〔方言原話〕　位牌（とーとーめー）ぬ話い。昔（んかせー）、首里（すい）、那覇（なーふぁ）うてー、かーま昔（んかし）から、位牌（とーとーめー）や皆（んな）信じてぃ、親（うや）。御先祖（ふぁーふじ）ん信じとーるしじやしが、田舎まんぐらんかい、行（い）ちーねー、位牌（とーとーめー）やねーらんなてぃさくとぅ、御主加那志前（うしゅがなしーめー）ぬ、「くれあんせーならん、親（うや）御元祖（うぐゎんす）ぬめんたくとぅ、私達（わったー）ん居（う）る親（うや）、御先祖（ふぁーふじ）んかいぬ恩返（うんぢげー）しとぅし、位牌（とーとーめー）作（ちゅく）らんぐとーならん。皆（んな）位牌（とーとーめー）作（ちゅく）てぃ、あんし、親御元祖（うやぐゎんす）大切（てーしち）にし崇（あが）みり。」んでぃる事（くとぅ）んかいなたくとぅ、だー、今（なま）までぃ、作（ちゅく）たい崇（あが）みたいさる事（くとぅ）ん、せーんだんい位牌（とーとーめー）るやくとぅ、うぬ位牌（とーとーめー）、首里（すい）、那覇（なーふぁ）行（いん）ぢ買（こー）いねー、値段（でー）ん高（たか）さぬ、しぐ行（いん）ぢゃーなかい、けー買（こー）てぃちゅるあたぬ銭（じん）持（むっ）ちょーせーなー、田舎うてー大変（じこー）ぬ金持（うぇーきんちゅ）んでぃるあたいやくとぅ、とーなーうれーちゃーすがんち、皆（んな）心配（しわ）そーいねー、「何月（いち）ぬ何日（いっか）、んまんかい調査（しらびー）が行（い）ちゅくとぅ、皆（んな）作（ちゅく）てぃ置（う）ちゅるぐとぅ。」んち、達しぬ出（んぢ）たくとぅ、「くれーなー大変（でーじ）なとーん。」んでぃ言（いゃー）なかい、金持達（うぇーきたー）とぅ相談さーなかい、金持達（うぇーきたー）や皆（んな）買（こー）いすらーしみてぃ、置（う）ちきらさーに、巡視（みぐやー）がちーねー、一方（ちゅとぅくま）からうしーさーしる巡（みぐ）いくとぅ、うぬ金持（うぇーき）ぬ終（う）わらはーしぐうぬ位牌（とーとーめー）や持（む）ちゃーなかい、いふぇーがたぬ家（やー）んかい持（む）っち行（いん）ぢいしてぃ、また、後（あとぅ）んかい居（う）る金持（うぇーきー）ぬ物（むのー）、始（はじ）みぬ金持（うぇーきー）ぬ家（やー）から持（むっ）ち置（う）ちぇーる家（やー）ぬ側（すば）ぬ家（やー）んかい、貸（か）らさーに、、終（う）わいねー、ちゃー廻（みぐ）るーし順番にちゃ廻（みぐ）いし、うぬ位牌（とーとーめー）や家（やー）ぬ後（くしー）なーでぃーちゃー廻（まー）ちしし、村中持（むっ）ち廻（みぐ）てぃさーなかい、村中ぬむん、七、八人ぬ金持達（うぇーきたー）むんさーなかい、全部（むる）廻（みぐ）らち、なまねーくま、なまねーあまし、持（む）っち、行（いん）ぢさくとぅ、位牌（とーとーめー）調査員（しらびやー）ん、「んー、くれー皆（んな）作（ちゅく）らっとーん、やしが位牌（とーとーめー）ぬ有るうっさ全部（むる）似（に）ちょーるやー、似（に）ちょーる位牌（とーとーめー）やさやー。」んでぃ言（い）ちゃくとぅ、一人（ちゅい）ぬ青年（にーせー）が、「君達（いったー）位牌（とーとーめー）ぐゎーとぅ、私達（わったー）位牌（とーとーめー）ぐゎーとぅ、あんし似（に）ちいちょる、一門（いちむん）がやたら。」んでぃ言（い）ちゃくとぅ、「あはー、くまぬ村（むらー）皆（んな）一門（いちむん）どぅやいる。」んでぃ、言（い）ちゃれー、「うー。」んちゃくとぅ、うっさし皆（んな）作（ちゅく）てーびーんでぃる事（くとぅ）んかいなやーに、「君達（いったー）位牌（とーとーめー）ぐゎーとぅ、私達（わったー）位牌（とーとーめー）ぐゎーとぅ、あんし似（に）ちいちょる一門（いちむん）がやたら。」んでぃる言（いー）方（かた）、ぬーがな似（に）ちょーるが二（たー）ち有いねー、うんぐとぅ、言葉（くとぅば）ぬ出（んぢ）んでぃ、言（い）やないかい、一門（いちむん）がやたらんでぃるぐとぅんかいなとーんでぃ。〔共通語訳〕　位牌（とーとーめー）の話。昔、首里（しゅり）、那覇（なは）ではずうっと昔から位牌を作り、皆これを信じているのですが、田舎辺りに行くと位牌がないのですから、それを知った首里の王様は、「これはこのままではいけない、御元祖様がいらっしゃったから私達も生まれている。親、先祖の方に恩返しとして位牌を作らなければいけない。皆、位牌を作って、そして親元祖を大切にし崇めなさい。」と言うことから、皆作らなければいけなくなりますと、今まで作った事も崇めたりした事もない位牌だし、また、その位牌は首里や那覇で買うのだが、すぐ行って、おいそれと買って来るぐらいのお金を持っているのは、田舎では大金持ちと言われるぐらいの銭持ちですから、もうこれはどうするかと心配している時、「何月何日にそこに調査に行くから、皆作って置いておくように。」との達しが出ましたので、「これは大変な事になった。」と言うて、金持ち達にみんなで相談して、その金持ち達は皆買い揃えておいて、巡視に来る時は片一方から順次に巡って行くのだから、一番目ん金持ちが終わるとすぐ位牌を持って、家の後ろから大分離れたところの家に持って行って置き、また次の金持ちの家が終わると、一番目の金持ちの位牌を持って行った家の側の家に貸して、次々に廻して、その位牌を家の後ろから順繰りに廻して、村中廻して、村中にいる七、八人の金持ち達の物で全家庭廻して、今度はここ、今度はあそこと廻して、位牌を廻して置いて、調査する人に見せますと、位牌の調査の人は、「ううん、これはこれは、皆、作って置いてある。だがしかし、位牌のあるだけ、みな似た物ばかりだね、似た位牌だねえ。」と申しますと、一人の青年が、「君達の位牌ぐゎと私達の位牌ぐゎと、何とよく似ている、一門だったのか。」と言いますと、「ああ、ここの村は皆一門であるのか。」と言いますので、「はい。」と答えますと、「喜んで、位牌は皆作ってありました。」という事になり、「君達の位牌ぐゎと私達の位牌ぐゎと何とよく似ていること、一門だったのかな。」という言い方は、何か似ている物が二つある時、いつでもそのような言葉が出るというので、一門がやたらというようになったのだそうです。平成９年２月17日　高江洲亮翻字　Ｔ２Ａ２