〔方言原話〕　くれー、ちゃーし、くぬ世（ゆー）んかい人間（にんじん）ぬ生（い）りたが、あんし、何故（ぬーんち）、九十七ないねー風車祝（かじまやー）ぬあが、んでぃる話い。昔（んかし）、昔（んかし）、大変（かーま）大昔（うーんかし）、なーだちゅ人間（にんじん）ぬくぬ世（ゆー）んかい、生（い）まりてぇーうらん、動物（いちむし）と植物（きーくさー）びけーるみーとーるばーに、天（てぃん）ぬ神様ぬうりんーじみそーやーなかい、「かんせーならんむん、人間（にんじん）造（ちゅく）りはるやる。」んでぃち、地上（ぢー）んかい降（う）りてぃめんそーやーなかい、土（んーちゃ）しなーてぃ、うりし、人（ちゅ）、人間（にんじん）ぬ童（わらび）ぬ人形たーち、男（いきが）と女（いなぐ）造（ちゅく）みそやーなかい、明日（あちゃー）までぃ乾（かー）らかしいるんせー、うり立てぃやーなかい、魂（まぶい）込（く）みるんせー、人（ちゅ）、人間（にんじん）ないせー、んでぃち、天（てぃぬ）んかい戻（むどぅ）てぃめんそーち、翌日（なーちゃ）降（う）りてぃめんそーちゃくとぅ、うぬ人形やたーちなむん、全部（むる）、掻（か）ち崩（くじ）らってぃねーらん。「何者（ぬー）ぬさがやーなーくれー。」んでぃ言（い）がなーまたたーち造（ちゅく）てぃ、「今日（ちゅー）造（ちゅく）てーくとぅ、明日（あちゃー）降（う）りてちーねー乾（かー）らちょーる筈（はじ）、魂（まぶい）込（ぐ）みないせーん。」でぃち、天（てぃん）ぬかい戻（むどぅ）てぃめんそーち、翌日（なーちゃ）降（う）りめんそーちゃくとぅ、またん、同様（ぬーぬぐとぅ）掻（か）ち崩（くじ）らってぃ、「誰（たん）ぬ何者（ちら）ぬする事（くとぅ）がやーえーくれーなー。」んでぃ言（い）がなーん、「あんしん今日（ちゅー）造（ちゅく）いねー、また明日（あちゃー）や魂（まぶい）込（ぐ）みないんせーん。」ち、また造（ちゅく）やーに、天（てぃぬ）んかい、帰（けー）とーみせーるばーやしが、翌日（なーちゃ）降（う）りめんそーちゃくとぅ、またん掻（か）ち崩（くじ）らってぃさくとぅ、今度（くんどー）天（てぃん）ぬ神様（かみさまー）くさみちみちみそーやーなかい、「とー、なーなー許さらん。」でぃ言（い）がなーん、またたーち造（ちゅく）てぃ天（てぃぬ）んかい帰（けー）とーるばーやしが、「今度（くんどー）なーくれー、誰（たー）ががすら見当（みいあ）てぃらはるやるん。」でぃち、夜中（ゆなか）、天（てぃん）から降（う）りめんそーちゃくとぅ、土（んーちゃ）ぬ中（なーか）から、真っ黒（まっくーるー）そーる者（むん）ぬ、むくむくしー出（いぢ）てぃちゃーに、うぬ人形たーち掻（か）ち崩（くじ）てぃねーらん。さくとぅ天（てぃん）ぬ神様（かみさまー）、「君（やー）がるむる、私（わー）が造（ちゅく）てーる人形や掻（か）ち崩（くじー）さや、なー許さらん。」でぃ言（い）みそーちゃくとぅ、うぬ真っ黒（まっくーるー）そーる者（むん）ぬ、「ああ、貴方（うんじょー）天（てぃん）ぬ神様、私（わん）ねー土地（じー）ぬ神様、私（わー）土（んーちゃ）使（ちか）てぃ、ありん、くりん、勝手（かってぃ）に造（ちゅく）いせー、なー許さらん。許さらんせー天（てぃん）ぬ神様、貴方（うんじゅ）るやる。」んでぃ、言（い）ちゃくとぅ、天（てぃん）ぬ神様、「あーえー、あんどぅーやる、んちゃ、くれー、何（ぬー）ぬ相談（あんねー）んさんぐとぅ、君（やー）土（んーちゃ）使（ちか）てぃ、人形造（ちゅく）たせー、くれー私（わー）がわっさたん。やしがよー、実（じちぇー）なー地上（ぢー）んかい植物（きーくさ）とぅ、動物（いちむし）びけーる居（う）くとぅ、人間（にんじん）造（ちゅく）れーやーんでぃ思（うむ）てぃるそーしが、あんすらー、うぬ土（んーちゃ）使（ちか）てぃ、人間（にんじん）造（ちゅく）やーに、人間（にんじん）ぬ子（くゎ）、孫（いまが）、産（なーし）ふぃーきーる間（うぇーま）、うぬ土（んーちゃ）、私（わん）にんかい、貸（か）らちとぅらさんがやー。」んでぃ言（い）みそーちゃくとぅ、土地（ぢー）ぬ神様（かみさまー）、「あーなー、、他人（ちゅ）ぬ土（んちゃ）、相談（あんねー）なしくに使（ちか）いせー、くれー、不埒な者（むん）やくとぅ、許さらんしが、貸ららちくぇーりんでぃ、言（い）ゆるむんやれーなーくれー聞（ち）さはるやしが、百年（ひゃくにん）ぬ間（うぇーま）る、貸らすんどー。うぬ二、三年（にん）前（めー）ないねー、合図（えーじ）すくとぅ、うんにんねー用意しみやーなかい、また土（んちゃ）んかい返（けー）しよー。」んち、相談（ちゅーごー）なやーに、天（てぃん）ぬ神様（かみさまー）人間（にんじん）ぬ童子（わらぢ）ぬ人形造（ちゅく）みそーやーなかい、翌日（なーちゃ）なたくとぅ、魂（まぶい）込（く）みてぃ人（ちゅ）、人間（にんじん）ぬ、初（はじ）みてぃ、くぬ地（ぢー）ぬ上（うぃー）んかい、出（い）ぢたんでぃ、生（い）まりたんでい。あんそーしが、だー、うったーや、童子（わらび）るやくとぅ、自分（どぅ）くろー食物（むのー）かめーてぃ、食（か）みゆーさんくとぅ、天（てぃん）ぬ神様（かみさまー）御月様（うちちゅーめー）から、アカナー使（ちか）てぃ餅（むち）落（う）とぅち、うぬ童子達（わらばーたー）んかい、食（くぇ）やーなかい、ふどぅうゎーちさくとぅ、童子達（わらばーたー）や次第次第（しでぇーしでぇー）にふどぅうぃーやーなかい、次第（しでぇー）に知恵（ぢんぶん）出（い）ぢてぃ、恥（はじ）かさわかいになたくとぅ、クバぬ葉（ふゎー）さーに前（めー）や覆（うす）てぃ、歩（あっ）ち、あんしまた何年（なんにん）かするうちねー、なーひん知恵（ぢんぶん）出（い）ぢてぃ、食（くぇー）ふぉーりーせーるせーる餅（むち）貯（た）みとーちーねー、何時（いち）やてぃん、食（か）まりねーくとぅ、んち、二人（たい）し貯みーるぐとぅなたくとぅ、えーなー、うんにんからーなー、天（てぃん）からぬ餅（むちぇー）、落（う）てぃらんなてぃさくとぅ、なーめーめーしー、食物（かみむん）とぅめーてぃ、食（か）いでぃ歩（あっ）ちゅだんでぃ、あんするうちねー、子供達（わらびんちゃー）ん生（い）まりー孫達（いまがぬちゃー）ん、また孫達（いまがぬちゃー）ん生（い）まりてぃさくとぅ、うぬ年寄達（とぅすぃんちゃー）や、今（なま）ぬ昔話（んかしばなしー）すんねーし、「天（てぃん）ぬあぬ、御月様（うちちゅーめー）んかえーアカナーが乗（ぬ）とーてぃ、しぐ西（いり）ぬ海いんぢ蟹（がに）取（とぅ）ってぃ食（か）むん。」あんし、うぬ童歌（わらびうたー）、「アカナーアカナーまーかいがー、西（いーり）ぬ海かい蟹（がに）取（とぅ）いがー、慶良間（きらま）ぬ後（くし）かい蟹（がに）取（とぅ）いがー、慶良間（きらま）ぬ後（くーし）ぬ古御月（ふるうちちぇー）。」んち歌てぃ、一緒（まじゅん）遊（あし）ぶたんでぃ、なーひん小（くぅ）さる子供達（わらばーたー）や、アカナや蟹（がねー）じょーぐーやしが、蟹（がねー）取（とぅ）てー食（くぃー）ゆーさんしが、田螺（たーんな）取（とぅ）てぃ、食（くぃ）くとぅ、昔（んかし）ぬぐとぅし、私達（わったー）んかいん、大餅（うふむち）、美味餅（やとぅむち）、沢山（だちぇーん）落（う）とぅちくぃみそーりんち、祖父（おじー）、祖母達（おばーたー）とぅ一緒（まじゅん）御願（うにげー）する童歌（わらびうた）。「御月様（うちちゅめー）さぬ、御月様（うちちゅめー）、大餅（うふむち）、美味餅（やとぅむち）うたびみそーり、田螺（たーんな）かめてぃうさぎらびら。」んち、皆（んな）し御願（うにげー）する童歌（わらびうた）。今（なま）んたーちぃ、ゆう年寄達（とぅすぃんちゃー）が歌みせーん。うんぐとぅするうちに年（にん）や飛車（とぅびぐるま）、月（ちち）や馬（んま）ぬ走（はい）んち、年（にん）、月（ちち）ぬないせー速（ふぇー）さぬ、急速（ちゅーちゃー）ん、九十七なたくとぅ、土地（ぢー）ぬ神様ぬ現りみそやーなかい、「君達（いったー）や用意しーよー、なー三年（さんにん）しぇー土（んーちゃ）んかい返（けー）いんどー。」んち、合図（えーじ）しみそーちゃくとぅ、くぬ年寄達（とぅすぃんちゃー）や、天（てぃん）ぬ神様ぬとぅくまんかい行（ん）ぢ、「土地（ぢー）ぬ神様があん言（い）っちめんそーちゃーびたん。」りち話（はなしー）さくとぅ、天（てぃん）ぬ神様（かみさまー）「とー、あんせーなー、なーまー二（たー）ち、三（みー）ちぬ童（わらび）とぅ同様（いーぬぐとぅ）、童（わらび）ないけーりてぃ、赤頭巾（あかじっちん）、被（かん）てぃ、赤羽織（あかはうい）ぐゎー着（ち）やなかい、アダニぬ葉（ふゎー）さーに作（ちゅく）てーる風車（かじまやー）持（む）っち、三叉路（みーちかじまやー）、四辻（わーちあぢまー）、橋ぬ上（うぃー）なーでぃーんなさーに、舞踊（すねー）てぃ歩く（あっ）ちぇーは。あんせー、土地（ぢー）ぬ神様がうり見（んー）じみそーやーなかい、『あいあい、くれー、九十七んでぃ思（うむ）たるむん、なーま三（みー）ち、四（わー）ちぬ童（わらび）やるむんなー。』んでぃ、思（うむ）みそーやーなかい、土（んーちゃ）んかい、返（けー）りよーや、しみそーらん筈（はじ）やくとぅ。」んち、ならーしみそーちゃくとぅ、うぬ年寄達（とぅすぃんちゃー）や、しぐ家（やー）かい帰（けー）てぃ行ちゃーなかい、赤頭巾（あかじっちん）、赤羽織（あかはうい）着（ちっ）ち、アダニぬ葉（ふゎー）さーに、作（ちゅく）てーる風車（かじまやー）持（む）っちゃーなかい、道々、子供達（くゎぬちゃー）孫達（んまがぬちゃー）、また孫達（んまがぬちゃー）、皆（んな）舞踊（すねー）てぃ歩く（あっ）ちさくとぅ、うりが、風車祝（かじまやー）ぬ道舞踊（みちじゅねー）ぬ始まいやんでぃ。あんし、後（あとぅ）ぬ世（ゆー）ぬ人達（ちゅぬちゃー）が、うり見（んー）ち、うんにんからーなー、「神様るなとーみせーん。」でぃち、「神とぅ称（たた）りーる人（ちゅ）やくとぅ。」んでぃち、やーなかい、「七橋（ななはし）ゆ渡（わた）てぃ、七四辻（ななゆちぢ）越（く）ちょてぃ、誠（まくとぅ）風車祝（かじまやー）や神ぬう祝（ゆえ）。」んでぃち、なー、神ぬう祝（ゆえー）んでぃるくとぅんかいなとーん。あんすくとぅ、御祝（ぐすーじ）んかい行ちゃーなかい、杯（さかぐち）かみてぃ、挨拶（いぇーさち）しーねー、「あやかーいがちゃーびたん。あやかーらちくぃみそーり。」んでぇー言（ゆ）んぐとぅ、「拝（うが）まってぃくぃみそーり。」んでぃ言（ゆ）しがる本当（ふんとー）ぬ、挨拶（いぇーさち）ぬ仕方やんでぃる話（ななし）ぬ。神（かめー）あやかーいやならん、拝（うが）みるないるんでぃる話い。人（ちゅ）、人間（にんじん）ぬ始（はじ）いとぅ、風車祝（かじまやーすーじ）、道路舞踊行列（みちじゅねーい）ぬ由来記（ゆれーち）んでぃ。〔共通語訳〕　これは、いかにしてこの世の中に人間が生まれたか、そして、何故九十七才になると風車（かじまやー）祝いや、道路行列（みちじゅねー）があるか、と言うはなしである。昔、昔、大変大昔の事、いまだ人間がこの地上に存在していなくて、他の動物や植物だけが生えている時代に、天の神様がそれを御覧になられてこれではいけないから、人間を造ろうと、お考えになり、地上におりて来られて、土を捏ねて、それで人間の童子の人形を二つ、男と、女と造られて、明日迄乾かせば其れを立て、魂を込めると人間になるからと、二つの人形を造られて、天に戻って行かれました。翌日になって、降りてみてみると、その人形は二つとも、全部掻き崩されていました。天の神様は、何者がやったのだろうこれは、と、言はれながらも又二つ造ったから、明日降りてくると乾いている筈、魂を込めることが出来ると、言はれながら、天に戻っていかれました。翌日降りて来られて、見ると又同じ様に掻き崩されているので、何者のする事だろうかねえ。もう、これは。と、言はれながらも、それでも今日造っておけば又、明日は魂が込められるから。と、言はれて、また造って天に帰られたのですが。翌日降りてきて見るとまた同じように掻き崩されていますので、とうとう天の神様は怒られて、ああもうこの様な事をする者は許せん。と言はれながらも、また造って天に帰られたのですが、今度はもう誰がするのか見届けてやらうと思われて、夜中に天から降りてこられて見ていると。土のなかから真黒い者が、むくむくと出てきて、その人形を二つとも、全部掻き崩してしまったのです。すると、天の神様は「おおお前が私の造った人形を全部掻崩したのだな。もう許さん。」と言れましたので、その真っ黒いものは「おお貴方は天の神様。私は土地の神さまである。私の土を使って、あれも、これも、勝手に造るものは、もう許せない。許せないのは、天の神様貴方だ。」と言いましたので、天の神様は、「おおそうであったか。これは何の相談も無しに、貴方の土を使って、人形を造ったのは、これは私が悪かった。だがねえ。実を言えば、地上に、植物と、他の動物だけしか居ないから、人間を造らうと思ってやっているのだが、其れでは、私が其の土を使って、人間を造り、其の人間の。子供や、孫達が沢山増える間。其の土を私に貸してはくれないか。」と、申されましので、土の神様は。「ああ、いええ、他人の土を、何の相談もなく、勝手に使うものは、これは不将な奴だから許せんが、貸してくれと言うのは聞かなければいけないなあ。だがしかし、百年の間しか貸さないよ。其の二、三年前になると合図するから、其の時は、用意させて又土に返しなさい。」と相談がまとまりましたので、天の神様は、人間の童子の人形を造られて、翌日になると、魂を込められて、人、人間が始めて、この地上に出てきたのです。生まれたのです。だが二人とも童子で、自分たちで食べ物を探して食べることが出来ませんので、天の神様は、お月様から「アカナー」に命じまして、餅を落として童子達に食べさせて、育てさせますと、童子達はすくすくと成長して、いろいろと知恵も付き、あれこれと考えるようになり、恥ずかしさが分かるようになると、クバの葉で前を隠すようになりました。そうして又何年かする中に、もっと知恵が付き、食べ散らかしてある餅を集めて、貯めておくと、何時でも自分たちの食べたいときに食べられる。と、二人で貯えるようになりますと、其の時からはもう、落ちてこなくなりました。すると、其の後は、各人で食べ物を探して歩く様になったそうです。そうこうする中に、子供たちも生まれ、孫達、曾孫達も生まれるようになりますと、其の年寄り達は、今の昔話をするように。「天のお月さまには『アカナー』が集っていて、西の海にいって蟹を取って食べる。」と、話しながら歌った。童歌「アカナーアカナー何処へ行く、西の海へ蟹取りに、慶良間の後ろへ蟹取りに、慶良間の後ろの古お月」と言う歌は、皆が一緒に遊んでいた時の歌です。又もっと小さい子供たちは「アカナー」は蟹は上口だけれども。蟹を取って上げる事は出来ないが、田螺を取ってあげるから。昔のように、私たちにも大きな美味しい餅を沢山落としてくださいと。祖父さん、祖母さんと一緒になって御願いする童歌。「お月さま、お月さま、大きい餅、おいしい餅を落としてくださいませ。田螺を探して上げますから。」と皆でお願いする童歌、今も歌い次がれて、年寄りたちは歌います。そうこうする中に、光陰矢の如く、年は飛び車、月は馬の走り、年月の流れは早く、もう九十七才になりますと、土地の神様が現れになって、「君達は用意しなさいよ。もう三年すると、土に返るのですよ」と申されますと、その年寄りたちは、天の神さまのところに行き、「土の神様から、こう言うお告げがありました」と申し上げますと、天の神様は「そうであったか。それでは、まだ、二・三才の子供たちと同様に成済して、赤い頭巾に赤い羽織を着けて、「アダンの葉で作った玩具の風車を持って、三叉路や十字路、橋の上等を皆で舞い踊りながら練り歩きなさい。そうすると、土地の神様がそれをご覧になって、『あらあら、これは九十七才だと思ったのに、まだ三、四才の子供か』と思われて、土に返りなさいとは申されない筈だから」と教えて下さいましたので、その年寄りたちは、急いで家に帰っていき、赤い頭巾と、赤い羽織を作り、それを着けて、「アダン」の葉で作った、おもちゃの風車を持って、道路をかなたこちらと子供たち、孫たち、曾孫たちと皆で舞を舞ながら踊って歩きました。それが、風車祝いの行列の始まりだそうです。そして、後生野人達がこれを見て、この時からはもう「神様になっておられる」と言うことで「神と称えられる御方」であると言うことで「七橋を渡り七四辻越して誠風車祝は神のお祝い」と申し上げて、神様の御祝と言うようになっているそうです。だから、お祝の座に行き、杯を戴くときの挨拶をするときは「あやかりにきました。あやからしてください。」とは申し上がらないで、「拝みにきました。拝まれてください。」と申し上げて挨拶するのが、本当の挨拶と言う話。すなわち神様をあやかることはできません。拝むことは出来ると言うことです。人間の始まりと、風車祝い、道路行列の由来だとのこと。平成９年２月17日　高江洲亮・上原智子翻字　Ｔ１Ａ４