〔方言原話〕　くれー、上原組（うぃーばるぐみ）ぬ山瑞慶覧（やまーじきらん）ぬカミー叔父（うんちゅー）が、召集さりみそうち、明後日出発（あさてぇーたち）みせーんでぃる夜（ゆる）、山瑞慶覧（やまーじきらん）うてぃ校長瑞慶覧（こーちょーじきらん）ぬ、朝敏（ちょうびん）兄さんが、話（はな）しいしみせーたる、中城（なかぐしく）ぬ美女（ちゅらいなぐ）ぬ話（はな）しい。うぬ当時（とぅじ）や、朝敏（ちょうびん）兄さのー中城（なかぐしく）うてぃ、歯科医院（はーいさ）そうみせーたん。昔中城（んかしなかぐしく）んかいじこーぬ美女（ちゅらいなぐ）ぬうまりてぃ、ちらかーぎーちらさぬ、容姿（どぅーむちねー）から、人情（しなさき）ん、知恵（じんぶ）ぬんまんどぉる女（いなぐ）やたんでぃ。あんすくとぅ、間切中（まじりぢゅー）、他間切（たまじり）からん、ぬじゅまーがまんどぉーたんでぃしが、ある時（ばー）に、一人（ちゅい）ぬ美青年（ちゅらにーせー）が、うぬ女（いなぐ）ぬ井戸（かー）から水（みじ）くでぃちゅーしんぢゃーにうちふりてぃ、いくけーぬんかゆてぃみーちきてぃさくとぅ、あとぉー、女（いなぐ）んうりわかやーに、話（はな）しいさくとぅ、うぬ女（いなぐ）ぬ別りーる時（ばー）に、「天（てぃん）ぬんかい、火（ふぃー）ちきてぃめんそうり。」んち、別りたくとぅ。うぬ青年（にーせー）や、家（やー）かいけーてぃいちゃーなかい、竿（そー）ぬ先（さち）んかい、灯節（とぅぶし）くんち、うりたてぃてぃかいむっち、上（うぃ）ぬ灯節（とぅぶし）んーちょーたくとぅ、隣（とぅない）ぬ物知祖母（むぬしりぱーぱー）が、「ぬーそうるばーが。」んちとぅたくとぅ、「私（わん）ねーじこぬ美女（ちゅらいなぐ）みーじけーせーしが、話（はな）しいさくとぅ、うぬ女（いなぐ）ぬ、天（てぃ）ぬんかい火（ふぃー）ちきてぃめんそうり、んでぃいてぇーくとぅ、灯節（とぅぶし）んかい火（ふぃー）ちきてぃ、うぬ女（いなぐ）ぬ家（やー）んかいいちゅんでぃちゃん。」でぃいちゃくとぅ、うぬ祖母（パーパー）やわらてぃ、「いぇー、知恵不足者（さらぶりむん）。天（てぃ）ぬんかい火（ふぃー）ちきてぃくうんでぃせー、灯節（とぅぶし）んかい火（ふぃー）ちきてぃくーんでぃるばーやあらん。月（ちち）ぬんじらばくーんでぃる意味（ばー）るやる。」んち、ならーちゃくとぅ、うぬ青年（にーせー）や、ぐりーし、家（やー）かいんぢ、月（ちち）ぬ夜（ゆー）なたくとぅ、美女（ちゅらいなぐ）ぬ家（やー）ぬ、家（やー）ぬ側（すば）うてぃ話（はな）しいし、物語（むぬがたい）さーに、別りーる時（ばー）に、うぬ女（いなぐ）ぬ、「今度（くんどぉ）、馬二匹（んまたーち）んかい鞍一（くらてぃーち）かけてぃめんそうり。」んでぃち話（はな）しいさーに別りたくとぅ、うぬ青年（にーせー）や、家（やー）かいけーてぃ、鞍ぬまぎーちゅくてぃ、馬二匹（んまたーち）並びてぃかきんでぃすしが、ちゃーしんかかららんなたくとぅ、隣（とぅない）ぬ祖母（ぱーぱー）んかい話（はな）しいさくとぅ、「馬二匹（んまたーち）んでぃいせー、妊娠（かさぎ）とぉーる馬（んま）るやる。二匹（たーち）並びてぇーあらん。」でぃちならーちゃくとぅ、うぬ青年（にーせー）や、他人（ちゅ）ぬ妊娠（かさぎ）とぉーる馬（んま）かてぃちゃーに、うりんかい鞍かきてぃぬてぃんぢゃーに、また話（はな）しい物語（むぬがたい）さーに、別りーる時（ばー）に、「今度（くんどぉー）、何月何日（いちんいっか）めんそうり。」んち、別りてぃんぢゃんでぃ。やしが、うぬ青年（にーせー）や、今迄（なままでぃ）自分（どぅ）ぬ知恵（じんぶん）し、さるばーやーあらん。全部（むる）隣（とぅない）ぬ祖母（ぱーぱー）がる、ならちぇーくとぅ、本当（ふんとぉー）や知恵（じんぶ）のーいきらさるばーやくとぅ、うぬ日（ふぃー）なたくとぅ、うぬ女（いなぐ）ぬ家（やー）んかいんぢゃれー、裏座ぬ入口（いりぐちー）ぬ戸（はしる）いふぇぐゎーあちさくとぅ、戸（はしる）あきてぃ内（うち）んかいいっちゃくとぅ、入口（いりぐちー）ぬ内（うち）んかえー会席御膳（くゎいしきうぢん）ぬんかい、冷御飯（ふぃぢゅるうぶん）とぅ、皮（かー）ぬちちょーる竹（だき）ぬ枝（ゆだー）ぬ御箸一本（うめーしかたぐー）とぅ米粒七、八（くみしじななち、やーち）に、小刀（しーぐ）ぬぬぢうちきてぃ、うぬ側（すば）んかえー鞘（しー）ぬうかっとぉーしが、うぬ女（いなごー）、胸（んに）んあきてぃ、乳房（ちー）ん布団（うーどぅ）ぬ上（うぃ）んかいまるんぢゃしさーに、枕元（まっくゎぐゎ）ぬんかえー、くーてぃ灯籠（とぅーる）ぬうかってぃさくとぅ、蚊帳（かちゃ）ぬ内（うち）ん会席（くゎいしき）んゆーみーゆん。さくとぅ、うぬ青年（にーせー）や、知恵（ぢんぶ）のーいきらさるあくとぅ、うぬ意味（ちむぇー）やわからん、小刀（しーぐ）とぅ竹（だき）ぬ枝（ゆだー）ぬ御箸（うめーし）とぅやーに、御橋（うめー）せえ二（たーち）んかいわやーに、御飯（うぶん）かむんちさくとぅ、蚊帳（かちゃ）ぬ内（うち）ぬ女（いなぐ）ぬ、「貴方（うんじょうー）やーさるそうみせーるい。家（やー）かいけーみそうれー。」んでぃ言ちゃくとぅ、青年（にーせー）や、わけえーわからんなてぃ、家（やー）かいけーてぃ、倦怠憂鬱（うふとぅるばい）さくとぅ、今度（くんどぉー）隣（とぅない）ぬ祖母（ぱーぱー）がうりんーち、「ぬーが倦怠憂鬱（うふとぅるばい）そうる。」んでぃ言ちゃくとぅ、うぬ青年（にーせー）や、「女（いなぐ）ぬくーんでぃ言たくとぅんぢゃしが、ぬーぬ話（はな）しいんねえらん、会席（くゎいしき）んかいありとぅくりとぅうかっとぉーしが、自分（どぅー）や蚊帳（かちゃ）ぬ内（うち）んかい、胸（んに）ん乳房（ちー）んまるんぢゃしにんてぃ、私（わー）が一本（かたぐー）御箸（うめーし）わてぃかむんちさくとぅ、貴方（うんじょうー）やーさるそうみせーるい。家（やー）かいけーみそうれー。んでぃ言たん。」でぃち、話（はな）しいさくとぅ、祖母（ぱーぱー）や、「貴方（やー）やぬーちぃーちわからん、大無知識（さらぶしじょー）やさ。あんせーかんげーてぃんーでぇー。会席（くゎいしき）んかいうちょーる御飯（うぶ）のーにーらんうぇーまー、一粒（ちゅしぢ）なー離りてぃふぃっちからんしが、熱（にち）んでゃちにーねえ、むちゃくなやーにふぃっちかてぃ離りらん。うりが冷（ふぃじゅ）てぃ、熱（にち）ぬねーらんないねえー、益々（ゆく）ん強（ちゅー）くふぃっちかてぃ離りらん。人（ちゅ）ぬ夫婦（みーとぅんだ）ん同様（いーぬぐとぅ）、熱（にち）ぬ冷（ふぃじゅ）てぃん、骨壺（かーみ）ぬ尻（ちび）てぃーちなてぃんしまびーんでぃる意味（ちむぇー）、又、皮（かー）ぬちちょーる竹（だき）ぬ枝（ゆだー）ぬ御箸（うめー）せー、竹（だけ）えー竹（だき）よう竹（だき）、んち、抱けー抱きよう抱（だき）、んでぃる意味（ばー）。米（くめー）くみんでぃる意味（ちむぇー）、小刀（しーご）ー鞘（しー）よう鞘（しー）、んち小刀（しーぐ）ぬぢーうちぇーせー、男（いきがー）小刀（しーぐ）、女（いなごー）鞘（しー）やくとぅ、小刀（しーぐ）鞘（しー）んかいいりり。貴方（うんじゅ）が小刀（しーぐ）、私（わー）鞘（しー）んかいしなーしんでぃ言ちょる意味（しじ）やくとぅ、貴方（やー）や会席（くゎいしき）ぬ小刀（しーぐ）鞘（しー）んかいしなーさーに、蚊帳（かちゃ）ぬ内（うち）んかいいっちくーんでぃ言ちょー意味（ちむぇー）、あんすくとぅ、うり言葉（くとぅば）しいーねー、米（めー）から竹（だち）米くみ）小刀（しぐ）鞘（しー）ないくとぅ、いちまでぃん夫婦（みーとぅんだ）ぬ縁結（いんむし）ぶくとぅ、前（めー）から上（うぃ）んかいんぢ抱（だち）組（くまー）に小刀（しじ）鞘（しー）んかいいりーし待っち、胸（んに）ん乳房（ちー）んあきてぃみしてぇーせー、下（しちゃー）ぬーんちちぇーうらんどぉー、んでぃる意味（ばー）やくとぅ、貴方が（やー）がぬーんでぃんいやんぐとぅ、蚊帳（かちゃ）ぬ内（うち）んかいやーに、着物全部（ちぬんむる）はじやーに、上（うぃー）んかいぬぶいねえー、会席（くゎいしき）女（いなぐ）ぬ側（はた）からんーじーねー、小刀、竹、米（しぐ、だち、くみ）、しぐ抱込（だちくみ）み、るやくとぅ、女（いなぐ）ん抱込（だちく）みーねー、小刀（しーぐ）、鞘（しー）んかいしなーち、夫婦（みーとぅんだ）ぬちぢしーねー、後世迄（あぬゆまでぃ）んむしばりーてぇーしが、貴方（やー）や大無知識（さらぶしじょー）るやくとぅ、なー今（なま）から貴方（やー）がんぢん話（はな）しいやならんさ。女（いなぐ）恥かかちねーらんむんぬ、又、会席（くゎいしき）ぬ品物（しなむのー）、女（いなぐ）ぬ口から、貴方（うんじゅ）が妻（とぅじ）なてぃんしまびーんでぇー言いぐりさくとぅ、あまうてぃんくまうてぃんうぬ話（はな）しいやちかーりるむんぬ、貴方（やー）やうりんわからんたんなー。」んち、話（はな）しいさくとぅ、うぬ青年（にーせー）や、心痛（しんく）さーに病気（やんめー）かかてぃ、後（あとぉー）死亡（けーまーち）さくとぅ、友達、親戚達（どぅしぬちゃー、うぇーかぬちゃー）さーに、女（いなぐ）ぬ部落（しま）ぬみーゆる所（とぅくま）んかいんでぃちんでぃやーに、森（むい）ぬ側（すば）んかい墓ふいんちしーねー、反対からん、墓ふやーたーがちゃーぎーたんでぃ。あんし話（はな）しいさくとぅ、あぬ美女（ちゅらいなぐ）ぬ、男（いきが）うみーくがりさーに、死亡（けーまー）ちゃんでぃる、くとぅんかいなやーに、二人（たい）が墓並びてぃふやーにちゅくてぃ、両方（どぉーほー）んかい竹（だき）うぃたくとぅ、うぬ竹（だけー）風（かじ）ん吹ちんたっちからんなたくとぅ、両方（どぉーほー）ぬ親達（うやぬちゃー）が相談さーに、死亡（まー）し後（あとぅ）から夫婦（みーとぅんだ）なち、ちゅとぅんまぬ墓んかいいったくとぅ、いふぃぐゎーぬ風（かじ）ぬ吹ちん、両方（どぉーほー）ぬ竹（だけー）ちゅいしーじーし、一緒（まじゅん）なとぉーたんでぃ。あんし、うぬ森（むい）や今（なま）んあんでぃ。中城渡口（なかぐしくとぅぐち）から、与那原んかい行ちゅる道ぬ側（すば）んかいあんでぃ。〔共通語訳〕　この話は、上原組の屋号山瑞慶覧のカミ叔父さんが、召集で明後日出発なされるという日の夜、山瑞慶覧の家で、校長瑞慶覧の朝敏兄さんがお話しになった、中城の美女の話。この当時、朝敏兄さんは中城で歯科医院を開業なさっておられた。昔、中城に大変な美女が生まれて、顔立ちも美しく、容姿も端麗で、人情も厚く、知恵も豊かな女だったので、中城間切中、又、他の間切からも恋慕う人がいたそうだが、ある時、一人の美青年が、この女が井戸から水を汲んで来るのを見て一目惚れし、何度も通って見つめているうちに、彼女もこれを察して話をし、その娘は別れる時に、「天に火をつけておいでなさい。」と言って別れました。するとその青年は、家に帰って竿の先に灯節を結い付けて、それを持って上の灯節を見ていると、隣の物知り婆が、「何をしているのか。」と聞くと、「私は大変美しい娘見初めているが、その娘が、天に火をつけておいでなさい、と言ったので、灯節に火をつけてその娘の家に行こうと思っている。」と言うと「隣の婆は笑って、「おい、知恵不足者。天に火をつけておいでというのは、灯節に火をつけておいでといってるのではなく、月が上がったらおいで、と言っているのだ。」と教えました。すると、その青年は婆に御礼を言って家に帰り、月夜になると娘の家の側にでいろいろ話をして、別れる時にこの娘が、「今度は二匹の馬に鞍を一つおいておいでなさい。」と話して、別れました。するとその青年は家に帰り、特別大きな鞍を作って、二匹の馬を並べて乗せようとするが、どうしても乗せられない。それで隣の婆に話しますと、「馬二匹というのは妊娠している馬であって、二匹並べるのではない。」と教えると、その青年は他人の妊娠した馬を借りてきて鞍を置き、その馬に乗って行き、またいろいろ話をして別れる時に、「今度は何月何日においでなさい。」と言って別れました。しかし、この青年は今まで自分の知恵でやったのではなく、全部隣の婆が教えていたので、本当は知恵が少なかった。その日になってその女の家に行ってみると、裏座敷の入り口が少し開いているので戸を開けて内に入ると、入り口の裏側に会席御膳があり、冷えた御飯と、竹の枝のお箸一本と、米粒七、八粒、小刀とその鞘がおいてあった。その向こうには蚊帳を張って、中にはその娘が寝ていますが、その娘は胸元も乳房も布団の上に丸出し、枕元には小さい灯がついてて、会席もよく見える。するとその青年は、知恵が少ないからその意味がわからずに、小刀で竹のお箸を二つに割って、御飯を食べようとすると、蚊帳の中の娘が、「貴方はお腹を空かしているのですか。家に帰って下さい。」と言うので、青年はわけがわからず家に帰って憂鬱にしていると、今度は隣の婆がそれを見て、「何で憂鬱にしているのか。」と言うと、その青年は、「娘がおいでと言うので行ったのだが、何の話も無く会席御膳にあれとこれと置かれてあったが、自分は蚊帳の中で胸元も乳房も丸出しで寝ていて、私が一本の箸を割って御飯を食べようとすると、貴方はお腹を空かしているのですか。家に帰って下さい、と言われた。」と話すと、婆は、「お前は何一つ知らない無常識者だ。考えてみなさい。会席に置かれた御飯は、炊く前は一粒一粒離れているが、炊くと互いに引き合って離れない。それが冷えて熱が無くなると、益々強く引っ付き合って、決して離れない程固く引っ付く。人間の夫婦もこれと同様で、熱が無くなって骨壺の底一つになっても良いですという意味。又、竹は竹だよ竹、と言って、抱けは抱けだよ抱け、という意味。そして、米は組という意味。小刀は鞘だよ鞘というのは、抜いて置かれているのは、男は小刀、女は鞘だから、貴方の小刀を私の鞘に入れなさい、という意味だから、貴方は会席の小刀を鞘の中に入れて、蚊帳の内に入って来なさい、といっている意味だから、それを言葉でいうと、前（御飯）から抱（竹）き組（米）で、すぐ（小刀）やる（鞘）、そうするといつまでも夫婦の縁を結びますからと、前から上にいって抱き組んで小刀を鞘に入れるのを待って、胸元も乳房も開けて見せているのは、下には何も着けていません、という意味だから、貴方が何も言わずに蚊帳の内に入り、着物を全部脱いで上にのぼると、会席を女の方から見ると、すぐ（小刀）抱き（竹）込（米）、すぐ抱き込。女も抱き込むと、すぐ（小刀）さや（鞘）に入れて、夫婦の契りをすれば、後世までも結ばれたものを。お前は大無知識者だから、今から行っても話しはできないよ。女に恥をかかせてしまったのだから。又、会席の品物は、女の口から貴方の妻になっても良いですとは言いにくからで、あちらこちらでよくその話があると聞くのに、お前はそれも知らなかったのか。」と話すと、その青年は心痛のあまりに病気になり、亡くなってしまいました。すると友達や親戚が集まって、せめて娘の部落が見える所にと思い、森の側に墓を掘ろうとすると、反対側からも墓を掘る人達が来たので話をすると、美女が男を思い焦がれて亡くなったとの事で、二人の墓を並べて造り、両方に竹を植えたのですが、その竹はどんなに風が吹いても接する事がないので、これを見た両方の親達が相談して、亡くなったあと夫婦にして一か所の墓に入れると、少しの風が吹いても支え合って一緒になっているとの事です。そしてその森は今もあるそうです。中城渡口から与那原に行く道の側にあるそうだ。識名隆人翻字　Ｔ５Ａ２