その兄というのは、まったく人と異なり、他人の様にはせず、あれもこれも全部人とは違った仕様仕方をしていた。すると妹は、これは兄も結婚しないので、自分も結婚できないでいるが、珍しい事に、話し合いもあまり無く、それから食べ物を食べるのも人とは違っているので、珍しい事だと思っているが、仕事にも行かずに家でぶらぶらして暮らしているが、或る時その兄が、「私は用事に行ってくる。」と言いますと、妹は、「ああいいですよ、留守番は私がしますから。でも後で私も畑に行きますから、もし私が居ない間に帰ってきたら、冷たい物はそのまま食べないで、温めて食べて下さいね。」と兄に言って、後から畑に行く真似をして途中から帰り、「いったいどうするのだろう。」と思って、家の後ろの方から裏の座敷に入り、引き籠もって隠れて見ていたから、暫くすると、その兄が帰ってきて、何か台所の方でガサガサしている様子だが、何をしているのだろうと思って、隠れてそのまま見ていると、何か食べているが注意して見ていると、何だか、普通の人の食べ物とは違って、ガサガサしているが、火をつけて鍋に入っているのを温めて食べている様子もない。何をするのだろうと見ていると、血の垂れている生肉を、鬼の顔になってパクパク食べているのを見て、「ああ、これは鬼だったのか。」と思い、その妹は震えながら座っていると、鬼はそれを全部喰い尽くして、水で全部洗い流し、鬼の顔から人間の顔になってまた飛び出して行くと、その妹は知らん顔で出ていき、昨夜この兄が、「私達は、お前も夫がいない。私も妻はいないから、二人で夫婦になろうか。」と言って笑っていたのを思い出して、「ああもう、鬼の妻にでもなったら喰い尽くされてしまって大変だ。」と思い、それで知らん顔して畑から帰ってきて、兄はとっても餅が好物だったから、月桃餅（さんにんムーチー）を作って食べさせようと思い、畑から帰ってきてお米を挽いていると、兄が、「何をしているのか。」と言いますと、妹は、「もうあのう、兄さんは餅が好物だが永い間食べてないから、今度は餅を作って食べよう。」と言いますと、兄は、「ううん、それは上等だ。」と、喜び勇んでいますと、夕方頃には餅もできまして、たくさん月桃（さんにん）の葉に包んだ餅ができたので、兄に、「今日はこの餅もお酒も持ってから、師走になっているが、どこかに行って人のいない所で話し合いましょう。」と言いますと、その前の夜、兄が、「もうお前も夫がいないし、私も妻がいないから、二人で夫婦になるのが良いではないか。」と、話を出してあったから、この兄はたぶんその事についての話を聞かせるはずと思い、酒を持って餅も持って、どこか人のいない所にと探していたら、後ろは断崖だが、そこで崖を後ろにして兄に座らせ、いろいろ世間話をしながら、「はい、餅も腹一杯食べなさい。たくさん作ってきました。」と話しながら兄の側にすり寄りますと、その妹は着物の下からは何も着けていません。胸の方も肌着は着けていません。昔の沖縄の人は大方その様にして、上部はそのままですが、帯を緩めてありますので、そこから次第に前の方が開いて、下の方も丸見え。それからお腹も胸元も次第に見えてくると、兄は、「ああ、先日の夜あの話をしたので、今日はもう、夫婦になってもよいと思っているのだな。」と思っていたら、胸元の両方の乳房が開いていたので、兄が、「おい、お前のそれは何か。」と言いますと、妹は、「そこは乳の城です。」と話しますと、「ええそうか。」と言いながら、次第に下の方を見ながら、臍の穴の開いているのを見て、「そこは何か。」と言いますと、「そこは臍口平畑と言います。」と答えますと、男はあっちこっち見ていると、餅も酒も兄の側に寄せながら、妹も寄ってくるので、兄は、「ああ、もう妻になってもよいと思っているのだな。」と思いながら、押されて、自分も次第に後ろに退き、崖の上に来ているのがわかりません。そうすると、最後に妹が、二つの足を開けて下の方を全開しますと、兄が、「それで、そこは何というのか。」と言いますと、妹は、「そこは鬼を喰う口。」と言いますと、「ひええ。」と叫んで飛び立とうとしますと、片手にはお酒を持ち、片手に餅を持ったまま立ち上がると同時に、妹が押し倒しますと、後ろの崖に墜落して、その鬼は死んだのです。するとその妹は実家に帰っていき、餅を煮た煮汁を加熱して、「鬼の足焼け。」と言いながら、戸外に振りまいたのです。するとそれからは、鬼は来なくなったのです。丁度その日が、旧暦の師走の八日だったのです。その時から、その餅の煮汁は鬼の足を焼くし、また、餅は食べさせて鬼を殺した食べ物という事で、鬼餅（うんにんムーチー）ともいうが、もう一つの名はホーハイ餅（ムーチー）といって、女が陰部を見せながら鬼に餅を食べさせて、鬼を退治したのでホーハイ餅（ムーチー）という様になっているが、月桃餅（さんにんムーチー）ともいう。それは、月桃（さんにん）の葉で包んで蒸すので、月桃（さんにん）の香りが餅にうつり、大変香ばしく、またとても美味しい餅で、それには月桃餅（さんにんムーチー）ともいう。餅（ムーチー）の話。識名隆人翻字　Ｔ５Ｂ１