〔方言原話〕　宝物（たからむのー）、子（くゎ）、孫（んまが）んでぃる話い。昔（んかし）、首里御城（すいうぐしく）うてぃ、なー各々（めーめー）ぬ持（む）ちょーる宝物（たからむん）誰（たー）むんぬがましやら、持（む）ち集（すらー）ち、勝負（すーぶ）しみてぃんーだな、んち、御主加那志前（うしゅがなしーめー）ぬ、言（い）みそーちゃくとぅ、皆（んな）、黄金（くがに）ん、銀（なんじゃ）ん、自分（どぅー）ぬ持（むっ）ちょーる宝物（たからむん）ぬ、一番上等（じょーとぅー）持（むっ）ち行（いん）ぢさくとぅ、一人（ちゅい）ぬ武士（さむれー）や、なー、学問（がくむぬ）ん優（すぐ）りてぃ、武芸（ぶじー）ぬ達者やしが、うぬ人（ちょー）、学問（がくむん）習（なら）たい、武芸（ぶじー）習（なら）たいする為（たみ）に、金銭（じのー）全部（むる）使（ちか）てぃねーらん。ちゃー貧乏（ふぃんすー）るそーる。あんしやしが、今度（くんどー）、男子供（いきがぼーじゃー）ぬ生（ん）まりてぃさくとぅ、「なー、私（わん）ねー、宝物（たからむん）でぃちぇーぬーんねーらんむん、私（わん）ねーくぬ子供（ぼーじゃー）そーてぃ行きはるやる。」んち、うぬ子供（ぼーじゃー）そーてぃ行（いん）ぢゃーなかい、皆（んな）ぬ一番後（くし）んかい並（なら）でぃさくとぅ、一番、二番し、番付（ばんぢき）する人（ちゅ）ぬ、「だーあんし、やー宝物（たからむのー）。」んでぃ言（い）ちゃくとぅ、うぬ人（ちょー）、「ありん学（ならー）はるやい、くりん習（ならー）はるやいし、習方（なれーかた）すんでぃ、自分（どぅー）ぬ持（むっ）ちょーる宝物（たからむのー）、全部（むる）売（う）ちうてぃぬーんねーびらんやしが、くぬ産子（なしぐゎー）一人（ちゅ）えーなーくれー、黄金産子（くがになしぐゎー）んち男子供（いきがぼーじゃー）いびーくとぅ、なー、私（わー）宝物（たからむのー）くりるやいびーる。」んでぃ言（い）ちゃくとぅ、うぬ番付（ばんぢき）さーや、なーうれー、番付（ばんぢきー）ならんなやーなかい、「とーなー、やー物（むのー）番付（ばんぢ）けー付（ち）きららん。」んでぃ言（いゃー）に、うぬ番付（ばんぢき）せーる帳（ちょー）持（むっ）ち、御主加那志前（うしゅがなしーめー）ぬ側（すば）んかい行（いん）ぢ、御見掛（うみか）きたくとぅ、一番終（う）わぬとぅくまうてぃ、「ぬーがくれー、名前（めーぜー）たっちょーしが、番付（ばんぢき）ぬ番（ば）のーたっちぇーねーらんしが。」んでぃ言（い）みそーちゃくとぅ、「くぬ武士（さむれー）や宝物（たからむのー）ねーらんでぃち持（むっ）ちぇー来（くー）ん、自分（どぅー）ぬ嫡子、子供（わらばー）一人（ちゅい）る抱（だ）ちちょーいびーる、やくとぅ、宝物（たからむのー）ぬーんねーびらん。」でぃちうなきたくとぅ、王（をー）や、「あんし、うぬ武士（さむれー）やぬーんでぃ言（いゅ）たが。」でぃ言（い）みそーちゃくとぅ、「うー、うぬ武士（さむれー）ぬ言い分や、『私（わん）ねーなー、ありんくりん習方（なれーかた）すんでぃ、全部（むる）売（う）ちうてぃ、くぬ子供（ぼーじゃー）一人（ちゅい）る宝やいびーる、くれー黄金子供（くがにわらばー）やいびーん。』でぃち、返答（ふぃんとー）そーいびーしが、だーうれー、子供（わらばー）るやいびーくとぅ番付（ばんぢ）けーないびらん。」でぃちうなきたくとぅ、うぬ話い聞（ち）ちみそーやーなかい、御主加那志前（うしゅがなしーめー）や、「とー、一番（いちば）のーくりやさ、国ぬ宝（たからー）、人民（しんか）るやる。」んでぃ言（い）みそーやーなかい、うぬ子供（わらばー）そーてぃ来（ちゃ）る武士（さむれー）や、番付（ばんぢき）ぬ一番なやーなかい、国ぬ宝（たからー）、人民（しんか）るやる、んち、褒美（ふーび）いーたんでぃる話い。〔共通語訳〕　宝物は自分の子や孫だという話。昔、首里城（しゅりじょう）で、「各人が所持している宝物、誰の所持品が良いか、皆、持ってきて勝負してみようではないか。」と王様が申されましたので、皆、黄金作りの品や、銀製品など、自分の持っている宝物の中、一番上等な品を持って集まりますと、一人の武士は学問も優秀で、武芸も達者だが、その人は学問を学んだり、武芸を習ったりするためにお金をみんな使い、常に貧乏暮らしをしていましたが、それでも今度、男の子が生まれましたので、「もう私は宝物は何も無いから、この子供を連れていく。」と考え、その子供を連れていって、みんなの一番後ろの方に並びました。すると、一番、二番と番付をする人が、「どれ、君の宝物は。」と尋ねますので、その人は、「あれも学ばんといけないし、これも習わんといけないと、いろいろな事を習うために、自分の持っている宝物を全部売り払って、何一つ残ってませんが、この子供一人は、もうこれは黄金子供というように男の子ですから、私の宝物はこれです。」と言いますと、その番付する人は、「もう番付はできませんので、あなたのものは受付はしても順位の番付はできません。」と言って順位の番付はしないで、その番付帳を持って、王様の側に行き差し出しますと、最後の方をご覧になって、「なんでこれは名前は書いてあるのに順位はないか。」と言われましたので、「この人は宝物は何一つも無いと申しまして持って来ていませんが、自分の嫡子の子供一人を抱いて来ていまして、宝物は何もありません。」と申し上げますと、王様は、「それでその武士はなんと申したか。」と問われますので、「はい、その武士の申すには、『私はもう、あれもこれも習い事が多くて、宝物は全部売り払ってこの子一人が宝物です。この子は黄金子供です。』と返答していますが、それは子供ですので番付することはできません。」と申し上げますと、その話を聞かれた王様は、「おお、一番はこれだ。国の宝は国民である。」と申されて、その子供を連れて来た武士は、番付で一番になりまして、国の宝は国民であると申して、沢山の商品を貰ったという話。平成９年２月17日　高江洲亮翻字　Ｔ３Ｂ２