〔方言原話〕　龍糞（どぅーふん）でぃせー、万病ぬ薬（くすい）やんでぃしが、うぬ話い。私達（わったー）屋取（やーどぅい）や、野里村（ぬざとぅむら）ぬ家（やー）分（わ）かやーなてぃ、野里（ぬざとぅ）上原（うぃーばる）んでぃ言（いゅ）しが、野里（ぬざとぅ）ぬ東（あがれ）えー、野里原（ぬざとぅばるー）、うりが上側（うゎーら）ぬ平坦地（ちゅらうちかい）なとーん。あんし、野里（ぬざとぅ）ぬ村ぬ南側（ふぇーむてぃ）ねー、野里馬場（ぬざとぅんまうぃ）ぬ有（あ）ん。私達（わったー）祖父（ふぁーふじ）ぬ若（わか）さる時（ばー）に、畑（はたき）うてぃ甘薯（んむ）掘（ふ）いぎーたくとぅ、龍糞（どぅーふん）ぬ焼（や）きーるかじゃさくとぅ、「くれー、確かに龍糞（どぅーふん）ぬ焼（や）きーるかじゃやしが。」んち、鍬（くぇー）道具んはん投（な）ぎてぃ、野里馬場（ぬざとぅんまうぃー）んかい、走（はー）えーし、行（いん）ぢゃくとぅ、んまうてぃ青年達（にーせーたー）が、ぬーがやら、焼（や）ちゃぎーし見（んー）ぢゃーに、「君達（いったー）や何（ぬー）焼（や）ちょーが。」んち問（とー）たくとぅ、「松（まーち）ぬ穴から、松（まーち）ぬ油（あんだー）ぬ流（なが）りとーしが、柔（やふゎ）らさぬ、鎌（いらな）ぬ先（さち）さーに、突（ち）ちちゃー、突（ち）ちちゃーさくとぅ、固（くふゎ）いぎーたん。あんし燃（めー）いる筈（はじ）んち、燃（めー）ちゃくとぅ、臭（くさ）さん、りちさがなー、ゆー燃（めー）いたくとぅ、燃（めー）し面白（ふぃる）さーに、全部（むる）燃（めー）ちゃん。」でぃち、話いさくとぅ、いふぃぐゎー残（ぬく）とーし持（むっ）ちちゃーに、証文箱（すーむんばく）ぬ、引（ふぃ）ち出（んぢゃ）しーんかい入（いっ）てぃ、くれー、万病ぬ薬（くすい）んち、置（う）ちぇーたしが、くぬ戦争（いくさ）に、家（やー）一緒（しーてぃ）、焼（や）きてぃねーらんなとーん。龍糞（どぅーふん）ぬ焼（や）きーねー、強（ちゅー）さる、かじゃぬ有（あ）んでぃ、また、柔（やふゎ）らそーし、鉄（かに）し、突（ち）ちちゃー突（ち）ちちゃーしーねー、固（くふゎ）いんでぃる話い。〔共通語訳〕　龍糞というのは万病の薬だという事だがその話。私達の部落は野里（のざと）の村の分家みたいで、野里上原（のざとうぃーばる）というのだが、野里の東側は野里原で、その上の方の平坦になっているところである。そして、野里の村の南側に野里馬場がある。私達の祖父がまだ若い時に、畑で甘藷を掘っている時に、龍糞の焼ける匂いがしたので、これは確かに龍糞の焼ける臭気だと、鍬などの甘藷堀りの道具を放り投げて、野里馬場に走って行ってみると、そこで青年達が何やら焼いているのを見て、「君達は何を焼いているか。」と問いますと、「松の穴から松脂が流れているが、柔らかいので鍬の先で突いていると、次第に固くなっていった。そして、燃えるだろうと思って燃やしたら、臭いと思いながらも良く燃えるので面白くなり、全部燃やしてしまった。」と話しますので、本の少し残っているのを持って来て、証文などを入れる箱の引出しに入れて、これは万病の薬だとして置いてあったが、この戦争で家と一緒に焼失して、今はもう残っていない。龍糞というのは焼くと強い臭気があって、また、柔らかい時に鎌の先など、鍬で突いていると固くなるという話。平成９年２月17日　高江洲亮翻字　Ｔ３Ｂ３