〔方言原話〕　城間仲（ぐしくまなーか）ぬ話いやしが、「ある仲（なーかー）、城間仲（ぐしくまなーか）。」んち、他（ふか）ぬ人（ちゅ）んかい、まーさ物（むん）出（んぢゃ）しーねー、「あんし奢（ふぃでーてぃ。」んでぃ言（い）いねー、冗談（てーふぁ）さーなかい、「ある仲（なーか）、城間仲（ぐしくまなーか）。」んでぃ言（いゅ）ん。うぬあたい、世間（しきん）ぬ人達（ちゅぬちゃー）から敬（うやまっ）とーる家庭（ちねー）やしが、うぬ家庭（ちねー）ぬ話い。ある大晦日（とぅしぬゆるー）ぬ夕方（ゆーさんでぃ）、盗人（ぬすどぅ）ぬうぬ家（やー）ぬ天井（てぃんじょう）んかい登（ぬぶ）し、主人（ぬーし）ぬ見（んー）ぢゃーに、夕飯（ゆーばん）時刻（じぶん）になたくとぅ、主人（ぬーし）ぬ、「今夜（ちゅー）ぬ夕飯（ゆーば）のー二人前（たいだまし）。」んち二人（たい）が御膳（うじん）作（ちゅく）らちさーに、「天井（てぃんじょう）ぬ青年（にーせー）、降（う）りてぃ来（くー）。」んち、呼（ゆ）ばーに、一緒（まじゅん）夕飯（ゆーばん）くぃてぃ、「何故（ぬーんち）、大晦日（とぅしぬゆるー）にうぬ様な事（くとぅ）すが。」んち話いさくとぅ、「私達（わったー）や貧乏者（ふぃんすーむん）なてぃ、今夜（ちゅー）や大晦日（とぅしぬゆるー）やしが、子供達（わらばーたー）が多（うふ）さぬ、大晦日（とぅしぬゆるー）に食（か）むしがねーらん、くまからやれー、いふぇーうんちゅーむんないがすらんちちゃーびたん。」でぃち話いさくとぅ、「とーとー、人（ちゅ）、人間（にんじ）のーうんぐとぅするむのーあらん。うーはまい働（はたら）ちーねー、なんくるいー暮らしないくとぅ、うーはまい働（はたら）ちるする、うんな事（くとー）すな。」んち、御馳走（くゎっちー）ん、米（くみ）ん持（む）たちやらちゃくとぅ、うぬ青年（にーせー）や、うんにんから、うーはまい働（はたら）ち、世間並（ゆなみ）に暮らしゆーするぐとぅなたくとぅ、城間仲（ぐしくまなーか）んかい、御礼（りーじ）しーがちゃーに、「御陰（うかじ）に、今（なまー）人並（ちゅなみ）に暮らするぐとぅないびたん、にふぇーでーびる。」んち、御礼（りーじ）すたんでぃ。昔人（んかしんちゅ）ぬ話いに、「銭（じん）とぅ、ふぇーふちぇー、溜（た）まいしんでー、汚（はごー）くないん。」でぃる話いやしが、城間仲（ぐしくまなーか）、あねーあみそーら、いー人（ちゅ）やみせーたんでぃ。あんし、今（なま）ん立派に栄（さけー）とーみせーん。」〔共通語訳〕　城間仲（ぐしくまなーか）という家の話だが、「ある仲（なーか）は城間仲。」と言う、他人に美味しい物を出すと「そんなに奢って。」と言われると、冗談で、「ある仲（なーか）は城間仲。」という。それくらい、世間の人から敬われた家庭ですが、その家庭の話。ある大晦日の夕方、盗人がその家の天井裏に登って行くのを主人が見ていて、夕飯の時刻になりますと、主人が、「今夜の夕飯は二人前。」と申して、二人分のお膳を用意させて、「天井にいる青年、降りてきなさい。」と呼んで、一緒に夕飯もくれて、「何故、大晦日にそのような事をするか。」と話しますと、「私達あ貧乏者で、今夜は大晦日ですが、子供達が多くて大晦日になっても食べるものが無く、ここからだと少しお借りできるかと思って来ました。」と話しますと、「そうか、でも人、人間はそのような事をしてはいけない、一生懸命働いたならば自然に良い暮らしができるから、一生懸命働いて、そのような事はするな。」と、御馳走もお米も持たせて行かせますと、その青年はその時から一生懸命働いて、世間並みに暮らせるようになりますと、城間仲にお礼に来て、「お蔭様で、今は世間並みに暮らせるようになりました、有り難うございました。」とお礼したそうです。昔の人の話に、「お金とハイフキは溜まれば溜まるほど汚くなる。」との話ですが、城間仲はそうではなくて、とても良い人だったそうです。それで今も立派に栄えています。平成９年２月17日　高江洲亮翻字　Ｔ４Ｂ２