〔方言原話〕　くれー黄金（くがに）ぬい華ぬ話い。昔（んかし）あるとぅくまうてぃ、一人（ちゅい）ぬ百姓（ひゃくそー）ぬ自分（どぅー）ぬ畑ぬ側（すば）うてぃ、黄金（くがに）ぬ華ぬ上（あ）がいし見（んー）ぢゃーに、鍬（くぇー）持（むっ）ち行（いん）ぢゃーに、「確かに、くぬまんぐとぅやたしが。」んち、掘（ふ）とーしが、ちゃっさ掘（ふ）てぃん黄金（くがねー）出（んぢ）らん、石塊（いしぐるー）びけーる出（んぢ）たくとぅ、なーひん下（しちゃ）るやる、うほーくん上（あ）がとーてーるむん、でぃち掘（ふ）とーしが、黄金（くがに）やいぎさーぬ物（むのー）一（てぃー）ちん出（んぢ）らん。深（ふかー）く掘（ふ）い返（けー）らち、自分（どぅー）ぬ高さやか、深く掘（ふ）とーしが、黄金（くがねー）出（んぢ）らん、しそーいねー、んまんかい、行商女（かみあちねー）がちゃーぎーしが、籠（ばーき）んかい小物（ぐなむん）ぐゎから、だーしぐゎーぬーん入りやーに、頭（ちぶ）んかいかみとーてぃ通（とぅい）りかっとーる時（ばー）に、「あいえーなー、くぬ石ぐゎーや上等（じょーとぅー）やるむん、私（わん）にんかいくぃみそーらんなー。」んでぃ言（い）ちゃくとぅ、「いー、持（むっ）ち行けー、石るやる。」んでぃ言（いゃ）がなー、うぬ女（いなぐ）ん見（んー）ぢゃーに、「ぬーがやーや夫（うとぅ）ん居（う）らんどぅあるい、うぬ若さぬ者（むん）ぬ、行商女（かみあちねー）し歩（あっ）ちぇる。」んち問（とー）たくとぅ、「うー、私（わん）ねー夫（うとぅ）んうしなてぃる、銭（じん）ぐゎー儲（もー）きいんでぃる行商女（かみあちねー）し暮らちょいびーる。」んでぃ言（い）ちゃくとぅ、「あんるやんなー、昔（んかし）からやー、役ん立たん夫（うとぅ）持（むっ）ち別りてーういし、夫（うとぅ）持（む）ちゃーすしやかねー石持（む）ちゃーし、んでぃ言（い）ゆる言葉（いくとぅば）ぬ有くとぅ、とー、やーんなー、なんじゅ徳（とぅく）ぬねーらん男（いきが）当たてぃ、伴侶（くさてぃ）ん失（うしな）てぃ、一人者（むん）（やぐさみむん）なてぃ、一人暮（ちゅいぐ）らしるそーれー、なー、今（なま）から夫（うとぅ）持（むっ）っち、夫（うとぅ）持（む）ちゃーすしやかねー、うぬ石持（むっ）っち石持（む）ちゃーせーわ。」んでぃ言（い）ちゃくとぅ、うぬ行商女（かみあちねー）や笑てぃ、「貴方（うんじょ）いーいむん教（ならー）ちぇみせーさ、なーあんせー、今（なま）から夫（うとー）持（む）たん、石持（む）ちゃーさびーさ。」んちうぬ石ぐゎーやふぃってぃはちーねーら。あんさーなかい、あまうてぃん、くまうてぃん商売（あちねー）し、家（やー）かい帰（けー）てぃ行（いん）ぢさくとぅ、途中（みちなかー）うてぃとめーてーる石（いせー）黄金（くがに）なてぃ、うりがる黄金（くがに）やしが、黄金（くがに）ぬ華見（んー）ち、黄金（くがに）かめーいんちさる人（ちょー）徳果（とぅっくゎ）ぬねーらん、掘（ふ）い出（んぢゃ）ちえーあてぃん、見（みー）ぬ前（めー）んかい有てぃん、黄金（くがに）なてー見（みー）らんどぅあくとぅ、んまから通（とー）いる行商女（かみあちねー）がけーふぃてぃはちねーらん。昔（んかし）ぬ人（ちゅ）ぬ、黄金（くがに）ぬ華ぬ上がいし、見（んー）だわーんまんかい、「自分（どぅー）ぬ徳果（とぅっくゎ）ぬ有（あー）とーらー、くぬ桑木（くわぎ）繁（わか）らちくぃみそーり。」んち桑木（くわぎ）植（うぃ）やーなかい、三年（さんにん）ぬ間（うぇーま）、うぬ桑木（くわぎ）ぬ、生（みー）ゆがやー、枯（か）りゆがやーんち見（んー）ちからるうぬ黄金（くがに）ぬ有んでぃ、思（うむ）いっとぅくま掘（ふ）いるぐとぅんちぬ話いやしが、うぬ人（ちょー）、黄金（くがに）ぬ華見（んー）ちゃくとぅ、しぐ掘（ふ）いんでぃさーなかい、本当（ふんとー）や、自分（どぅー）んかいや、うり取（とぅ）いる運（さー）や当たてーねーらんしが、掘（ふ）い出（んぢゃ）ちゃくとぅ、だーうぬ行商女（かみあちねー）んかいる、黄金（くがに）取（とぅ）る運（さー）や当たとーてーる様子（ふーじ）やくとぅ、うぬ行商女（かみあちねー）や、他人（ちゅ）ぬ掘（ふ）い出（んぢゃ）ちぇーる黄金（くがに）ふぃてぃ、家（やー）かい持（むっ）っち行（いん）ぢゃてぃ、あんすくとぅ、昔（んかし）から、果報（かふー）や目（みー）ぬ前（めー）んかい有てぃわからんでぃ。自分（どぅー）ぬ黄金（くがに）とぅめーいる運（さー）あらんむんやれー、黄金（くがに）ん、黄金（くがに）なてぃー見（みー）らんくとぅ、自分（どぅー）ぬ取（とぅ）ゆーさん、また、自分（どぅー）ぬうぬ運（さー）当たとーるむんやれー、他人（ちゅ）ぬ掘（ふ）い出（んぢゃ）ちやてぃんとぅめーてぃ取（とぅ）らすん。あんすくとぅ、徳果（とぅっくゎ）ぬ入ちょーる人（ちゅ）、他（ふか）ぬ人（ちゅ）ぬやてぃん徳（とぅく）ちきてぃ取（とぅ）らすしが、徳果（とぅっくゎ）ぬ入ちぇーねーらん人（ちょ）、目（みー）ぬ前（めー）んかい下がてぃ有る徳（とぅく）ん取（とぅ）ゆーさん。あんすくとぅ、徳果（とぅっくゎ）目（みー）ぬ前（めー）んかい有てぃんわからんでぃる話ぬ、「黄金（くがに）とぅめーてぃ焦（く）がりり、銀（なんじゃ）とぅめーてぃ難儀（なんぢ）しー。」昔（んかし）ぬ人（ちゅ）ぬ言葉（いくとぅば）、黄金（くがに）ぬ華ぬ話い。〔共通語訳〕　此れは黄金の華の話し。昔、或る処で、一人の百姓が自分の畠の側で黄金の華の上るのを見て、鍬を持って行って、確かに上っていた場所は此処等辺りだったと思って掘ったのだが、幾ら掘っても黄金は出ないで石の塊りだけが出て来たので、もっと下の方だらう、多量に上っていたからと思い、下の方に掘って行ったのですが、黄金らしき物は何一つ出て来ないのでもっと掘返し、自分の高さよりも深く堀ったのですが、黄金は出ません。すると、其処へ行商女が来よるのですが、篭に日用品の小物等を入れて頭に載せて、其の穴を掘っている処に通り掛りました。そして「あらまー此の小石は上等ですねぇー、私に下さいませんか」と言いますので「おー持って行きなさい、石なんだから」と言いながら其の女を見て「どおーして、貴方は夫も居ないのですか、そんなに若い者が行商女等して歩いているが」と尋ねますと「はい、私は夫を亡くしてしまったので、お銭を儲けるために行商女をして暮しているのです」と言いますので「其うだったのか、昔から役立たずの夫を持って何回も夫を持つよりも、石を持ちなさい。と言う語葉が有るから、もう貴方もあんまり徳の無い男に当り、伴呂も失なって一人者になって、一人暮しをしているなら、もう今から又、夫を持つよりも其の石を持って、石持しなさい」と言いますと其の行商女は笑いながら「貴方は大変良い諺を教えて下さいましたから其れでは、今から夫は持たづに石持をします」と言って、其の小石を拾上て行ったのです。それから彼方、此方で商売をして家に帰って来ますと、途中で拾った石は黄金になっていました。本当は此の石が黄金なんだが、黄金の華を見て、黄金を探そうとした人、徳果が無くて、掘り出しても目の前に有っても、黄金になっては見えないのですから、其処から通る行商女が拾上げて持って行ってしまったのです。昔の人が、黄金の華の上るのを見たならば、其処に「私に徳果が有りますならば、此の桑の木を繁らして下さい」と念じて桑の木を植えて、三年間、其の桑の木生えるか、枯れるか、見定めてから其の黄金が有ると思はれる場所を掘る様に、と言う話しですが、其の人は黄金の華を見ると、早速掘り出そうとしているのですが、本当は、自分には其れを取運は当っていないのだが、掘出しておくと、其の行商女に黄金を取る運が当っていた様子なので、其の行商女は、他人が掘り出した黄金を拾って家に持って帰ったそうです。だから、昔から、果報は目の前に有ってもわからないと言うそうです。自分が黄金を拾う運でないならば、黄金も、黄金になっては見えないので自分が取る事は出来ず、又、自分に其の運が当っているならば、他人が掘り出してでも探して取らせます。だから、徳果の入っている人は、他人がでも徳を付けて取らせますが、徳果の入ってない人は、目の前に下っている徳も取る事が出来ません。だから、徳果は目の前に有ってもわからんと言う話し。「黄金拾って焦れる、銀拾って難儀せよ」昔の人の言う語葉、黄金の華の話し。平成９年２月17日　高江洲亮・赤嶺素花女翻字　Ｔ２Ａ３