〔方言原話〕　くれー、棺箱（くゎんばく）んかい、何故（ぬーんち）宝箱（たからばく）んでぃ言（いゅ）がんでぃる話い。昔（んかし）、あるとぅくまんかい、貧乏者（ふぃんすーむん）ぬ老夫婦（とぅすぃみいとぅんだ）ぬめんせーたんでぃしが、大晦日（とぅしぬゆるー）なてぃん二人（たい）し火正月（ふぃーそーぐゎち）さーやーんち、火（ふぃー）燃（めー）ち、正月（そーぐゎち）さがなー話いし、「私達（わったー）や、誠（まくとぅ）そーてぃ、人助（ちゅだし）きすんでぃ、金銭（ぢんかねー）儲（もー）きゆーさんしが、今（なま）までぃ、陰徳（いんとぅく）儲（もー）きてーくとぅ、徳（とぅく）ぬ有（あ）れー、黄金（くがに）んうがむんどー、人間（にんじ）のー誠（まくとぅ）る第一（でーいち）どー。」んち、話いさがなー、「あまぬ墓んかえー、宝ぬ入（いっ）ちょーる箱（はく）ぬ有（あ）んでぃしがやー、有（あ）みせーるとぅくろー、うー事（ぐとぅ）やー。」んち、話いさくとぅ、家（やー）ぬ外（ふか）うてぃ、立ち聞（ぢ）ちそーる盗人（ぬすどぅ）ぬ、うぬ話い聞（ち）ちゃーに、「くぬ人達（ちゅぬちゃー）や、世間（しきん）うてー、じこー誠（まくとぅ）な者（むん）でぃる話いやくとぅ、くぬ人達（ちゅぬちゃー）が嘘（ゆくしむにー）ぬ話（はなしー）やさん筈（はじ）。」んち、うぬ墓んかい行（いん）ぢゃーに、開（あ）きてぃ見（んー）ちゃくとぅ、なるふどぅ、箱（はく）ぬ有（あ）る、くれー本当（ふんとー）やさやーんち、うぬ箱（はく）開（あ）きてぃ見（んー）ちゃくとぅ、中（なーか）、ハブぬみっちゃかてぃさくとぅ、盗人（ぬすどぅ）、たましちんぬぎやーに、「くぬひゃー、やなたんめーぐゎー達（たー）や、私（わー）が立ち聞（ぢ）ちそーしわかやーに、私（わん）ハブんかい喰（くぃー）付（ち）きらすんでぃち、嘘（ゆくしむにー）せーさやー、とーあんやらー、反対にくぬハブ持（むっ）ち行（いん）ぢゃーに、あったー喰（くぃー）付（ち）きらしはるないる。」んち、うぬ箱（はく）担（かた）みてぃちゃーに、屋根（やー）ぬ頂上（いりちゃ）ぬ下側（しちゃむち）ぬふちばやんぢゃーに、んまから、家（やー）ぬ中（うち）んかい、うぬハブ投（な）ぎんちゃくとぅ、家（やー）ぬ中（うち）うてーうぬハボー黄金（くがに）なてぃ、バラバラ落（う）てぃてぃさくとぅ、老夫婦（とぅすぃみいとぅんだー）、「うねうね、今（なま）ねー、黄金（くがに）ぬ拝（うが）まっとーん、やー、御前（んめー）、誠（まくとぅー）、、陰徳（いんとぅく）儲（もー）きとーちーねー、後（あとー）、黄金（くがに）ん拝（うが）まりんどー。」んち、うっさそーみせーたんでぃ。あんさくとぅ、うんにんからー、棺箱（くゎんばく）んかえー宝箱（たからばく）んでぃ言（いゅ）るぐとぅなとーんでぃ。〔共通語訳〕　これは、棺箱に何故宝箱と言うのか、というお話。昔あるところに、貧乏者の老夫婦がおったそうだが、大晦日になっても何一つ食べるものが無いので、仕方がないから二人で火を燃やして、火正月をやろうということになり、火を燃やして正月をしながらの話し合いは、「私達、誠一筋で人助けをするためにお金も儲けることはできなかったが、今まで陰徳を沢山儲けたから、徳があれば黄金も授かるだろう。人間は誠が第一だ。」と話した後、「あそこの墓には宝物の入った棺箱があるという話を聞いたが、お金の沢山ある人は良いねえ。」と話し合っていますと、家の外で立ち聞きしていた盗人は、その話を聞いて、「この人達は世間の人の話では非常に誠な者だとの話だから、この人達が嘘をつくような事はない筈。」と思ってその墓に行って開けてみると、なるほど、棺箱が置いてあり、これは本当だったのだと思い、その棺箱を開けてみると、中は蛇が満杯入っているので盗人はびっくり仰天し、「この悪爺婆達、私が立ち聞きしているのをわかり、それで私を蛇に食いつかせるために嘘をついたのだなあ。よし、それでは、反対にこの蛇を持って行って、かれらに食いつかせてやろう。」と言うことで、その棺箱を担いできて、屋根の頂上より少し下側の斜めになった所を壊して、そこから家の中にその蛇を投げ入れると、家の中ではその蛇は、みんな黄金になってパラパラと落ちましたので、老人夫婦は、「ほれほれ、今度は黄金が拝まれた、見てごらんおばあさん、誠を尽くして陰徳を儲けておくと、あとは黄金も拝まれるんだよ。」と言い合って喜んだそうである。そのようなことがあって、その時から棺箱のことを宝箱というようになったとの話。平成９年２月17日　高江洲亮翻字　Ｔ３Ｂ６