〔方言原話〕　北谷長老ぬ前（めー）や、北谷城（ちゃたんぐしく）ぬ近くんかい長老山（ちょうろうやま）んち有（あ）しが、んまー、今（なま）ーアメリカーぬ軍用地なとーしが、んまんかい祀（まち）らっとーみせーん。長老ぬ前（めー）や大変（じこー）徳（とぅく）ぬ高さみせーる坊主（ぼーじ）なみそーやーなかい、唐んかいなげー留学しみそーちゃる御方（うかた）やみせーたんでぃ。あんし寺（てぃら）うてぃ、集（あち）まてぃ来（ちゅー）る人達（ちゅぬちゃー）んかい色々（いるいる）物（むん）教（ならー）ししみせーたんでぃしが、ある時（ばー）に、一人（ちゅい）ぬ女（いなぐ）ぬ、子供（わらび）ぬ運勢（うんすー）判断（くい）そーらちゃくとぅ、「何月（いち）ぬ何日（いっか）、何時頃（なんどぅち）、運勢（うんすー）ぬわっさくとぅ、家（やー）から外（ふか）んかえー出（んぢゃ）すなよー。」んち、教（なら）しみせーたんでぃしが、うぬ日（ふぃ）ぬ時刻（じぶん）前（めー）なたくとぅ、子供（わらばー）や遊（あし）びーが行（いん）ぢ、帰（けー）てぃ来（くー）ん、家（やー）んかい子供（わらばー）や居（う）らんなたくとぅ、女（いなぐー）慌（あわ）てぃ寺（てぃら）んぢー話いさくとぅ、「あんせー、うぬ時刻（じぶん）ならわー、外（ふか）んかい向（ん）かてぃ、大声（ちゃっぴん）子供（わらばー）名（なー）、三回（みけーん）あびれー。」んでぃ言（い）みせーたんでぃ。うぬ女（いなごー）、家（やー）かい帰（けー）てぃさくとぅ、雨（あみ）ぬ降（ふ）てぃ、うぬ時刻（じぶん）なたくとぅ、女（いなごー）外（ふか）んか向（ん）かてぃ、大声（ちゃっぴん）子供（わらばー）名（なー）、三回（みけーん）あびたんでぃ。うんにんねー、子供（わらばー）や、友達（どぅし）とぅ一緒（まじゅん）遊（あし）どーしが、雨（あみ）ぬ降（ふ）たくとぅ、突出（とぅんぢ）とーる岩（しー）ぬ下（しちゃ）んかい隠（くゎっくぃ）てぃそーしが、「母（あんまー）があびーぎーん。」でぃ言（いゃー）なかい、飛（とぅ）ん出（ぢ）たくとぅ、上（うぃー）ぬ岩（しー）ぬ壊（くー）りてぃ落（う）てぃやーに、うぬ子供（わらばー）や助（たし）かとーしが、残（ぬく）いぬ子供（わらばびんちゃー）や助（たし）からんたんでぃ。うりが、魂（まぶやー）着（ぢ）きぬ始（はじ）まいやんでぃ。また、池（くむい）うてぃ、驚（うどぅる）ち魂（まぶやー）落（う）とぅしーねー、藤竹（でぇーく）んかい七節（ななふー）込（く）みてぃ橋作（ちゅく）やーに、うり入（いっ）てぃ魂（まぶやー）着（ぢ）きすん。うりからある時（ばー）に、い天気（うゎーちち）に、火事（くゎじ）んぬーんあらんしが、寺（てぃら）ぬ火事（くゎじ）やくとぅ、皆（んな）、水（みじ）掛（か）きりよーしあびやーなかい、水（みじ）掛（か）きらちさくとぅ、後（あとぅ）から、唐からぬ使（ちけ）えぬ来（ち）、「火事（くゎじ）ぬ時（ばー）ねー、火（ふぃー）働（ばたら）ちにふぇーでーびる、御蔭（うかじ）に大火事（うーくゎじ）ねーならんぐとぅちゃーいびたん。」でぃち御礼（りーじ）しーがめんそーちょーたんでぃ。うぬ火事（くゎぜー）長老ぬ前（めー）が、唐んかい留学しみそーちょーる時（ばー）に習方（なれーがた）しみそーちゃる寺（てぃら）ぬ火事（くゎじ）やたんでぃ。あんし、色々（いるいる）ぬ話いぬ出（んぢ）てぃさくとぅ、御主加那志前（うしゅがなしーめー）が、布団（うーどぅ）作（ちゅく）てくぃみそーちゃくとぅ、冬ぬ寒（ふぃ）さいに、首里（すい）んかい呼（ゆ）び出しなたくとぅ、布団（うーどぅ）ぬ中（なーか）んかい、穴ふがち顔（ちぶる）出（んぢゃ）ち、首里（すい）んかいめんそーちょーしが、長老ぬ前（めー）や、蟻（あいこー）避（ゆ）でぃる歩（あっ）ちみせーくとぅ、時刻（じくく）ぬ合（あー）らんなたくとぅ、御主加那志前（うしゅがなしーめー）や、大綿入（ふぃたー）とう小綿入（わたいりー）作（ちゅく）てぃくぃみそーちゃんでぃ。うぬ後（あとぅ）、長老ぬ前（めー）や、人達（ちゅぬちゃー）んかい、「二、三カ月（じち）ぬ間（うぇーかー）、私（わん）ねー用事（ゆーじゅ）し出（んぢ）くとぅとぅめんなよー。」んち、出（んぢ）てぃめんせーたんでぃしが、五（ぐ）、六（るっ）カ月（じち）なてぃん戻（むどぅ）みそーらんなたくとぅ、「なー、くれー、ちゃーがななてぃるめんせーさに。」んち、皆（んな）しかめーたくとぅ、山ぬ中（なーか）ぬ赤木（あかぎー）ぬ又んかい、いちょーみせーしが、くぬ世（ゆー）うしなとーみせーたんでぃ。さくとぅ、人達（ちゅぬちゃー）や、たましぬぎやーに、下（しちゃ）んかい降（う）りみそーらち葬方（ほーむいがた）さくとぅ、長老ぬ前（めー）や、抱死（だちぢ）のーしーゆーしみそーらんたんでぃ。上（うぃー）ぬ人（ちょー）高さぬ、下（しちゃ）ぬ人（ちょー）低さぬ、追（うー）てぃ行（い）ちゆーさんどぅあくとぅ、仕方ねーん。むしかうぬまま拝（うが）み上（あ）ぎーねー、「抱死（だちぢん）。」し、「ミイラ」なみそーやーなかい、幾世（いくゆー）までぃん、生（い）ち姿（しがた）残（ぬく）しみせーたる筈（はじ）やしが、私達（わったー）が小学校ぬ頃（くる）れー、北谷長老祭（ちゃたんちょうろうさい）とぅ野国総官祭（のぐにそうかんさい）や、毎年（めーにん）行（い）ちゅたしが。〔共通語訳〕　北谷長老様というのは北谷城（ちゃたんぐすく）の近くのところに長老山というところがあるが、そこは今、米軍用地になっているがそこに祀られている。長老様は大変徳の高いお坊様でいらっしゃって、唐にも長い間留学なされたお方であられたそうです。そして、お寺に集まって来る人達に、いろいろ物事を教えておられたそうですが、ある時、一人の女が、子供の運勢を判断してもらったところ、「何月何日何時頃、運勢が悪いから家から外に出すなよ。」と教えられましたが、その日の時間前になりますと、子供は遊びに行って帰ってきませんので、子供は家にいませんので、女は慌てて寺に行き話しますと、「それでは、その時刻になったら外に向かって、大声で子供の名前を三回呼びなさい。」と言われましたので、その女は家に帰りますと雨が降ったのです。そして、その時刻になりますと、女は外に向かって大声で子供の名前を三回呼んだのです。その時刻に子供は友達の一緒に遊んでいましたが、雨が降ってきたので飛び出した岩の下に隠れていましたが、「母が呼んでいる。」と言って飛び出したのです。すると、上の岩が壊れ落ちて、その子供は助かりましたが、残りの子供達は助からなかったそうです。これが魂着けの始まりだそうです。なお、池で驚いて魂を落とす時には、藤竹に七節込めて切り、それを橋にして池に立て魂着けをする。それからある時、晴れた良い天気に、火事でも何でもないのだが、「お寺が火事だからみんなで水を掛けて下さい。」と呼び掛けますので、みんなで水を掛けますと、その後、唐の国から使者が来て、「消火活動、大変有り難うございました。お蔭様で大火にならずに消し止めました。」とお礼に来たそうです。その火事は、長老様が唐に留学なされている時、修行なされたお寺の火事だったそうです。そんな話がいろいろと出ましたので、王様は布団を作って授けたそうです。すると、ある冬の寒い日に、首里（しゅり）からの呼び出しが掛かりますと、布団の中心に穴を開けて、そこから頭を出して首里に行かれたのですが、長老様は蟻の子を避けて通るお方ですから時刻が合いません。すると、王様は大綿入れと小綿入れを作って授けたそうです。その後、長老様はみんなの人達に、「私は二、三カ月用事で出掛けるから、捜さないように。」と話されて出ていかれました。だが、五、六カ月になっても戻られませんので、もうこれは、何か異変が起きたのではないかと心配して、山の中を捜しますと、山の中の赤木の又の所に座られて成仏しておられたのです。すると、人達はびっくり仰天して、急いで下に降ろして葬方をしたのです。すると、長老様は抱死（だちぢん）はできませんでした。上の人はあくまで高く、下の人は低すぎて、追いついていけないのですから仕方がありません。もしそのまま拝み崇めますと、「抱死。」「ミイラ。」になられて幾世までも生姿を残された筈ですが、私達の小学校の頃は、北谷長老祭と野国総官祭は毎年行きよったが。平成９年２月17日　高江洲亮翻字　Ｔ４Ｂ１