〔方言原話〕　雨蛙（あまがく）ぬ話い。アマガクんでぃん言（いゅ）ゆるアマガカー、んでぃん言（いゅ）しが、うれーなー雨（あみ）ぐゎーぬ降いがたーないねー、「ガークガーク。」し、みんちゃさるあたいなーあびーしが、うれーぬーやがどぅんやれー、昔（んかし）、うぬ雨蛙（あまがく）ぬ人（ちゅ）やたる時代（じぶん）、全部（むる）親（うや）ぬ言（いゅ）る事（くとぅ）反対びけーし、天の邪鬼なてぃ、、右（にぢり）んでぃ言（いー）ねー、左（ふぃざい）、あまんでぃ言（いー）ねーくまんでぃち、親（うや）ぬ言（いゅ）る事（くとぅ）全部（むる）聞（ち）かんたんでぃ。あんし親（うやー）ぬ病気（やんめー）かかてぃ、治（のー）らんぎさーなたくとぅ、うぬ子（くゎ）んかい、「私（わん）にんくぬ病気（やんめー）ぬ治（のー）らんむんやれー、あぬ世（ゆー）んかいる行ちゅくとぅ、やーやなーやん一人（ちゅい）暮らしるすくとぅ、私（わー）がむしか治（のー）らんむんやらー、川原（かーら）ぬ側（すば）んかい葬（ほーむ）りよー、墓（はかー）川原（かーら）ぬ側（すば）んかい造（ちゅく）りよー。」んでぃち言（いー）付（ち）きてぃ、長（なげー）さんぐとぅ親（うや）けーまーちさくとぅ、うぬ子（くゎー）、私（わん）ねー今（なま）までぃ親（うや）ぬ言（いゅ）る事（くとぅ）聞（ち）かん反対びけーし、天の邪鬼なてぃ、ただ一（てぃー）ちぇーちょーん聞（ち）かんてーくとぅ、けーまーちねーらん、私（わん）一人（ちゅい）るやくとぅ、くり一（てぃ）ちぇーちょーん聞（ち）きはるないる、親（うやー）ぬ言（いゅ）る事（くとぅ）聞（ち）ちゃーなかい、今（なま）までぃぬ親不孝（うやふこー）詫びりはるないる、んち、川原（かーら）ぬ側（すば）んかい葬（ほーむ）てぃさくとぅ、だー雨（あみ）降いがたーないねー、大水（うーみじ）出（んぢ）てぃ、うぬ墓ぬ流（なーげー）りーねーなー親（うや）んねーらん、子（くゎ）んねーらんないくとぅ心配（しわ）さーに、なー、「ちゃーすが、ちゃーすが。」しあびーんでぃ。うりが、「ガークガーク。」しあびーせー、人（ちゅ）ぬ、「ちゃーすが、ちゃーすが。」すし大水（うーみじ）ぬ出（んぢ）いねー、親（うや）ぬ入（いっ）ちょーる墓ぬ流（なげー）りらのあがやーえー、んでぃち、しぐ慌てぃてぃ、あまはい、くまはいあびてぃ歩（あっ）ちゅんでぃ。親不孝（うやふこー）雨蛙（あまがく）ぬ話い。〔共通語訳〕　雨蛙の話。方言ではアマガク、またはアマガカーとも言います。これは雨が降りそうになると、「ガークガーク。」と喧しいほど鳴り立てますが、それは何故かと申しますと、昔、雨蛙が人間であった時代、全然親の言う事を聞かず、反対ばかりしている天の邪鬼がいました。右と言えば左、あそこを言えばここと言って、親の言う事は全然聞かなかったそうです。そして、親が病気になり治りそうもないので、その子供に、「私もこの病気が治らなかったらあの世に行くのだが、お前はもう、お前一人暮らしをするようになるから、私がもし治らなかったら、私を川原の側に葬ってくれ。墓は川原の側に作りなさい。」と言いつけました。そうすると、山に作るだろうと思ったのです。しばらくしてその母親が死亡しますと、その子供は、「私は今まで、親の言うことも聞かず反対ばかりして天の邪鬼になり、何一つも聞いてないから、親は死亡してしまって私一人になったので、これ一つだけでも親の言う事を聞いてあげて、川原の側に埋葬して、今までの親不幸を詫びよう。」と思って川原の側に埋葬したのです。すると、雨が降りそうになると大水が出て、その墓を流してしまうと親も無くなり、子も無くなるのだがと心配して、「どうするか、どうするか。」して鳴いているそうです。あれが、「ガークガーク。」と鳴くのは、人間が「どうするか、どうするか。」で大水が出たら、親の入っている墓が流されはしないかと思って、とても慌ててあそこへ行ったりここへ行ったりして、心配して鳴きながら歩いているそうです。親不孝雨蛙の話。平成９年２月17日　高江洲亮翻字　Ｔ２Ｂ３